الاثنين، يوليو ٣٠، ٢٠٠٧

انا و شيريو غنينا سوا

اهو يا جماعة عشان نبقى ع الاحداث طازة بطازة

احدثكم الان عن حفلة اايامنا الحلوة

نيجي لاهم موقف حصل فيها

طبعا كنت حكيتلكو ان شريف اسماعيل هايغنى اغنيتي ابعد بقلبك

و فعلا شريف غناها

و الحمد لله الغنوة نجحت جدا و الناس حبتها و طلبت اعادتها

لكن المفاجاة انى لاقيت شريف بيندهلى اطلع اغنى معاه ع المسرح الغنوة

و الحمد لله

يمكن مش قادر احكي كتير عن اللي حصل

نسيب الفيديو يحكي

شكرا جدا جدا جدا لصديقي صاصا ع الفيديو الروعة ده

ملحوظة كمان

تحت في بوست مهم جدا ابقوا تقروه

ملحوظة كمان ماتنسوش تقفلوا صوت الاغنية بتاعة انغام عشان الصوتين ما يدخلوش على بعض

هناك ٩ تعليقات:

غير معرف يقول...

ايوه كده
خلينا دايما جوا قلب الحدث
انا زعلانه موت انى ماكنتش معاكو فى الحفله دى لكن فرحتى بالنجاح ده غطت كل حاجه
شكرا صاصا

Rana يقول...

على الالفى

مبروووك على الحفله مع انى ماكنتش عارفه انك هتغنى فيها ان شاء الله هتعملو حاجات حلوه كتير
وان شاء الله تحقق كل احلامك وتنجح اوى بأنضمامك لفرقة أيامنا الحلوه الى بجد مواهبهم عاليه واصوات جميله وانت هتنور معاهم
وان شاء الله المفاجاه يحصل منها
وعمتا قريب اوى ياعلى هتعرفها بتفاصيلها
وقريب اوى حلمك ان شاء الله هيتحقق عشان انت انسان يستاهل كل خير وكل الى بيحبوك هيكونو دايما معاك وفارحنينلك دايما

MONDAHESH يقول...

مبروووووووووووووك يا علي

والله فعلا فعلا الدويتو ده اجمل حاجة في الحفلة

بس علي فكرة انا كنت قاعد جنب صاصا وهو بيصورك

مافيش شكرا ليا

:)))

§a§a يقول...

رربنا يوفقق يا على ان شاء الله ونشوفك فى الحفله القادمه وانت بتغنى وتلعلع ان شاء الله

بجد الاغنيه دى والدويتو كان اجمل حاجه فى الحفله

ودى اقل حاجه قدرنا نعملها انا ومندهش


تحياتى

Reemo يقول...

الفيديو حلو اوى يا على
انا اول مره اشوفك بتغنى اصلا
لانى للأسف محضرتش ولا حفله
ظروفى ومواعيد الحفلات
مش ماشيه مع بعض خالص
يلا معلش الجايات اكتر ان شاء الله
سعيده انك بدات تحقق حلمك
ربنا يكرمك يارب
ويوفقك فى كل خطوه
بالنجاح دايما
تحياتى

Unknown يقول...

على فكرة صوتكم فى الحفلة أجمل ميت مرة من الفيديو ده :)

بجد الحفلة كلها كانت روعة

ياريت يا على باشا تقول لى ازاى أعرف مواعيد حفلاتكم بعد كدة ؟؟

Unknown يقول...

على فكرة انا كنت كاتب بوست مخصوص عن الحفلة دى .... ياريت تقراه و تقول لى رأيك و لو عجبك وريه وريه لزمايلك فى الفرقة هدية منى :)

noor ali noor يقول...

علي انا نور من مجله وشوشه وعايزكضروري ومش عارف اعتر عليك انا ده رقمتليفوني وانا صاحب سلمي بتاعه ايامنا الحلوة ده رقمي ياريت تكلمني
0128300150

علي الالفي يقول...

شرفتونى كلكم