الجمعة، مايو 23، 2008

هابي بيرث داى تو ميييييي

كل سنة و انا طيب
برغم كل حاجة سخيفة عكننت عليا
و برغم ان اليوم ده 20-5-2008 عمرى ما هانساه ابدا ابدا
كان من اسوأ خمس أيام في حياتي
و يومها بس اكتشفت ان انا فعلا انسان وهمى
كائن يعيش و يتفاعل على كوكب الفيس بوك
انما في الحقيقة
مش موجوووووووووووووووووود
تخيلوا انك تلاقي نفسك الوحيد مع نفسك و عايز تعمل حاجة لنفسك تبسط بيها نفسك
ماتلاقيش
قررت انى اعمل لنفسي عيد ميلاد
روحت اتصورت عند سمير و ميزو
روحت اشتريت لنفسي عدسات نظر
قولت اجربها من نفسي
و جاء اليوم الموعود
بافتح الفيس بوك لاقيت مظاهرة تهانى حارة ع الوول "الحيطة"بتاعتى
قولت خير ياواد
شكلك هاتقضي عيد ميلاد اسطورى
و لكن
فسسسسسسسسسسسسس
صوت رياح في صحرا
او حتى ده كمان مش موجود
هششششششششششششششششششش
ابص للتليفون
هششششششششش
تخيلوا ان ناس من اللي كنت فاكرهم قريبين استخسروا رسالة موبايل من ام 20قرش و كتبوا ع الفيس بوك
روحت متصل بواحد صاحبي
و قعدت عنده في البيت يومها اعمل ولا حاجة
و عادى يعني
و يومها جيت البس العدسات اتقطعت واحدة منهم
و يومها التليفيزيون كان هايقع من ايدي و كرشه طلع لبرة
عادي يعني
كان يوم ما باحبش افتكره
بس قولت احكيه
كل سنة و انا طيب
على فكرة الصور مكسرة الدنيا ع الفيس بوك
ههههههههههههههههههههههههههههههههههههههههه

هناك 7 تعليقات:

زحل الفلكي يقول...

كل سنه وانت طيب يا علي
وتعيش وتشوف ايام جميلة احسن من اللي حصلك في اليوم ده
----------------
كلمة في ودانك يا علوة كبر دماغك من اللي يضايقك وانسى على طول وكله يبقا فوق الشوووووووووق

وكل سنه وانت طيبة يا علي يا جامد يا منور الفيس بوك
نعيماً
;)

بنت مصريه يقول...

كل سنه وانت طيب يا عم
وعقبال ما نحضر فرحك
بس ميبقاش فيه خسائر
على فكره انا زوجى كمان اسمه على
وصوته نسخه من عبد الحليم الله
يرحمه
وانا قولت ازورك عشان اسمك زى اسمه وصوتك حلو كمان
هههههههههه
اتمنى تنورنى

قوس قزح يقول...

كل سنة وانت طيب و عقبال 100 سنة

بلاش تبص للحكاية كده للاسف عيد ميلادك فى وقت الناس كلها مشغولة و عندها امتحانات - على فكرة عيد ميلادى قبلك بكام يوم و مجربة - يعنى ممكن تعمله فى شهر 8 مثلا و هتلاقى الناس بتصييف بردو :))

صوتك جميل
و حلو النيو لوك :)

تحياتى

اهو ده عيبه يقول...

يااااااه للدرجه دى

يا سيدى كل سنة وانت طيب وعقبال مليون سنه
وبلاش تقول من اوحش ايام والكلام ده

هو صحيح بتاثر فى الواحد حاجات كتير فى اليوم ده وخصوصا من اصحابه لو طلعوا طناش
بس يا سيدى ولا يهمك ولو كنت اعرف طريقة للاتصال بيك كنت قولتلك كل سنة وانت طيب
عموما ملحوقه وادينى بقولهالك وعقبال 1000000 سنة

فوكيره يقول...

انا فـاكره السنه الى فاتت كان عيد ميلادك قبل ما تسافر من بورسعيد ...

مش عارفه اقولك ايه يا على ... بس احنا وكل اصحابك كان نفسنا تكون في وسطنا
ويتعملك احسن عيد ميلاد في الدنيا كلها

كــل سنه وانت طيب ... ودايما احسن اخ واجدع صاحب بجد في الدنيا

متزعلش نفسك يا على ... الله يباركلك ...

مممم على فكره الصوره الجديده جامده جدا
على الفيس بوك وفي كل حته ..

شد حيلك في كل حاجه ...
:)

MONDAHESH يقول...

اكيد انت عارف
ان انا ماكنتش عارف
ولو كنت مش عارف
انا قلتلك اهو علشان بس تبقي عارف
ان انا والله ماكنتش عارف

عموما كل سنة وانت طيب يا جميل

مع انها متأخرة قوي بس ياريت تتقبلها مني

تحياتي

darsh يقول...

انا اول مره ادخل هنا لكن اعتقدا ني حضرت لك حفلة قبل كده ..
انت عارف أنا مره حصل لي موقف شبه بتاعك ده .. بس أكتر منه بشوية
ببساطه موبايلي كان باظ وكان المفروض اني اصلحه .. فطبعا نتيجه لان الموبايل باظ فكل الأرقام ضاعت مني ومواعيد كتير قوي وشغل كتير ضاع مني .. المهم صلحت الموبايل بعد فتره حوالي تلات ايام .. لكن انا استحليت الموضوع وقلت اخلي الموبايل مقفول واشوف ايه اللي هايحصل .. وسيبته مقفول لمدة أكتر من أسبوعين ..
وروحت البيت ومتخيل أني هالاقي سيل من التليفونات على تليفون البيت لكن تخيل ولا واحد سأل عليا .. انت عارف انا حسيت بإيه ؟
حسيت اني ممكن اموت وماحدش ياخد باله أصلا

إحساس غبي
حاول تفرق بين تلات حاجات .. انت بتسأل على الناس واللا الناس هي اللي بتسأل على الناس .. واللا السؤال متبادل ..
تحياتي