السبت، أغسطس ٠٤، ٢٠٠٧

و قررت ان اكتب بوست


لاني ماكتبتش بجد من فترة

و لانى قاعد قدام جهازى

و لانى عايز ارغى

و لانى حاسس ان دماغي مليانة حاجات كتير زحمة مش فاهمها

و بقت عاملة زي سوق التجارى اخر ايام رمضان

زحمة زحمة

انا قدامى كام ساعة و مسافر و هاسيب بيتنا

مش عايز اسافر

عندى شغل بكرة

و احمد عاصم كلمنى و قاللي عندنا بكرة لقاء في قناة النيل و ماعرفش انهى واحدة فيهم

اهو لقاء ع الهوا و السلام

برنامج قالولى اسمه شباب ع الهوا

روحت من شوية حجزت التذكرة

و باحضر الشنطة انا و امى

و ماشي

كانت اجازة حلوة

و للا يمكن لا

هو انا قابلت ناس كتير

بس ما قابلتش كل اللي كنت عايز اشوفهم

بس فرحان لان في حاجة حصلت

اختى روزاليا عاملة مهرجان حلو قوي قوي اسمه برة الدايرة

هو مهرجان تنمية بشرية بيكلم الناس عن انهم ممكن يتغيروا و يخرجوا برة دايرة حاجات كتير سلبية راميين نفسهم فيها

و انا المفروض كنت هاقدم فقرة فيه

غنا و كلام

يعني تفاصيل بس مرئية مش مقروءة

باتكلم و باغنى و باقول اللي في نفسي بس في اطار الموضوع

و لانى ما كنتش هقدر اروح المهرجان

وصلنا لاقتراح عبقرى

انا سجلت امبار فقرتى كلها فيديو

غنيت و اتكلمت

عملت رسالة حلوة انا راضي عنها

و يا رب تعجب اللي هايحضروا

و اهو رغم انى مش موجود بس هابقى معاهم

روزا

ربنا معاكي

ياللا خير

مش عارف

انا كان نفسي اتفك مع حد

و اديني اتكلمت معاكم

على فكرة الصورة اللي فوق اخدها العبقري وليد منتصر لمعديات بورفؤاد

تعرفوا

انا كنت باكره المعدية دي جدا جدا

خصوصا انها كانت اجباري عليا و انا رايح الكلية كل يوم

بس دلوقت انا بجد باموت فيها هى و حاجات كتير افتقدتها

ياللا تانى

اكيد هاتتظبط

بالله عليكم لو حد عرف يشوفنى بكرة ع التليفيزيون يسجلها

هناك ٢٠ تعليقًا:

غير معرف يقول...

ترجع بالسلامه ان شاء الله
بس انت ماقلتش البرنامج هايبقى الساعه كام؟؟

§a§a يقول...

ترجع بالسلامه يا على

المعديه دى تحفه انا كنت هناك من كام شهر فى بورفؤاد كانت عجبانى جدا والاجمل بورفؤاد وبورسعيد دى بلد تحفه والله ولا اسكندريه

ان شاء الله لو قدرت اشوف اللقاء هسجله

وينكى على قال تقريبا الساعه 4

smraa alnil يقول...

مبروووووووووووك يا علي

بس يا ابني انا طلعت في التلفيزيون كتير اوي وكل مرة برضه مش بلاقي حد يسجلي

عامة انا لو في بيتنا هحاول اسجلهالك

طول عمرك منور عشان كدة مش خايفة عليك

rosealia29 يقول...

علي .. ربنا يكرمك يارب .. و يجمعنا معاك على خير ..



و على فكرة .. لا تقذف إلا الشجرة المثمرة ..

فوكيره يقول...

والله يا على انا حاسه اننا مقصرين في حقك

كل لما تيجى بنبقا في مشاريع واجتماعات
ربنا يسهل ويكرمنها ويخلصنا من الزحمه دى على خيير

و نعييش بقا

ربنا يكرمك يا على
وشد حيلك
وربنا يكمل شفاك على خير

beroo يقول...

ازيك يا علي يا الفي انا معجبة جدا بصوتك

غير معرف يقول...

مبرووووووووووووك يا ابو على كالعادة
ويا جماعة لو حد عايز يشووف على ويسمع صوتة ويسمعة فى اغنية من كلمات الشاعرالكبير بهاء جاهين
وانا شخصيا بعشقها وعلى كمان بيحبها يدخل على السايت ده
www.youtube.com
وبعد ميدخل يكتب صبا
وينزل اول اغنية وللتاكد مدتها 5:48 ثانية
ومفيش مانع يشوف الثلاثة
وعلى فى اثنين فيهم
وياريت تشوفها انتا كمان بالاخص يا على
مع تحياتى
saba band drummer

علي الالفي يقول...

طبعا معظمكم قرا اللي اتكتب لي
و اللي انا مش فاهمه اساسا
بالله عليكم لو حد عنده تفسير يقوله لي

علي الالفي يقول...

و على فكرة الحمد لله اللقاء كان ناجح جدا ز موفق جدا و طبعا محدش سجله
المهم
ادعولى
و حسبي الله و نعم الوكيل

هيثم محفوظ يقول...

مبرووووووووووووووكيا علوة على اللقاء دهومبروك اكترعلى النشاط اللى انت قادرتعملوا فى القاهرة.
خد بالك من نفسك .
وعلى فكرةياجماعةقبل منسى غنوةشط بحور اللى اتكلم عنها صحبى عمرو حمدى درامر فريق صبا الحانى والغريب ان عمرونسى انها الحانى وافتكر انها كلمات بهاء جاهين.. ما علينا

هيثم محفوظ يقول...

مبروك يا علوة على اللقاء
ومبوك اكتر على النشاط اللى انت قدرت تعملوا فى القاهرة
ربنا يوفقكوخد بالك من نفسك.
قبل منسى غنوت شط بحور اللى اتكلم عنها صحبى عمروحمدى درامر فرقة صبا الحانى والغريب ان عمرو نسا الحكاية دى وافتكر انها كلمات عمنا بهاء جاهين .. ما علينا

هيثم محفوظ يقول...

مبروك يا علوة على اللقاء
ومبوك اكتر على النشاط اللى انت قدرت تعملوا فى القاهرة
ربنا يوفقكوخد بالك من نفسك.
قبل منسى غنوت شط بحور اللى اتكلم عنها صحبى عمروحمدى درامر فرقة صبا الحانى والغريب ان عمرو نسا الحكاية دى وافتكر انها كلمات عمنا بهاء جاهين .. ما علينا

هيثم محفوظ يقول...

مبروك يا علوة على اللقاء
ومبوك اكتر على النشاط اللى انت قدرت تعملوا فى القاهرة
ربنا يوفقكوخد بالك من نفسك.
قبل منسى غنوت شط بحور اللى اتكلم عنها صحبى عمروحمدى درامر فرقة صبا الحانى والغريب ان عمرو نسا الحكاية دى وافتكر انها كلمات عمنا بهاء جاهين .. ما علينا

هيثم محفوظ يقول...

مبروك يا علوة على اللقاء
ومبوك اكتر على النشاط اللى انت قدرت تعملوا فى القاهرة
ربنا يوفقكوخد بالك من نفسك.
قبل منسى غنوت شط بحور اللى اتكلم عنها صحبى عمروحمدى درامر فرقة صبا الحانى والغريب ان عمرو نسا الحكاية دى وافتكر انها كلمات عمنا بهاء جاهين .. ما علينا

هيثم محفوظ يقول...
أزال أحد مشرفي المدونة هذا التعليق.
hesterua يقول...

مبروك ع اللقاء يا لول

كان نفسى أشوفه بس مفيش نصيب

وكان نفسى نبقى مع بعض زى كل مرة فى ندوة روزاليا

بس التسجيل بتاعك روعة
وغنوة بحب البحر بصوتك روعة
وشكرا ع البؤين الحلوين فيا يا معلم


المهم
مستنى الجديد
ونتقابل فى مصر
او فى بورسعيد
او اينما تجمعنا الأقدار

كلام لوجيك يقول...

ازيك يا علوة؟؟
وحشنى كتير قوي قوي قوي
اخبارك يا فنان؟
الظاهر فاتتنى أحداث كتير قوي فى الفترة اللى فاتت دي
لكن الشيء اللى انا متأكد منه ...انه سعيد جدا عشانك

انا عارف انى مقصر معاك ..بس والله غصب عنى

ربنا يوفقك

خالص مودتى
اسامة سامى

§a§a يقول...

ربنا يوفقق يا على

والله مش شوفت الحلقه للاسف

معلش ان شاء الله تتعوض


كن كانخل ياعلى بيتحدف بالطوب بينزل احلى ما عندة

ولا تنظر للسفهاء

fawest يقول...

مبررررررووووووووووك على كل
حاجة حلوة بتعملها و تمتعنا بيها

غير معرف يقول...

على يا ألفى يا متألق دايما
ربنا يديم عليك نعمة حب الناس ليك
وأى حد بيحاول انه يكرهك او يكره الناس فيك أكيد محاولاته هاتنتهى بالفشل
ماتاخدش فى بالك وبص دايما لقدام.وزى ماقلتلك امبارح
ياما دقت ع الراس طبول
خلى بالك من نفسك وهدى اعصابك كده ونفض لاى حاجه تضايقك