تهمة مقززة تلاحقني و مخلية الناس واخدة منى موقف
مؤدب
علي ابن الناس الكويسين
اصل نت ياعلي هادى كدة
فك بقى
ـــــــــــــــــــــــــــــــ
دى عينة من الانتقادات الموجهة ليا
و مخليانى افكر
ياترى انا هنا لوحدى بس للاسباب دي؟؟
انا بطبيعتي مش كدة على فكرة
يعني انا انسان منطلق
باهرج كتير
صوتى عالي
بس باخد وقتي على ما احدد علاقتي و مدى هزارى مع اي حد
مش من الاول كدة
و ده بيخليني على ما ابدا اخد ع الناس
يكونوا يمكن زهقوا
اتفقعوا
مش عارف
امبارح كان مديري الشاب بيتكلم معايا
و بيقوللى
انت عارف ان انا باتعامل معاك بقسوة شوية و باشد معاك في الكلام
اصلي بصراحة حابب انك تتغير كدة
و تبقى واد مخربش
اصلك يعني هادى و حالم و
اكتشفت ان هدوئي اللي كتسبته هنا بقى عيبة
و اكتشفت ان دخولى مع الناس واحدةواحدا بقى مش مظبوط
انا مش فاهم
ارجو نصيحة
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كانت المغرب لو اذنت عليا و انا لوحدى في بورسعيد
ممكن انهار عصبيا
احساسي ان جو الفطار و البيت و الحاجات دى لو فاتني بازعل قوي
دلوقت الشركة كلها روحوا
و قفلوا الدنيا
انا هنا ع الجهاز
و مش عايز اروح من الشركة
لانى هاروح اقعد لوحدى
و كدة كدة هاكل لوحدى
يبقى خليني هنا
اطلب اي حاجة ديليفري
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
اكثر ما اكرهه في حياتي عدم التقدير
و هذا ما احسه هذه الايام في كيان كنت اعتبره بيتي و عيتي
و لكنى الان امر بمرحلة سخيفة مع فرقتى
step by step
قد يترتب عليها انفصالي عن الفرقة
و ربما يتم الصلح قريبا
اتمنى ان ربنا يهديني للخير في قراري ده
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,و
كان لي صديق توفي والده
و صديقي ده اتاثر جدا بوالده و وفاته
و ده خلاه نه يفضل كل شوية يشغل تسجيل لاخر المكالمات اللي كانت بينه و بين والده و يقعد يفتكره و يعيش معاه
انا دايما كنت بانتقد التصرف ده
و كنت باقولله حرام عليك انك تعمل كدة في نفسك و اعصابك و و و و و
انا الايام دي باعمل نفس التجربة
و كل شوية باطلب رقم احمد ابن عمتى
و انا عارف انه مش هايرد
و كل مرة باتصدم لما اسمع رسالة موبينيل بتاعة الجهاز مغلق
انا لله و انا اليه راجعون
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
واحد منهم كان بيكلمنى و قعد يثني على صوتى
و غنايا
و قعد يقول شعر في غنايا و خصوصا يوم حفلة ايامنا الحلوة
و كعادتى باصاب بحالة خجل من كلمات الاطراء
و باقعد اقول الحمد لله
شكرا
و حاجات من دى
لاقيته بيبص لي شذرا و بيقول
ياعلى انت لازم تعرف قيمتك شوية
انت جامد و اوعى تعمل كدة
و ده خلانى افكر
يمكن المفروض لما حد يقوللى صوتك حلو
اقوم ارد عليه و اقول له
طبعا انا عارف
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
ده تعريف بنفسي كاتبه ع الفيس بوك
و حااسس بيه الفترة دى
About Me:
واحد عادى جدا كل مشكلته انه نفسه يغني بس اكتشف انه عامل زي الحمار اللي معلقين له جزرة في سنارةعمال يمشي و يجرى و را الجزرة ولا عمره هايقدر يوصل لها
..................
................
يا خوفي لاحسن ما اوصلش للجزرة
هناك ١١ تعليقًا:
اوعى تتغير ياعلى
ماحدش بقى يلاقى الانسان المؤدب حواليه دلوقتى
الادب بقى عمله نادره ودا اللى مخليلها قيمه
مالكش دعوه بالناس دى وانا واثقه انك تقدر تكون مخربش وقت اللزوم
الاحساس بالوحده شيء قاتل
بس الخروج منه مافيش اسهل منه
المهم تدور صح
انت اصحابك كتير قوى فوق ماتتصور المهم تشوفهم كويس
انا مش عارفه ايه تفاصيل موضوع ستب باى ستب
بس انا عارفه انك سمكه مش هاتقدر تعيش بره الفريق ده
شيل الوساوس دى من دماغك وصلى على النبى
وياريت تعملنا حفله كده محترمه اليومين الجايين عشان تشوف اصحابك اللى بجد
عمر ما الطيبه و الهدوء كانو تهمه
المهم انك تكون براحتك تعمل اللى مقتنع بيه
عايز وقت قبل ما تنفتح على الناس..حقك
عايز تكون هادى و متتفاعلش معاهم حقك
لو حد يهمك و عايز توصل لقلبه خليك على طبيعتك صدقك حيوصلك لقلبه ..ده لو كان بيحس ويستحق
.........
الوحده فى رمضان شئ موجع ..معندكش اصحاب ممكن تفطر معاهم؟
.........
ربنا يصلح الاحوال و يكتبلك الخير
ساعات الواحد بيمر بمراحل مش مظبوطة بتأثر على حياته كلها
غربتك عن بورسعيد
واختلافك فى مجال هوايتك
والناس اللى بتحبهم ورربنا اختارهم و توفوا
كل دى احداث تخليك متذبذب
استعن بالله و ربنا هيعينك
بجد
يا على الصفات اللى انت قلتها دى مش وحشه
بالعكس
الهدوء و الأدب حاجه كويسه جدا
و الأفضل انك تاخد على الناس واحده واحده علشان تعرف طباعهم
ربنا يصبرك و يرحم الجميع
و بالنسبه للجزره هتوصل ان شاءالله
انت موهوب و مجتهد
و لكل مجتهد نصيب
علــــي ... إنت عاوز كورس التغيير لوحدك ..
إيااك تتغير .. و خليك إنت زي ما إنت .. إنت الأصل يا علي في فطرة الإنسان الصح النقية الطاهرة .. مش معنى إن كل الناس دي بتقول حاجة يبقى هما صح ..
و الخربشة مش معناها قلة الأدب .. دووووس يا علي في الدنيا و بالطريقة إللي تناسبك .. و تأكد إن كل المواقف الصعبة في حياتك .. بتشد من عودك أكتر و أكتر .. و بتعلمك أكتر و أكتر ..
الدنيا دروووس يا علي .. و إنت طالب مجتهد .. ما تخليش حد يأثر على أفكارك ..
خليك زي ما انت يا علي واوعى تتغير
انت الصح في زمن بأه معظمه غلط
اولا انت مش مؤدب ابدا
ثانيا انت مخربش وبتلغب بالبيضه والحجر ثالثا مش محتاج افكرك بالمثل اللي بيقول يا ما تحت السواهي دواهي
رابعا مش فاكرها
خامساوحشتني يا لول
سادسا الحقني يا علي انا شكلي كده هتجوز سابعا وثامنا وتاسعا انت عارفهم
ابقي زور البلوج بتاعي والنبي
������ �� � �� ��� ���� ������ ������� � ������ ��� �� ��� �� �������
�������� ����� ������ �� ������� ���� ����� ����� ���� ���� ��� ���.
����� �� ����� ����� ������ ��.. �����.
اولا انا اول مرة اعلق هنا ويمكن انا عجوزة وسط الشباب اللى هنا،بس بجد هقولك اولا انك - من كتاباتك- شخصية متوازنة جدا- بلغتكم بتعرف تخربش وقت اللزوم-وبعدين صدقنى الهدوء والطيبة دول هينفعوك فى علاقاتك الانسانية وةالاجتماعية جدا كل ما تكبر شوية وتعدى التلاتين كده زيى -التهريج والخباثة وكل ده بيبقى مرحلة وتعدى واللى بيفضل صفات الانسان النقية اللى اتزرعت فيه من صغره-اما التراب بقى اللى بيدعى البعض انه طبيعته من لذاذة وخفة وروشنة بيروح وبتروح ايامه واصحابه و..و.. صدق اختك الكبيرة انت كده تمام وربنا يثبتك ..انا متابعاك فى المدونة من زمان والتوبيك ده فكرنى بنفسى ونفس الاتهام ده كا بيوجه لى يمكن كان فيه فرق لان البنت بشكل عام الهدوء فيها مش شئ غلط-بس بجد الهدوء والتروى فى القرب من الناس ده الاصل وحقيقى انا راضية الحمد لله عن نفسى دلوقتى وبشوف اللى كانوا مخربشين ومهرجين ومهرجات ..بالعامى كده بقوا نمط مستهلك وفيه الالذكمان والاصغر منهم وهى الدنيا كده..مستحييييييييل ترضى الكل، المهم رضا ربنا ورضاك عن نفسك
على خليك على طبيعتك واحسن انك تعرف الانسان الاول وبعدين تحد من معرفتك دى كيفيه التصرف والهزار والتعامل معاة
رمضان كريم
علي بن الناس الكويسين..لا حلوة
بس عادي الوقاحة يابني كنز لا يفني خصوصا عشان تدفع عن نفسك تهمة قلة الخبرة
ايه زكيبة الاحداث دي انا داخل بوست ولا داخل فرش في التجاري؟؟؟
يلا ماعلينا
هو انت عارف ايه الجزرة اساسا عشان توصلها ولا اهي جزرة والسلام؟؟
اللي ييجي يقولك صوتك حلو قوله اساسي
الوقاحة ساعات كنز لا يفني يا عم علي يابن الناس الكويسين
يلا سلام..وحشتني يا واد علي فكرة
إرسال تعليق