السبت، فبراير ١٦، ٢٠٠٨

معلش...انا مقصر معاك




اسخف كلمة اسمعها مرارا و تكرارا من من يقابلني بعد وفاة عمى من اسبوع


معلش يا علي


"انا مقصر معاك"


لا يا شيخ؟؟


التمست العذر لكل من كان لايعرف


او من كان يعتقد بوجودى في القاهرة الفترة دى


لكن كل اللى كانوا عارفين انى في بورسعيد


و ماكلفوش خاطرهم انهم يجولى او حتى يتكلموا بالتليفون يعزونى


و فجاة يلاقونى ع الماسنجر او في الشارع صدفة


"البقاء لله يا على...معلش انا مقصر///مقصرة معاك قوي"


مش عارف التمس لحد فيهم عذر


واهو كدة بقى




ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ




ممكن اقوللكم كلمة بايخة؟؟؟؟


معلش انا مقصر معاكم




اه و الله


رغم ان الكلام اللى جوايا كتير


و كنت هافرقع


لكنى لاقيته اسود من اللازم


و حسيت انى نكدت عليكم بما فيه الكفاية


و لأن كل اللي فات كان كئيب قوي قوي قوي


قررت انى اسكت


و اهو لما اتصورت حبيت اشارككم فيها


مش باقول لكم


معلش انا مقصر معاكم




ــــــــــــــــــــــــــــــــــــــــــــــــــــــــــــــــــــــــــــــــــــــــــ




حاجة تانيى مهمة لازم اقولها


ياللا استعدوا


واحد


.


.


.


.


.


اتنين


.


.


.


.


.


.


تلاااااااااااااااااااااااااااااااااااااااااااااااااتة




عندى حفلة يا جدعااااااااااااااااااااااااااااااااااااااااااااااااااااااااااااااااااااااااااان




اه و الله


عندى حفلة مهمة جدا جدا جدا جدا جدا جدا جدا جدا جدا جدا جدا جدا جدا جدا ليا


مع فرقة اسمها ارابيسك


مجموعة شباب من كلية تربية موسيقية


و كلهم موهوبين قوي


لا و ايه


دى اول حفلة ليا مع دار الاوبرا


هى اى نعم مش في المسرح الكبير


لكنها في مكان احلى


الحفلة هاتكون يوم السبت الجاى 23-2-2008


في مسرح الجمهورية في وسط البلد


بجد هاستناكووووووووووووووووووووووووووو


ملحوظة كمان


انا حاطط ع الجنب فلاير للحفلة


طلب شخصي من كل واحد حابب انه يساعدنى


يا ريت يحطه هو كمان في مدونته


نفسي اشوفكم كلكم جنبي يومها






هناك ٧ تعليقات:

gogo we bas يقول...

منغير معلش
البقاء لله

***************
مبدئيا البوستر جامد ماشاء الله

بذمتك ياراجل حد يعمل حفلته يوم سبت؟؟؟؟؟؟؟؟؟؟؟؟؟؟؟

ماعلينا...


سيبك.. ان شاء الله هتكسر الدنيا
سبت سبت.. ان شالله ماحد حوش

ربنا معاك

a7lam 3adya يقول...

على...

اول حاجة ... البقاء لله ... وانا مش مقصرة معاك عشان احنا منعرفش بعض

ثانى حاجة .. مبروك على الحفلة وان شاء الله هحضرها يعنى ويك ايد مزيكا جامد جدا .. الجمعة وسط البلد .. السبت على الالفى ..

تالت حاجة .. انت عندك حق .. معلش انا مقصر معاك دى بتخنق اوى وكانها اعتراف ضمنى بعدم الاهتمام والنسيان لاوجاع شخصية يمكن الطبطبة عليها بمجرد مكالمة بسيطة
بس اى حد يقلك انا مقصر معاك .. قله انا متوقع ده منك

على اى حال .. ركز فى الحفلة باه

raspoutine يقول...

الف مليون مبروك يا على
لسة كنا فى يسيرتك انا وناس اصحابى من بور سعيد

rosealia29 يقول...

الجزء الاول من البوست ده انا عارفة انه علشاني .. انا عارفة اني مقصرة و ماليش عذر ..

انا بعتذر عن تقصيري في حقك ..


و مبروك الحفلة و البوستر .. و ان شاء الله تبقى حفلة جامدة ..


ربنا يوفقك و يكرمك يا علي ..

علي الالفي يقول...

اختى روزا
ممكن اكون ضايقتك

لكن فعلا انا زعلان
و مش منك انت بس
من ناس كتير قوى
يمكن مش مفروض على اى حد انه يعمل اى حاجة لاى حد و هى مش طالعة من جواه
لكن
لما الواحد بيكون مستنى من حد حاجة و يخيب ظنه
بتبقى كبسة وحشة قوي
صدقيني

moory-mero يقول...

السلام عليكم ورحمة الله وبركاته

ربنا يوفقك يارب يا علي
وعندك حق في الكلمة اللي بتقولها انا برده سمعتها كتير بس برميها عشان موش أضايق نفسي النهارده عليك بكرة ليك وهكذا
ربنا يعملك الخير يارب

غير معرف يقول...

الشهاده لله صوتك نحفه بسم الله مشاء الله عليك
Monia