الخميس، يونيو 07، 2007

الى اللا اخ او اللا اخت اللس مسمي نفسه مجهول

ببساطة و من غير لف و لا دوران
انا عامل المدونة دى مساحة جوانية قوي باتكلم فيها عن تفاصيل جوانية جدا
و عاملها ساحة و مساحة فاضية لكل اللي باحبهم و بيحبونى
وواضح انك مش منهم
و لهذا اتمنى الا تسعد عيوني برؤية ردودك السخيفة و اللي ارهقنى مسحها فقلت ابلغك و تتصرف انت من منطلق انك احتمال يكون عندك دم و تحرمنى من ردودك
او فيه حل تانى
انك يكون لك وجود حقيقي بيننا و بين مدوناتنا و ساعتها نعرف شخصيتك فعلا و نقدر نعرف حالتك و يمكن نساعدك في علاجها
...............
...........
.....
....
.
.
.
.
الكلام ده موجه لشخص سخيف بيتعمد يدخل يسيب ردود باسم مجهول و بيستخدم الخاصية اللي بتخلي الردود مفتوحة لكل الناس و لا هو مدون و لا نيلة
..
امضاء
علي الالفي
واتحد مكلكع جدا

هناك 8 تعليقات:

Ana keda يقول...

ايه ده انا اول رد وكومنت
مش ننكن بص بقى يا على يا الفى انا سمعت صوتك ما شاء الله عليك بجد حد جميل اوى
انا مش مجهول اهو الكلام مش ليا انا بتابع فى ادب والله
هههههههههه
ربنا معاك ومبروك عالشغل ودى سابقة انى اكتب كومنت اولانى اشكرك انك اديتنى الفرصة

rosealia29 يقول...

الجبل ما يهزك ( شوية طراوة ) هههه

saher يقول...

طبعا أنا بعتذر عن عدم حضورى الحفلة أولا بس فعلا أنا كنت فاكر بس لظروف قهرية مقدرتش أجى ..ثانيا إنت أخويا و مفيش بيننا جمايل .. ثالثا أنا أتمنى إنك متمسحش تعليقات المجهول عشان انت عارف أنا بحب أسمع تعليقات الناس دى أوى بتبقى مسلية جدا.. و بعدين ماتسيبه يا أخى يعبر عن رأيه هوة لازم يعنى يشكر فيك عشان يبقى حلو.. يمكن دة إحساسه فعلا تجاه مدونتك .. تناقش معاه شوفه دة رأيه وللا هوة محتاج يروح فعلا للدكتور أحمد أبو العزايم لعلاج الإدمان و مشاكل الشباب اللى قدام قهوة أسوان اللى بنقعد عليها فى الكوربة

ماسة الحب يقول...

اولا ياعلي ولا يهمك من اللاشئ
انا اول مرة اكتبلك
بس انا بسمع عنك من زمان ونفسي بجد احضرلك حاجه قريب
بس للاسف حفلة صبا هيكون صعب
بس انشاء الله اشوفك في حفلة وجيه عزيز يوم 13/6
انا سعيدة اوي ان اخيرا وصلت وكتبت ليك
ربنا يوفقك

محمد ياسر يقول...

على يا جميل ولا يهمك من ناس زى ده ولا يستفزوك

و انت كنت جميل فى الحفلة و عجبتنى جداااا وعايزين حاجات بقى منها متسجلة ننزلها

تحياتى

امرأة تقول الذي لا يقال يقول...

(:
والله الناس دي بتبأى سخيفة جدا

أنا كنت داخلة اقوللك اني غيرت اللينك بتاع مدونتي بس الموضوع عجبني

sad_doraa يقول...

تحياتي يا علي اولا
طبعا تلاقيك مش فاكرني لاني غبت كتير عن النت بس اهو خيير اديني رجعت وقريت بوستاتك الي فاتتني كلها عشان اعرف اخبارك ايه
يارب فعلا القاهرة يكون مكان مبسوط منو وتقدر تحقق الي بتحلم بيه بس اوعى تلهيك الحاجات الي مش مهمة عن الاهم
ومنور دايما على البلوج ومنور فكل مكان
وهعمل زي علي واقول (ادعووووووووولللللييييييي
عشان الامتحانات
وبعدين هشمت فيك عشان بورسعيد وحشتك يعني انا مش غلطانة لما مصر كانت وحشاني
تحياتي للبورسعيدية جميعا
سلام

REEMOO يقول...

الناس دى مفيش اكتر منها يا على صدقنى
انا بسببها عملت مودريشن على الكومنت عندى
متضايقش نفسك
اعمل مودريشن وريح نفسك وهو بعد فتره هيزهق ويبطل
تحياتى