الأحد، مايو 06، 2007

و اما بعد

و كانها تابى الا انها تديني قرصة ودن و انا لسة في حضن امى
طب كنتى استنى شوية عليا
مش من اولها
اولها ايه
من قبل ما نبدا و الهرس اشتغل
و كعادتى بابدا بالنهاية و اقول لكم نبدا الكلام من الاول
النهاردة السبت و امبارح اتعملت لي احلى حفلة وداع في الدنيا و كنا جايين نكتب عنها
الا انه قد حدث مالم اتوقع انه يحدث
فجاة و بدون مقدمات
اتصال من الناس اللي كنت متفق معاهم على انى سوف اؤجر منهم الشقة
الو ايوة يا على
اصل حصل ما اعرفش ابصر ايه و ظرف ما ادرك ايه
يعنى ايه يا اخواننا
و الله احنا اسفين يا على
يا لهوى
يا مصيبتي
بالبساطة دى كدة
دانا حضرت شنطتى
دانا كنت جاى بكرة
ان شاء الله نعوضهالك
تعوضوا ايه ياناس يا اولادال...............طبعا ده في سري
طلعت على احمد شلبي
اصل كنت متفق معاه ان انا هاروح اسلم عليه
و عنده عملنا غرفة عمليات مغلقة
لحساب كل الاحتمالات و الناس اللي ممكن يساعدونا في هذه المشكلة العويصة جدا
و قررنا ما يلي
انا جاى فعلا ان شاء الله بعد بكرة
الاتنين عشان اشوف شقة تانية ان شاء الله و يا رب يطلع خير
هاكون ضيف على صديق ليا لحد ما نرسى على بر
و ها هى دعوة لكل مهتم
انا بادور على سكن في الجيزة او اول الهرم
يا ريت تكون اودة و حمام و خلاص
حاجة تكون رخيصة و بنت ناس
تيجوا اقوللكم على حاجة تانية؟
ادعولى
ادعولى قوي

هناك 15 تعليقًا:

rosealia29 يقول...

كانت بجد شدة أعصاب .. لكن إن شاء الله خير يا علي .. و إن شاء الله إللي جاي أحسن بإذن الله .. و هاتقووول روزا قااالت .. خليك بس مؤمن أوي بربنا .. وواثق أوي .. و إن شاء الله خير ..

أحمد عيسي يقول...

اجمد يا علوة دي اقل مشكلة ممكن تواجهك هناك
ربنا يوفقك يابني

ساعه الغروب يقول...

على بجد كلنا بندعيلك

وان شاء الله خير
اكيد الافضل هو اللى مكتوبلك

شد حيلك وارجوك تطمناع عليك

و ربنا يكتب كل خير ان شاء الله

مش تغيب علينا ارجوك

:)

حسام مراد يقول...

ربنا معاك يا على وان شاء الله هاتلاقى شقه
حصلت معايا بالظبط الموضوع ده بس انا ساعتها كنت فى القاهره وقاعد مع ناس اصحاب فى مدينه نصر وهاستلمها تانى يوم واتحلت ياعم ماتشيلش فى دماااااااااغك
ربنا معاك ويعينك يا رب على المصاعب
سلاماااااااااااااااااات

Esmeralda يقول...

و عسي ان تكروا شيئا و هوو خير لكم

ربنا يوفقك و يكتب الخير

و الله حلو انك تعلن عن مواصفات الشقه هنا :)

قول يا رب

علي الألفي يقول...

شكرا لمن سال
و اسف لتعليقي هذا الاعلان على صدر المدونة

كلام لوجيك يقول...

اطمن يا فنان
كله هيبقى تمام
بندعيلك باستمرار وربنا معاك

طمنا عنك وعن التطورات اول بأول
سلام يا غالى

sad_doraa يقول...

الي انكسر يتطوح هنلاقي غيرو جديد
وحشتنا

همسات يقول...

ربنا معاااااااااااااك يارب
وتلاقى شقة رخيصة ودمها خفيف وبنت حلال

بس اما تلاقى الشقة افتكر انه بسبب دعواتنا

تحياتى

وينكى يقول...

ازيك يا على .. اخبارك ايه؟
ربنا هايفرجها ان شاء الله وماتحملش هم
هحاول ادور بكل شكل ممكن
ربنا يسهلها ويحلها من عنده
ميرسي خالص على مكالمه النهارده
انت اول واحد عبرنى اول ماجيت من السفر
تسلملى يالغالى

MAKSOFA يقول...

ربنا معاك

Amr Ahmed يقول...

برنا معاك يا بوب

وتلاقي فيللا ياعم بتلاتين جنيه

وسعت دي صح

ربنا معاك يارب
ابقي طمننا

Memo يقول...

ربنا معاك
قالولي المفروض استئذن ادام حطيت اغنيه ليك في بلوجي عشان كدا اديني باستئذن بس بعد ما حطيتها :)
ربنا يباركلك يا على

hamasat يقول...

ربنا يسهلها لك ياعلي بشقة جميلة ورخيصة وبنت حلال وتستقر
الفترات الانتقالية متعبة للاعصاب والانسان بيحس انه مش متزن كويس وهذا ما انا فيه الان دعواتك انت كمان
طمنا عليك

جار القمر يقول...

المحترم بدرجة فنان
القريب بدرجة أخ كبير
البعيد لدرجة الاشتياق للقائه
عزيزي ....علي الألفي بك
تحياتي اليك وخالص اشواقي وطبعا لن أنسى أن أرسل بتحيه من خلالك الى أصدقائك الذين أتمنى أن تعتبرني أحدهم
ودون أطاله فسوف أعتبر هذه الرساله رساله تعارف فيما بيننا متمنيا أن تدوم رسائلنا وان أمكن لقائنا
ولأنني لم أحظ بأخ كبير فسوف أسمح لنفسي بجعلك أخي الكبير
علي... أخي... بداخلي فنان لم أفض بعد الغشاء كي يخرج بجنونه وأحلامه للناس
هلا نفعلها سويا
هل نخرجه معا الى الحياه ونشاهده ينمو ويحبو ويشب.
سؤال منتظر منك أجابته؟
تحياتي...محمد علي....... جار القمر