الأحد، نوفمبر 04، 2007

فيديو اعلان حفلتنا

اقول لكم على حاجة بيني و بينكم

يمكن مش كل الناس عارفين انا ليه حاسس ان الحفلة دى مهمة جدا في حياتي

هاقول لكم و خليها بيني و بينكم

انا بقالي هنا في القاهرة حوالى ستة شهور و ما حصلش تقريبا فيهم اي خطوة ايجابية في طريقي

و خصوصا بعد ماسيبت فرقتى الاولى ستيب باي ستيب

حاسس ان وجودى مع الفرقة دى بقى مسالة اثبات وجودى

بقت مسالة اثبات ان انا لسة مطرب حد حابب يسمعه

و لان حفلاتى بقت قليلة جدا جدا الحفلة دى بقت اهم و اهم بالنسبالي

مستنيكم كلكم تكونوا معايا اليوم ده

و للحديث بقية

هناك 9 تعليقات:

وينكى يقول...

ربنا معاك يا على
ان شاء الله خير
على فكره الفيديو ده هايل جدا
وانا سعيده بجد انهم اضافوا صورتك بالسرعه دى
عقباااااااااااااااااااااااالى

MONDAHESH يقول...

اولا مبروك

ثانيا ربنا يوفقك ياااااااااااااااااااااارب

ثالثا انت تستاهل كل خير

ان شاء الله هاجي الحفلة وهلملك ناس معايا علي قد ما اقدر

rosealia29 يقول...

بالتوفيق يا علي .. و إن شاء الله تبقى حفلة جامدة ..

§a§a يقول...

ربنا يوفقك يا على انت تستاهل فعلا

gogo we bas يقول...

ربنا يوفقك يا عندليب
ان شاء الله ربنا هيكرمك وتحقق اللى بتتمناه
وباذن الله هتبقى حفلة حلوة (كالعادة) ومش هنلاقى مكان نقف فيه من كتر الزحمة

شد حيلك.. انت بجد تستحق انك تكون ,فساعد نفسك

فوكيره يقول...

عـارف يا على


فرقه ايامنا الحلوه رغم انى محضرتلهمش حفله قبل كده

بس تحسهم ولاد ناس بجد وجدعان

شكلهم بيقول كده

وانت وسطهم يا على

بالتوفيق يا رب

وربنا يسهل كده ونعمل عمله تفرحك وتفرحنا في الحفله
:))

فوكيره يقول...

معلش نسيت اقولك يا على ... عايزين لينك اغنيه ... قطرين يا على

ودي كده ... لان بقالى كام يوم عماله اغنيها في البيت والكليه

علي الالفي يقول...

ربنا يخليكم ليا
و لسة

أحمد عيسي يقول...

طب ياعم النجم ربنا ييسرلك الحال كدة في الحفلة

والاعلان حلو

بس متغنوش ماشية السنيورة كدة كدة اهو عشان مش بحبها

ربنا يوفقك ياعلوة..
يلا سلام