الاثنين، أغسطس ٢٧، ٢٠٠٧

و من تانى الله عليك يا عم احمد يا بتاع زمان


زمان قالوا ان اصدق الشعر اكذبه

لكنى تعودت معه على الاختلاف

تعودت منه ان يكتبني

لا ان يكتب عنى بل يكتبني

و يكتب ناس تانية

يترجمنا ع الورق

و يجعل منا قصائد يعجب بيها كل الناس

وحدهم ابطالها هم الذين يعرفوها بشكل اخر

و يتذوقوها ليس كالاخرين

المهم يا اخواننا

امرة دى كتب عن حد اعرفه كما اعرف نفسي

شفاف

ممكن ان تقرا كل ما بداخله

ووقع في تجربة

كتاها احمد كما حدثت

بلا زيادة و لا نقصان

و لكن بمنتهى الابداع




متنفعلكش
كلمة وقالوهالى فى كل مكان
مفيش انسان شافنى معاها
الا نادانى وقاللى انساها
متنفعلكش
انت برئ...ولسه رقيق
وقلبك ورده بتفتح
وهى سنين...دموع وأنين
من قلب لقلب تتفسح
متنفعلكش
مصدقتش...مدققتش
مشيت وياها موقفتش
لحد ما جه عليا الدور
وهنت عليها مصعبتش
قالولى كلام وهتقولوا
وميت واحد قالتهولوا
عايشة الحب بتجرب
وعمر فى يوم ما هتطولوا
قالولى بس تنساها
وابعد لحظة تلقاها
فى ثانية عايشة حب جديد
وواحد تانى وياها
مصدقتش ..مدققتش
مشيت وياها موقفتش
لحد ما جه عليا الدور
وهنت عليها مصعبتش
أحمد


بجد الله عليك يا عم احمد يا بتاع زمان و الان و كل وقت



و استنوا لحنها قريب و هاتسمعوها ان شاء الله

هناك ١٢ تعليقًا:

hesterua يقول...

الله عليك انت يا عم على

وحشتنى يا هندسة

وشكرا بجد على كلامك الجميل ده...مش جديد عليك يا صاحب التجربة الجميلة

بقالى اسبوعين مشفتكش ودى محصلتش من اول ما عرفتك
ربنا يجمعنا على خير انشاء الله

مستنى اسمعها عشان صوتك وحشنى يالول


شكرا تانى يا قمر

حسام مراد يقول...

بص الله عليكو انتم الاتنين
يا رب ربنا يوفقكم
تقبلوا تحياتى وسلاماتى من اخ بورسعيدى

غير معرف يقول...

الله عليك بجد يا حماده
مش عارفه أقول ايه لأن مافيش كلام يتقال حقيقى
لكن التحف والروائع مش محتاجه ان حد يتكلم عنها
الكلمات المكتوبه مالهاش قينه احيانا
الله عليك يا احمد
شاعر وفنان بجد
معلش يا على.. انا واخده الكومينت عشان احمد
سمعهالى بصوتك وانا هاكتبلك جواب
:)

§a§a يقول...

جميل جدا مشاء الله

دينا فهمي يقول...

تحفة بجد
ومفيش حاجة تتقال بعد كده

. يقول...

أغيب أغيب واسأل عليه عايش ازاي وبيعمل ايه
عليييييييييييييي
فاكرني ولا خلاص اتنسيت
وحشني اوي والله
انا قريت البوست ده عند و وبجد عجبني
ربنا يكرمك يا علي يا رب
وكل سنة وانتا طيب
ممكن طلب انتا دايما بتطلبو
ادعيلييييييييييييييي
بليز ادعيلي
سدرة

غمض عينيك يقول...

في انتظار اللحن ياباشا

انا لسه راجع طازة من بورسعيد الجميلة
كنت ماشي بقول ياترى فين تفاصيل على الالفي

تحياتي ليك ياباشا
محمد سمير

غير معرف يقول...

مصافحة أولى
جميلة الكلمات
و بانتظار اللحن

MONDAHESH يقول...

كلام رائع

وواثق ان اللحن هيكون جاااامد جدا

ربنا معاك ويوفقك

غير معرف يقول...

نعيش أوهامنا طائعين كى لاتصدمنا الحقائق التى نهرب منها
صوت جيد
وطزاجة فى التفاصيل
أسعد بالتواصل عبر شرفتى
حيث الحكايات تأريخ لأحزان
وحيث المساء شارتى
hisham66.blogspot.com
حكايات المساء

البِـئرُ والظمّأْ يقول...

السلام عليكم
ازيك يا علي يا رب تكون بخير
على فكره تحياتي لاحمد وكلامه الجميل ده
و احنا في انتظار تلحينك ليها
و مستنيين نسمع صوتك
ربنا يوفقك يا علي
.
.
زيزي

HeB@_$@Kr يقول...

جميله الابيات

وفيها صدق احساس بجد

ومنتظرين الجديد دوما

والسلام خير ختام