الأربعاء، يناير 31، 2007

ربنا يخلي كل احبابي اللي نوروا الحفلة


امبارح كانت الحفلة
الحمد لله رب العالمين ربنا و فقنا و كانت تقريبا احلى حفلة غنيت فيها من يوم ما بدات اغني مع الفرقة
تصدقوا اول مرة اغني قدام ناس عارفينني قبل ما اغني
انا بجد كنت في احلى حالة و احلى مود قبل ما اغني
و لاول مرة تحصل ان تقريبا نص الحضور كانوا جايين عشان يقفوا جنبي و يشجعوني
امبارح كان منتدى بورسعيد اونلاين عامل رحلة طلعت من بورسعيد عشان يحضروا الحفلة و الناس عملوا معايا احلى و اجب و فرحوني قوي بتشجيعهم و كمان بوكيه ورد حلو قوي
و كمان اصحابي من مجموعة حزب الوفد في بورسعيد برضه طلعوا باتوبيس عشان ييجوا يقفوا جنبي
و انا باشكر ربنا انه خلى الناس دي تحبني و تقف جنبي
و على فكرة انا بجد مش عارف ازاي اشكر انسان مهم جدا عندنا في بورسعيد و كلنا بنحترمه هو ا/محمد مصطفى شردي
الكاتب الصحفي و عضو مجلس الشعب
و سبحان الله ازاي ا/محمد شردي بيحبني و متحمس و هو اللي شجع كل الناس من حزب الوفد انهم يسافروا عشان يسمعوني و يشجعوني
المفاجاة الكبيرة لي هم البلوجرز اللي كانول موجودين
قد ايه كنت فرحان بيهم و مش عارف اساسا اعبرعن اللي عملوه معايا و هم دعموني ازاي رغم اني ممكن اكون متفق مع حد منهم او مختلف معاه لكن بجد حبهم اللي حاوطوني بيه كان كبير قوى
بس برضو انا مستني من نهى كراكيب و باسم شرف و من روكا تفسير لانهم ماجوش و كان كل الناس بيسالوا عنهم و انا منهم
و كمان كان فيه ناس من اصحابي ما توقعتش ابدا اني اشوفهم و لا الاقيهم في الحفلة
امبارح كنت حاسس ان كل حد موجود كان بيدلعني و كان بيحاوطني بحبه
كنت شايف ده في عيون اصحابي المطربين اللي جنبي و كل العازفين في الفرقة

و من احلى اللحظات في الحفلة لما طلع محمد الكتاتني صاحب مدونة زحل الفلكي و جاب بوكيه الورد اللي بورسعيد اون لاين جابوه لي
و طلع تاني و جاب لي سندوتش زنجر ساعتها القاعة كلها ماتت من الضحك بس والله ما دقته لانهم اكلوه مني
و كان الجمهور بيغنوا لي يا علي يا علي يا عترة يا فللي
نفسي اشكر كل اللي كانوا موجودين في ساقية الصاوي و اللي كانوا موجودين في الزمالك و كل اللي كانول موجودين في القاهرة عموما امبارح حتى اللي محضروش الحفلة
بجد انتو فرّحتوني قوي و ربنا يفرّح كل واحد منكم اكتر و اكتر
بجد الحمد لله رب العالمين و ربنا يوفقنا دايما

هناك 21 تعليقًا:

Supernova يقول...

اولا انا فرحان علشان اول واحد يرد هنا يا علوة

بجد انت بدعت امبارح
والناس جت علشان كانت متأكده انهم حيشوفوا حاجه كويسة

ويسمعوا اغاني نظيفة
نظفتولنا سماعنا يا علي بجد
:)

بالنسبة للسندوتش بقا اي خدعة يا باشا انت تأمر
:):)
بس موضوع انهم اكلوه منك بقا اتعوض في الباص واللا انت شايف ايه
بالهناء والشفاء

rosealia29 يقول...

و احنا كمان يا علي كنا بنفس سعادتك بوجودنا .. بجد يمكن متعتنا تحت و احنا بنسمعك كانت بنفس متعتك في الغنا .. إنت بجد فنان يا علي ..

و زي ما نوفا قال .. كنا محتاجين وقت نضف فيه ودانا .. و إنتوا عملتوا كده .. انا كنت مبسوطة حتى بالإضاءة ..


و كمان بسطني إني اتعرفت على مدوناتيه حلوين و زي ما قولت سواء اتفقنا أو اختلفنا معاهم .. بجد انبسطنا أوي .. و يوم مش هايتنسي ..


ألف شكر ليك يا علي .. و الحفلة الجاية امتى ؟؟؟

hesterua يقول...

واد يا على

انت كنت مخبى الجمودية دى فين يا خبيث

بجد ما شاء الله عليك يا على

مشروع نجم كبير من الصف الأول

جمال الصوت والأحساس والحضور والطلة

وكمان جمال الموهبة واللى ظاهرة جدا فى طريقة غناك وفى الحانك الجميلة

الناس بجد انبسطت وكنت نجم الحفلة بجد

الف مبروك يا لول وعقبال حفلتك لوحدك بقه

hesterua يقول...

واد يا على

انت كنت مخبى الجمودية دى فين يا خبيث

بجد ما شاء الله عليك يا على

مشروع نجم كبير من الصف الأول

جمال الصوت والأحساس والحضور والطلة

وكمان جمال الموهبة واللى ظاهرة جدا فى طريقة غناك وفى الحانك الجميلة

الناس بجد انبسطت وكنت نجم الحفلة بجد

الف مبروك يا لول وعقبال حفلتك لوحدك بقه

تسـنيم يقول...

نهى حكيتلي عن روعة الحفلة يا علي ، مبرووك يا علي وعقبال ما تغني في الأوبرا واعذرني ان ظروف شغلي مسمحتش إني أحضر.

أحمد عيسي يقول...

معلش ياعلوة معرفتش اجي..والله بجد كان نفسي اجي بس ليا مكان في الحفلة اللي جايه ان شاء الله

smraa alnil يقول...

لالالالالالالالالالالالالالالالالالالالالالالالالالالالالالالالالا

اني اعترض
ثم اعترض ثم اعترض
ثم اشجب
ولن ولم ارضي بذلك
انا بقولك اهو
بقي انا اللي كنت قاعدة اسقفلك وعيني علي الساندوتش اللي اتاكل

ومع ذلك مش تجيب اسمي
سبوني عليه
ومش في حد يمسكني

نتكلم جد شوية
احم
بجد ما شاء الله عليك
وعلي فكرة دي اول مرة في حياتي احضر حفلة اصلا واول مرة اروح مكنة الري بتاعت الصاوي
وبجد كنت مبسوطة جدا
انت ابدعت
انت اصلا انسان رائع
وكفاية كدة بقي عشان مش تتغر اكتر من كدة
بس انا مش مسامحاك في انك مش تجيب اسمي
هههههههههه

Lotfy يقول...

mashy ya3am 3ali...magebtesh serty enta khales...bas 3amatan begad ana etbasat awi embare7 ...w yakfeek en besmellah masha2 allah nos elly kano mawgodin fel 7afla aslan gayeen 3ashanak...rabna yewafa2ak ya 3ali

18goosebumps يقول...

مبرووووووووووووووووووووووووووووك
يا علوه يا انسان

بما انك عارف ان الفن مفيهوش مجمله

بجد كانت حفله روعه ... صوت المطربين
واولهم على الالفى

للعزف لنوعيه الاغانى في الكلام واللحن

كان يوم جميل
وبسطنا بجد
وكمان اتبسطنا في غنانا واحنا مروحين في الباص

الف مبرووووك

وعقبال الحفله الجايه

علي الألفي يقول...

ربنا يخلييييييييييكو كلكم
و انا لو قعدت اشكر كل واحد فيكم سنة مش هايكفي
و بعدين يا سمرا انتي و لطفي انا مارضيتش اقول اسم اي حد لاني كنت هانسى اكيد ناس كتير
و انت يا طوفا عارف انت غالي قد ايه
و ماتحرمش منكم كلكم يااااااااااااااااااااااااااااااااااارب

shaimaa يقول...

مبروك الحفلة
انا خضرت نصها بس
بس كان نفسى اموت مهندس الصوت

موتوه يا على ولا لا

وعلى فكرة نهى كراكيب كانت جاية
بس كانت تعبانه شوية و مقدرتش تيجى

bagabigo يقول...

على بجد انا اتبسطت جدا الحفلة كانت تحفة و صحابة اللى جم معايا اتبسطوا اوى هما كمان بجد انت صوتك وهمى استمر و ربنا يوفقك

وينكى يقول...
أزال المؤلف هذا التعليق.
وينكى يقول...

بجد يا علوه والله انت تستاهل كل خير
صوت واحساس وحب الناس
عاوز ايه كمان من الدنيا بعد كده
ان شاء الله نشوفك فنان كبيييييييييير قوى وبوستراتك فى كل مكان
بس اوعى تنسى اصحابك بعد كده
والله وهاتبقى جامد وماحدش هايعرف يكلمك
والصوره اللى اتصورناها مع بعض هاتنتشر بعون الله فى كل الأوساط المعنيه وعند كل البلوجريه
شكرخاص جدا واكبر بوسه لكل البلوجريات الحلوين اللى عرفتهم وشفتهم فى الحفله
بجد ربنا يكرمكوا يا بنات
وبرضو الشباب
مايضرش
كفايه رغى بقى.. ايه ده؟

Amr Ahmed يقول...

اوبا

انا زعيت والله جدا

كان نفسي ابقي موجود

بس الحمد لله ان ربنا وفقك

ان شاء المرة الجاية احضر

مبروك يا فنان

Dananeer يقول...

انا لسه سامعه تلات سلامات
حلوه اوى اوى اوى

اكتر واحده عجبتنى انا كمان

مبروك الحفله
ناس كتير قلوا انها حلوا و كان فيها ناس كتير

ان شاء الله الحفله الجايه احاول اجى اسمع لايف
:)

إبـراهيم ... معـايــا يقول...

إيه يا جدعااااااااان ؟؟؟ مش كده ، خفوا ع الواد شوية ، أمال بقى لما يعمل حفلة لوحده هتعملوا إيه ؟؟؟


إزيك يا علي يا ألفي يا جمييييييييل

هوا أنا كل شوية بأكد لرضوى إني بحب بورسعيد ، وإن البورسعيدية كويسين ، بس هيا مش مقتنعة !!! ، لكن حقيقي أنا حبيتك من أول ما شوفتـك ، ومن غير قطرين ما يقابلوا بعض ولا حاجة ، أحب أقول لك إني سجلت بعض أغانيك ، وهحاول أرفعها عندي ع المدونـة


أنا برضه سعدت جدًا بحضور هذه الحفلة ف ( مكنة الري ) بتاعة الساقية ، بس على فكـرة بقى ، من واجبي إن أقول إني حخضرت حفلة أشد ( وش بيطلع لسـانه ) ..... وده معناه إن المواهب ف مصر موجودة و كثيييييير


أنا كنت حضرت من فترة حفلة ( هنغني للحياة) وكانت برضه حلوووة قوووي ، ومفاجــأة بالنسبه لي


إلى الأمام يا روميــــل

إنتا صوتـك جميل ، وإحساسك أجمـــل ربنا يخليك ويسعدك


وتيجي القاهرة بقى وتشتقر فيها تنوورنــــــــا كده
مممممممممممممممممممممم



رغيت كثير ، على فكـرة تحياتي كمان لأصدقائك الودودين جدًا


ولا أنسى ( في هاذوهي المناسبة ) أن أشكر بجابيجو و سمرا .......



ربنا يسعدك ويوفقك كماااان وكمااااااان

مبرمج حر يقول...

ألف مبروووووووووووووووووووووووووووووووووووووووووووووك يا على
أحساسك فى البوست عالى أوى وده بيدل على أحساسك الأعلى فى الحفله
معلش أعذرنى مقدرتش أحضر الحفله عشان ظروف فى الشغل
بس عموما ألف مبرووووووووووووووووووووووووووك وربنا يفتح قدامك الخير دائما و أبدا

تحياتى لكى يا على

أجدع واحد في الشارع يقول...

طيب بقا الناس دى سابت ايه اقوله انا اقولك ايه اكتر من اللى هما قلوه




بجد انت فنان

ومش هعرف اقول غير كده

وبجد انا فرحت اوى من استأبلك ليا

بجد انت عسل اوووووووووووووووى

باسم شرف يقول...

عزيزي علي
مبروك علي الحفلة
وسمعت فعلا انكم كسرتم الدنيا
لكن معلش اعتذراي لك ليس مجرد مبرر ولكن مودة
وهو ان كتابي صدر في نفس يوم الحفل ومكنتش عارف اتحرك وكمان كان فيه حفل توقيع لكن اتصلت باللي حضر وسالت ايه ايه الاخبار
علي العموم تتعوض يامعلم الحفلة اللي جاية هاكون اول واحد

el2ahwagi يقول...

tab3an ana sme3t 3an el7afla di fi modawena tanya... ana sa3b a7dar ay 7afla tab3an le2ani be3eeeeeeeeeeeed...lol

bas 3ayiz a2ollak enni seme3tak men elinks elli hena we enta fanaan sadeq w mawhoob... atmanalak elnaga7 elda2em ya rab ...

!!