السبت، يونيو 02، 2007

يخرب بيت عقلي
ايه اللي انا هببته ده
انا عمرى ما تخيلت انى اوصل للدرجة دى و اعمل اللي انا عملته
ازاى قدرت انساها و هى عمرها ما نسيت ولا واحد مننا
اه
ده انا طلعت ندل ندالة
الحكاية من اولها انى لما رجعت بورسعيد
كلمتها
و كنت مستعجل جدا ع المسنجر
و بعد حمد الله ع السلامة و الحاجات دى
و هى اساسا ما قطعتش السؤال عنى هنا و انا لوحدى
و هى كدة معانا كلنا
لاقيتها بتكلمنى و العتاب مالي كلامها
على فكرة انت ماقولتليش كل سنة و انت طيبة
و من ساعتها و انا وشي منها في الارض
مش عارف اعمل ايه
دي يوم بعد يوم بتكلمنى تسال
و متابعانى بدعوتها هى و مامتها اللي بقوا بالنسبالي عيلة تانية
و تانى يوم كانوا كل اصحابنا عاملين لينا احتفال بمناسبة عيد ميلادنا احنا الاتنين
و المصيبة انها اتعاملت معايا عادي
كان نفسي تعاتبني
او تزعق لي
او حتى تدور وشها
لكن و عشان هي
بكل اخلاقها و طيبتها و جدعنتها
و وقفتها جنبنا كلنا مهما كان فيها
عملت و لا كانه فيه حاجة
انا مش عارف اعتذرلها ازاى
بس انا حابب انى اقول لها هنا
و كا اللي بيحبوها كمان يقولولها معايا
كل سنة و انت طيبة يا
و تفضل حواديتك مجمعانا كلنا
و نشوفك احسن و احسن
يا احلى و اعقل و اجدع اخت في الدنيا
و تاني و تالت و عاشر
كل سنة و انت طيبة يا روووووووووزاااااااااااااااااا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
خارج الموضوع
انا مستنيكم كلكم بكرة ان شاء الله تنوروا حفلة فرقة صبا في مسرح قاعة الحكمة في ساقية عبد المنعم الصاوى
و انا ها غنى معاهم بكرة خمس اغانى احلى من بعض
بجد حاولوا تيجوا

هناك 12 تعليقًا:

18goosebumps يقول...

النهارده وبكره وبعده وكل يوم

كل سنه وانتى احلى حد عرفته في دنيتى

وكل يوم واحنا مع بعض

وكل ساعه والتواصل بينا موجود

يا احلى روزا على كوكب الارض لا يا احلى روزا في المجره كلها

وانا بعتذر ليكم انتو الاتنين لان حفلتنا سوا كانت على القد بس انتوا عارفين الامتحانات
..

فيك الخير يا على

شد حيلك في الحفله وبيض وشنا

ربنا معاك

rosealia29 يقول...

يا علي .. ربنا يخليك ليااا .. و انا مقدرش أزعل منك .. و ربنا ما يحرمناش من تجمعتنا ..


و إن شاء الله من نجاح لنجاح .. و من سعادة لسعادة ..



جوسي الجميلة .. ربنا يخليك ليااا .. البني آدام ايه .. غير شوية ذكريات حلوة فوق بعض ..


ألف شكر بجد ..

شيماء الجيزى يقول...

كل سنه وهى طيبه
كل سنه وانتى طيبه يا روزا

وسمعت انك كنت حلو فى الحفله
يزيدك ربنا يارب
انا جيت بس امسى

واقولك انى بزور مدونتك كتير
بس مش بكمنت
وادينى كمنت
:d

تحياتى

micheal يقول...

كل سنه و أنتي طيبه يا روزاليا
تحياتي

Sharm يقول...

مع انى معرفش مين روزا بس برضه كل سنة و هي طيبة

غير معرف يقول...

كل سنة وصديقتك طيبة انا متابع بلوج حضرتك من فترة كبيرة وكنت عاوز اسأل حضرتك سؤال هوحضرتك معقد نفسيا اصل حسيت ان المدونة دى المفروض يكون اسمها كلاكيع مش تفاصيل انت صوتك حلو بس حالتك مش حلوة شوف نفسك يا تفاصيل قبل ما البلوج يبقى اسمه كلاكيع على بحق وحقيقى

rosealia29 يقول...

شيماء الجيزى : و إنتي طيبة يا شيماء .. ميرسي لذوقك يا قمر ..



micheal و إنت طيب .. ألف شكر ..



Sharm هههه و إنت طيب ميرسي لذوقك - رغم إني ما أعرفكش - ..


مجهول : يعني هو واضح إن حضرتك إللي حالتك مش حلوة .. علشان غريب جداً إنك تكون متابع مدونة علي من فترة .. و تكون دي النتيجة إللي وصلت لها حضرتك .. بس اسمحلي أقولك ياريت مايكونش عند حضرتك مدونة علشان واضح إنها هاتكون أزمة .. و أكيد المشكلة مش في إرسال علي .. أكيد الخلل جاي من الاستقبال .. و ألف شكر لتعليقك ..

وينكى يقول...

الف الف مبروك على الحفله ياعلى
انا صحيح ماقدرتش اجى بس انا متأكده انك هاترفع راسنا احنا البلوجرز
وكل سنه وروزا الجميله بخير وصحه
وكل لحظه وانتوا بسعاده وتحققوا كل امالكوا
وماتزعلش منى ياعلى بجد انت عارف الحياه معايا عامله ايه

hesterua يقول...

انا برضه اتأخرت عليها يا على
رغم انها عمرها ما اتأخرت على حد
كل سنة وهى طيبة
وانت كمان يا قمر

بالنسبة للأخ مجهول

طبعا انت متتوقعش انى عارفك لكنى عارفك
للأسف الدنيا بتعمل حاجات غريبة تخلينى اعرفك

فعلا
اعرف صاحبك وعلم عليه

عامة القلم الأحمر طلع

بس فعلا صدقنى واضح الكلاكيع عند مين

لو تاخد زيارة لمدونتى هتلاقى بقه الكلاكيع اللى بجد

على ابوها يعنى زى ما بيقولوا

عامة فى اميل ظريف جدا

فى البروفايل بتاعى عشان لو حبيت تقول رأيك فى كونفلاكتاتى


لأن اللى انت عملته ده مش ظريف ده لو فى نيتك تنصح


المهم

مبروك ع الحفلة يا لول

لازم تجيبلى يا لييييييييييييييييل اللى انت اتحفتنا بيها

سلام يا لول

علي الألفي يقول...

صباحو قشطاااااااااااااااات

كل سنة و انتو كلكم كويسين و طيبين

و بالنسبة ل اللا اخ مجهول

طب ما تورينا انت شخصيتك من مدونتك و تورينا النفسية الحلوة اللي مالية نفسك الطيبة و روحك الحلوة بدل ما انت داخل كدة من برة برة زي صراصير المطابخ اللي ما تعرفش هي جاية منين بس موجودة

غير معرف يقول...

الاول كل سنه وانتى طيبه يا روزالين اولا انا مش اعرف مين روزالين بس اهى اختنا من سيدنا ادم الاول يا علوه انا كان عندى طلب صغنطوط اد كده نفسى اعمل بلووووووووووووووووووج مش عارف اعمله ازاى ما حدش يضحك عليا بس انا فعلا مش عارف ازاى وبقالى سنه بقرأ البلوجات بتاعت الاخوه والاخوات وببقى غيراااان موت يا ريت يا علوه تقولى لو ما كنش هيسببلك اى ازعاج انا اسف ما عرفتش بنفسى انا اخوك احمد من محافظه البحيره مركز كفر الدوار وايميلى علشان التواصل يبقى the_old_cabetal_in_the_love@yahoo.com وليك منى اخلص واحلى واجمل التحيات من اجمل وارق بستان للجدعنه والطيبه والصوت الحلو اخوك فى الله احمد

غير معرف يقول...

على فكره انا مش المجهول الاول والله العظيم مش انا المجهول اللى بيكلمك كلام مش اللى هو انا غيره يا علوه والله يا ريت بقه تنفذلى طلبى بجد انا محتاج البلوج ده وشكرا ليك يا عم