السبت، ديسمبر 06، 2008

أصائيص

انا اسف يا اخواننا ما كتبتش هنا من زمااااااااااااان قوي
و ده خلاني اجمع ليكو سوية قصاقيص عدت عليا و احكيهالكو



استرجل

عنوان جملة اعلانية لكشروب شعير غير كحولى
يعني بالمفتشر اللي مابيشربش المدعوق ده يبقى"....."و انتو فاهمين بقى
ايه اللي بيجرالنا ده


....................................
في حفل عائلي بهيج
احتفلت اسرة فرقة ايامنا الحلوة بالنجاح الباهر للحفلة الاخيرة
و طبعا نظرا لغيابي من زمان عن المدونة
ف ده خلانى ما احكيلكوش عنها
الحمد لله
الحفلة نجحت قوي قوي قوي
و بشكل اكبر بكتير من اى تقعات
و الى الامام يا رب

...................................

العيد فرحة و اجمل فرحة
يا رب يكون كدة السنة دى فعلا

................................

ملاحطتى الايام دى
اختفاء التدوين و المدونين
و انهيار ظاهرة المدونات
قدام الوحش العبقري الفيس بوك

................................

طبعا كمية اخطاء املائية بالهبل هاتلاقوها نظرا لمحاولتى كتابة البوست ده سريعا قبل ما البرنامج بتاع السيبر يقفل الوقت
المهم

كل سنة و انتو طيبين

هناك 3 تعليقات:

شبــ اون لاين ـــاب يقول...

كل سنه وانت طيب

العيد فرحه ماااااااااااااء

انشاء الله نحقق كل احلامك

فى رعايه الله

joker

أحمد عيسي يقول...

شخصية البنت اخر حاجة تتكلم عنها
هع هع هع هع

اختفاء المدونين مش بسبب الفيس بوك بسبب ان الكلام معتش بيجيب نتيجة
بمعني تاني الواحد زهق من الكلام

مبروك حفلة ايامنا الحلوة عقبال حفلتك انت بقي

سلام يا نجم..واحشني كتير

StEElBeaUtY - موسوعة الجمال يقول...

"""ملاحطتى الايام دى
اختفاء التدوين و المدونين
و انهيار ظاهرة المدونات
قدام الوحش العبقري الفيس بوك""

مش فاهمة قصدك اية ؟

يعنى المدونين انشغلوا بالمواقع الاجتماعية

ولا الفيس بوك وان فى ناس كتير بتعمل جروبات عن كل شىء فالناس بتقرأ ليهم وبتابعهم عن المدونات ولا تقصد اية بالظبط

انا شايفة ان الفيس بوك وسيلة جامده لشهرة المدونات سواء عن طريق الجروبات او عن طريقة صفحة البروفيل او عن طريق الاعلانات رخيصة الثمن