الخميس، مايو 31، 2007

عارفين
دخلت النت اكتر من مرة و من كتر اللي كنت عايز اكتبه
ماقدرتش اكتب اي حاجة
المهم
انا هاختار مقطتفات من التلات اسابيع و نحكي سوا فيها
طبعا انتو عارفين ان فات عليا عيد ميلادي و كنت لوحدي هناك في الواق الواق اللي انا فيها
قررت انى يومها اتهور و اعمل يوم عربدة و ادخل ع النت
طبعا فرصة وجود نت في المكان ده
شبه فرصة انك تكون ماشي في جزر المالديف و تلاقي حد بيسمع شعبان عبد الرحيم
و عشان يا حبايبي ادخل من اقرب سيبر
يادوبك باخدلي مشوار بتاع كدة32كيلو عشان اوصل الجيزة و اتكلم بس مش مهم
و طبعا كانت كبسة سخيفة انى الاقى و لا واحد ع الماسنجر اون لاين
بس بردو ده كان ليه فايدة
اتصلت بامى و دخلتلى ع لنت و ملت انا و هى احلى عيد ميلاد لمدة ساعة اون لاين انا و هي بس

بعدها يجي بكام يوم
طلعت مامورة
اول سفر ليا عن طريق الشغل
عارفين لفين؟
الواحات البحرية
و يا ريت الواحات اللي بنسمع عنها
يعني مش عيون المية و النخيل و الحاجات الحلوة دى
لا
انا كنت في مستعمرة سكنية على بعد ييحي 50كيلو من العمار
لا و ايه
تفتح الحنفية تلاقي مية حمرة

الجو ما شاء لله مشبع ببرادة الحديد الخام
لدرجة ان الواحد بعد ما بيدخل ياخد دش بيطلع ريحة عرقه ارحم من ريحة الصدى اللي بتبقى فيه
و الاحلى و الاحلى المشوار و الصحبة مع مديري
بلاش اتكلم لاحسن يدخل ع النت و يقرا

المهم
انا النهاردة سافرت المنصورة لهيثم محفوظ و عملت معاه بروفة عشان حفلة يوم الاحد الجى
و رجعت الحمد لله على بورسعيد
لاول مرة اتعلم معنى الشوق في الدنيا
البد بجد وحشتنى ووحشنى الشوارع
وحشتنى نضافة شوارعها و صوت اهلاها العالى و تاكسياتها الرخيصة
و وحشني قوى امى و ابويا
ووحشتني جدتى امينة
الحمد لله انا شوفتهم
آآآآآآآآآآآآآآآآآآآآآآآآآآآآآآآآآآآآآآآه
نسيت احكيلكو عن وجود حد مهم جدا في حياتى الايام اللي فاتت
و هو صديقي الغالي او زى ما بنقول له عمىىىىىىى ساهر
ساهر الايام الاخيرة بدانا نتقابل و خرجت معاه اكتر من مرة و كنت يا عيني باشحططه معايا عشان يوصلنى لمكان سكني ع الصحراوى
كمان عرفنى باصحابة
فعلا ناس حلوة قوى و شلة بجد جدعان و لذاذ جدا



المهم سيبكم من كل ده
انا مستنيكم ان شاء الله الاحد الجاى
3/6
في ساقية الصاوي قاعة الحكمة في حفلة فرقة صبا
و ان شاء الله تبقى حفلة حلوة و تنبسطوا منها

هناك 5 تعليقات:

REEMOO يقول...

حمدالله على السلامه يا على
مش لما تنزل المنصوره تعرفنا علشان نفرش المنصوره كلها ورد :)
بجد انا سعيده انك بدأت تتأقلم مع حياتك وبدأت تاخد خطوات جديه فى حلمك
حفله سعيده ان شاء الله
بس للاسف مش هقدر احضرها لانى زى ما قلت من المنصوره ومفيش فى مخططى انزل القاهره اليومين دول خالص
بالتوفيق يارب
تحياتى

Amr Ahmed يقول...

اييييييييييييه

احسن وحوش

ربنا معاك يا علوة

ويوفقك

reri يقول...

علي يومياتك حلوه أوي علي فكره
إنت كاتبها بإسلوب شيق
الحمد لله إنك رحت بورسعيد
والحمد لله برده إنك هتغني
يا رب يحققلك كل أحلامك

سلاماااااااااااات

rosealia29 يقول...

حمد لله على سلامتك يا علي .. وربنا يوفقك في حياتك ..

bos bos يقول...

أسلوبك فى الكلام جميل جدا
ربنا يوفقك وحفلة سعيدة وناجحة أن شاء الله
تحياتى