بعد صباح القشطة على كل الناس الطيبة اللي مالهومش في اللعب القذر و لا ليهم في الاذية
و لا ليهم في قذف الناس بما قد يدمرهم
احب اقوللكم انى زى الفل
و مش بس كدة
انا جايبلكم خبر حلو
فرقة ايامنا الحلوة عندهم حفلة جامدة جدا في مسرح البالون ان شاء الله يوم الجمعة الجاية الساعة 8مساءا
انا مش هاغنى في الحفلة دى
و لا حتى اللحن بتاعى هايتغني
لكن الناس دول فرقة جامدة
و ناس من جواهم حلو قوى زى غناهم
ياللا نتجمع و نسمع
و انا عرفت من محمد عثمان مايسترو الفرقة
انهم في الحفلة دى
كل واحد فيهم هايغني احلى غنوة غناها قبل كدة
يعني بالصلاة ع النبي حفلة البيست اوف
و ان شاء الله نتقابل هناك
هناك ٩ تعليقات:
اجمل خبر بجد يا علي
اتمنى انه تكون عندى الفرصه انى أحضر الحفله المرادى
ربنا يسهل وهاشوف
وانا سعيده انك راجع بالروح المعدنيه دى
:P
يا حفلاتك يا على
بجد الفرقه دى جامدة وعبتنى جدا لما شوفتهم المرة اللى فاتت وخاصه لما غنيت معاهم ياعلى
ان شاء الله هحاول اجى يوم الجمعه
والله انا فرحت جداااااااا لما عرفت الخبر
بس زعلت جدااااااا لما عرفت الميعاد
للاسف الجمعة عندي مش اجازة
بس ممكن اعدي عليكوا اشوفكوا بعد الحفلة
على فكرة
ظروف قهرية هاتخليني ما احضرش الحفلة يا رب تنبسطوا
الحفله تانى ..:D
بجد انا نفسي احضر الحفلات دي
هاحاول ان شاء الله
محمد سمير
يعنى ايه مش هتيجى الحفله
تصدق عيب عليك
ده انا اصلا هاجى علشان اشوفك
روكى
عندى خبر مهم على مدونتى
تعالى وماتكسلش وهات كل حبايبك معاك
كان نفسى أروح يا فناننا الكبير بس عندى تقديم فى التجنيد يوم السبت اللى بعده على طول
خيرها فى غيرها بقى ... مع انى كان نفسى أحضر لهم حفلة تانى :(
إرسال تعليق