الثلاثاء، يناير ٠١، ٢٠٠٨

كل سنة و انتو طيبين و منورين الدنا

جه العيد و ماقولتهاش
و جت راس السنة و ماقولتهاش
و جت مناسبات للكلام و ماتكلمتش
و جاى عيد الميلاد المجيد عند اخواتنا المسيحيين
و جاية راس السنة الهجرية
و مش عارف جاية ايه كمان
و قصاد ده كله
كان لازم اخرج من الحالة اللى مش فاهمها و اللى مخليانى مش عارف اكتب حاجة
بس عشان اقول لكم
كل سنة و انتم طيبين و منورين الدنيا

هناك ١٢ تعليقًا:

Unknown يقول...

كل سنة وانت طيب
وصوتك جامد وجميل

انا سمعتلك اغانى امبارح
وكانت اول مرة اسمع صوتك

ربنا معاك
واديما من احسن الى احسن

تحياتى

Ahmed EIssa يقول...

كل سنة وانت طيب يا علوة وربنا يطول في همرك وتحقق كل اللي نفسك فيه

خمسة فضفضة يقول...

السلام عليكم ورحمة الله وبركاته

كل سنة وانت طيب يا استاذ علي
ويارب السنه الجديده تكون سنه سعيدك عليك

فوكيره يقول...

كــل سنه وانت طيب يا على

بتغنى .. وبتكتب تفاصيلك ...

البِـئرُ والظمّأْ يقول...

كل سنه و انت طيب يا علي


و هابي نيو يير
معلش حاله غريبه بتيجي على الواحد
هتعديها اكيد


ربنا معاك
زيزي

gogo we bas يقول...

ولا تزعل نفسك
كأنك كتبتهم واكتر

happy new year
عيد اضحى مبارك
كل عام وانتم بخير بمناسبة راس السنة الهجرية
كل عيد نصر وانتم طيبين

بالمرة

عيد ميلاد سعيد

كده مالكش حاجة عندنا لحد شهر مارس الجاى... وكل سنة وانت طيب

hesterua يقول...

فى شاعر طيب قوى اسمه ...على سلامة
بيقولك ايه يا على
________________________


معرفش ليه تنّحت للدنيا كده


فجأة لقيتني مسكون بالملل


لا عندي رغبة في البكا


ولا في الكلام


ولا عارف أنام


ولا حتى بسأل إيه ده إيه


و أخرتها إيه
و إيه العمل

و أخاف أقول لأي حد


أحسن يقوم يقلبها جد


حد صاحبي ينزعج


يمد إيده في قلبه من باب الكرم


عشان يشاركني الألم


أو يستلفلي من لئيم حبّة أمل






حالة كده .. معرفش إيه


حالة كده ملهاش معالم


ساعات تزورني في الربيع ..


في الحر ..


و في عز الشتا


و تجيب حاجات


لا فيها روح ولا ميتة


حاله كده ..


لا معاها تنفع كلمتين


ولا غنوتين ..


ولا لقطه من ألبوم صور


..ألاقى قلبى ف الهوا


ويا الكور


..أخاف اقول لأى حد


..أحسن يقوم يقلبها جد


..حاله كدة


.معرفش إيه




لكنى بطلع منها بعد السكات ..


فاهم شوية في اللي فات


حاسس أوي بحضن الصحاب ..


محظوظ أنا


ساعات أشاور


ينفتحلي ألف باب


لكنّي بغلط في الحساب


ومعرفش ليه


تنحت للدنيا كدة

_______________________________
_________________________________



حمد لله ع السلامة يا لول

دينا فهمي يقول...

أخيرا؟؟؟؟

كل سنة وانت طيب

MONDAHESH يقول...

كل سنة وانت طيب يا جميل

ودايما يارب بخير ونشوفك اجمد فنان في مصر

اسمحلي ابدي اعجابي بالقصيدة بتاعت علي سلامة اللي في الكومنت

:)

تحياتي

غير معرف يقول...

كل سنه وانت طيب

§a§a يقول...

كل سنه وانت طيب وبخير وتححقق العام دا كل ما تتمنى

شيمـــــاء يقول...

هو انت كمان عندك نفس الحالة
:(
يا علوة الغنا بيجلى النفس
غنى ليل ونهار
يعنى لو تعمل فيا معروف تعملوا حفلة قريب علشان نفوق
انا امبارح والله شغلت اغانيك غيرت مودى كتير

وربنا يكرمك و الحالة تروح خالص