الأربعاء، يناير 24، 2007

اوعى وشك كبشة لينكات مرة واحدة



بعد صباح القشطة على كل الحبايب اللي رفعوا معنوياتي و قرروا انهم يحبوني زي مانا حبيتهم
عايز اقول لكم
ان هيثم محفزظ حسسني قد ايه انا مقصر و مش عامل حاجة و عمال ارغي و اقول لكم ان انا مطرب من غير ماتسمعوا حاجة
و بعد محاولات عديدة فشلت بسبب ظروف النت عندي قرر اخويا و صديقي دكتور زيفاجو انه يساعدني و يرفع الاغاني بدالي عشان نعرف نحطها في مدوناتنا
المهم اهي كبشة لينكات عشان الحباااااااااااايب
اول غنوة اسمها واحشني كتير من كلمات محمد ابو زيد و ألحاني
و دي كانت بروفة مع صديقي شريف محسن ع الكيبورد


عايز تسمعها دوس هنا

و هنا غنوة باموت فيها لفيروز حبيتك تانسيت النوم

عايز تسمع دوس هنا

و دي كمان بروفة لاغنية اسمها ابعد بقلبك بردو ع الكي بورد لنفس الشاعر و الملحن

عايز تسمعها دوس هنا و ما يهمكش
ياااااااااااا رب يعجبووووكوا
و عايز اسالكم الاغاني دي تنفع انزل بيها فعلا و للا ابدا ادور على غيرها؟؟؟؟؟؟؟؟؟
مش كدة و بس
لا و كمان فيه لينك فيديو
اه و الله فيديو دي اغنية 3 سلامات من لقائي السنة اللي فاتت في دريم في برنامج شبابيك
ادعووووووووووووووووووووووولي

هناك 23 تعليقًا:

nour يقول...

على
يخرب بيت سنينك
ده انت فظيع يا على و انا مش واخدة بالى
صوتك ..انا سرحت يا عم
ده احنا نكتبلك اغانى بقى يا بنى
وحشانى كتير
ملهاااش حل
تحفففففه
هتغنيها فى حفلتك ياعلى؟غنيها علشان هكون موجودة
بجد رائع
ارفع لك القبعة

بيسوو يقول...

كل حاجة سمعتها كانت حلوة موووت
خصوصا وحشاني كتير
مش عارفة اقلك ايه علشان انا قدام اي حاجة فيها فن وابداع مش بعرف ابعبر

سلامي ليك

علي الألفي يقول...

نور الجميلة
شكرا جدا و الله انا فرحت جدا انهم عجبوكي
بس للاسف انا مش هاغنيها الحفلة الجاية لان الحفلة مع فرقة مش خاصة بيا انا لوحدي و ادعيلي اني اعمل حفلة عشان اغنيها مخصوص ليكي
بيسووووووووووو
ربنا يخليك و يرفع معنوياتك يابني

bagabigo يقول...

على صوتك وهمى بجد لازم تغنى وحشانى كثير فى الحفلة ربنا معاك

Epitaph يقول...

وحشاني كتير
جملية اوي ما شاء الله

بس بجد بجدالحلقة و تلات سلامات هي اللي وهمية بجد
ماشاء الله

ربنا معاك يا رب في الحفلة
:))))

Epitaph يقول...

نسيت اسألك صحيح
انت قصدك الاشعر محمد ابو زيد
صاحب مدونة مزيكا حزايني شوية؟؟؟

علي الألفي يقول...

ياااااااااااااااااااه
ربنا يخلييييييييييييييييييييكوووووووو
بس محمد ابو زيد اللي انا اعرفه مش من البلوجرز اساسا

18goosebumps يقول...

انت عارف رأيي يا على

يا انسان

ربنا معاك ويوفقك

شد حيلك بروفات

Lotfy يقول...

ya 3ali ya gamed awi...begad a3'anik to7fa ....wa7shani ketiir di gamila awi..bas ana 7abbit eb3ed b2albak aktar 3ashan enta 3aref zo2y fel a3'any 3amel ezay :)....enta fanan ya 3ali...begad enta aktar wa7ed yenfa3 yet2al 3alih fanan...f kol haga..f 3'onak...w e7sasak..f kol haga...enta...fanan

shaimaa يقول...

صوتك فى منتهى الروعة
انا بصراحة مكنتش بتابع المدونة باستمرار لاختلاف اسلوب القراية

بس بجد لما نهى قالت لى حاطط لينكات لاغانى و نزلتها

صوتك فى منتهى الروعة بجد

تحياتى ليك و ربنا معاك فى الخير

ريما يقول...

صوتك فعلا جميل
عجبتني تلات سلامات جدا
واختيارك لحبيتك تنسيت النوم هايل باشكرك عليه كتييييييير
ربنا يوفقك وتنجح في الحفلة
:) ان شالله

الوردة السوداء يقول...

استمر ياعلى
انت جامد ولله
ربنا معاك

rokaaa يقول...

على
بص بجد انا مش عارف والله اقولك ايه , بس كل اللى اقدر اقولهولك انت لمست قلبى بصوتك
صوتك بجد رائع ودافى واللى عاجبنى فيك اوى بجد ان انت بتحس الكلام اللى انت بتقوله اوى , يعنى مش مجرد صوت حلو بس لا وكمان احساس رائع
متوقعلك نجاح كبيييييييييير ومستقبل رائع بجد
بس يا ريت تبقى تفتكرينى وتفتكر اصدقائك اللى بيحبوك بجد
ربنا معاك انا جاى الحفله يوم التلات
روكى

bassma 87 يقول...

انا اول مرة ازور البوست واسمع الاغاني
الله عليك صوتك دافئ جدا ومميز
رهييب ياعلي رهيب ربنا يحميك ويوفقك
ان شاءلله حتبقى مطرب مشهور جدا جدا وكل الناس حتحبك
ياريتني كنت في مصر عشان احضر حفلاتك
بس لو جيت اوعدك اني احضرها
تحياتي ليك يامبدع

باسمه

مُزمُز يقول...

ما شاء الله

صوتك فعلا عذذذذذذب جدا ودافئ
وغناك بجد مش مجاملة مميز أوي

بجد إنت موهوب بشدة ما شاء الله عليك وربنا يوفقك يا رب ويحققلك طموحاتك كلها

ماشاء الله

إبـراهيم ... معـايــا يقول...

راااااائع يا علي بجد ... انا سعيد جدًا ، ومبسوط أكثر من حفلتك ، وابقى قول لنا على كل حفلة كده ، عقبال يااارب ما تبقى نجم كبيييييييير



تحياتي للبورسعيدية الجدعان كلهم

Dalia Ziada يقول...

يخرب عقلك أيه الجمال ده, أنت فنان جامد قوي بجد

يسلم صوتك

تحياتي بانحياز

داليا زيادة

و يسعدني تشريفك بالزيارة
http://daliaziada.blogspot.com

Supernova يقول...

على

اخبارك ايه يا بطل

نورت الحفلة امبارح وتألقت والله

اغنية "اتوبيسين " كانت تحفة

يوه قطرين يا علوة معلش

بجد كانت تحفة اوي
كنت منور امبارح ماشاء الله

شد حيلك يا علوة
وكان صاعبان عليا السندويتش اللي اتاكل منك

معلش بقا خيرها في غيرها
:)

وينكى يقول...

ايه ده كله .. ايه دا كله يا فنان
بجد امبارح كنت متألق ومنور جدا على المسرح
والله انت كنت واكل الجو
ربنا يحميك ويوفقك يابنى
بجد امبارح كان يوم رائع جدا جدا
وأروع مافيه انى شفتكوا كلكو وعرفتكو
وسمعتك طبعا
خلاص انت تعتبرنا زباينك , وتجينا ف كل حفله تعملها.. ولك عندنا ساندوتش متين

Dananeer يقول...

صوتك حلو

hany elshreef يقول...

علي طبعا انت فنان جامد مش عاوزه كلامصوتك والحانك روعة
اما بالنسبة لاغنية وحشاني كتير
فهي مش كلمات محمد ابو زيد او بمعنى اصح مش كلمات محمد ابو زيد لوحده
دي كلماتى انا ومحمد ابو زيد
جايز شيء مش مهم عندك او عند غيرك مين اللي كاتبها بس ده حق وياريت لو قدرت توصل لمحمد ابوزيد واساله هي كلمات مين والف شكر

براءه طفولية يقول...

الاول هبدا برايي فى اغنيه وحشانى كتير بجد اغنيه كل الكلام مش هيوصف روعتها
تانى شئ وهو بمثابه العتاب وهو ان
من سمات الفنان الحقيقي انه مينكرش مجهود اى حد شارك وساهم فى نجاحه حتى ولو كان فيه خلاف
وشكرا ليك اتمنالك مزيد من النجاح والتقدم

دمـ _ ـعـ _ــه قـ _ ـدر يقول...

ممكن نعرف تعليقك على الكلام ده يا استاذ على
ياريت ردك عشان نعرف الحقيقه