الاثنين، يوليو ٠٩، ٢٠٠٧

مش هاقول كتير عن الحفلة
بس بجد ربنا ما يحرم حد من اللي له
و كل اللي حضروا كانوا اهلى و اخواتى
و انا فرحان بكل واحد فيهم فرحة ما تتوصفش و لو اتكلمت عنها الكلام مش هايساعدنى
ربنا يخليكو
.............................................................................
مش عايز انكد عليكم
بس بجد
انا محتاج اليومين دول لكل واحد قريب منى يكون جنبي
و ادعولى
.........................................
برة البوست
او يمكن جواه
هو لو فيه واحد حب شلة معينة و حب يدخل بينهم يبقى غلطان؟؟
موضوع كنت باتكلم فيه انا و صديقي احمد شلبي
بس اللي اقدر اقوله
انه لو واحد حب ناس معينة و اكتشف انه ممكن يكون غير مرغوب فيه بينهم
و لو اكتشف انهم بيتقابلوا و يخرجوا من غير ما يكلموه
او بدا يحس بفتور في مقابلتهم ليه
بيوصل لاقصى درجات فقدان الثقة بالنفس
و بيفكر كتير و ممكن يكلم نفسه و هو بيسال
ايه اللي ممكن يكون خلاه يضايقهم
و بيبقى شعوره انه منبوذ
شعور وحش قوي
صدقونى
انا مجربه

هناك ٢١ تعليقًا:

بحاول اكون يقول...

السلام عليكم
ايه يا علي مالك بس دا انا قولت هتدخل تكتب بوست حلو عن الحفلة
زي ما قولتلك شيل الافكار ده من دماغك احنا نتمنى اننا نكون جنبك على طول ولا انت مش شوفت فرحتنا بيك كانت قد ايه
سيبك من اللى في دماغك ده الناس اللى مش عيزينك دول مش بيفهموا ولا بيقدروا مع احترامي ليهم طبعاً بس هما اللى خسرنين انهم مش يعرفوا واحد زيك
ربنا يخليك لينا ويوفقك وينجحك بأذن الله
مبروك للمره المليون وعقبال الحفلات اللى جاية انشالله
منى

Unknown يقول...

مدونة جميلة أوى مريحة للعين ما شاء الله.. انا زعلانة و الله أن حفلتك فاتتنى لأنى بشتغل فى الساقية و كان من السهل جدا أنى أحضرها لكن بابا بأة ما عندوش السهل ده طالما حيبقى باليل أعمل حفلة الصبح و أنا أحضرها :)

بالنسبة لموضوع الشلل ده أنا جربته قبل كده و لما أتحرجت ما باقيتش أتقرب لحد الا لما هو يتقربلى لكنى أثتثنيت مبدأى الجديد ده من عالم المدونات بصراحة لقيت فيه الى ما لاقتهوش برة

شيمـــــاء يقول...

اولا الف م بروك على الحفلة
صوتك جميل اوى يا على وخصوصا
فى حته

زى القمر ماشية على الكورنيش
دى اكتر حته بحب اسمعك فيها والله

ثانيا خليك جامد كله بيعدى

ثالثا
يووووووووووووووووه
ياما دقت على الراس طبول
انا حصل الموقف ده و اخر مرة حصل كان وجعنى اوى من 3
بس عادى كله بيعدى
دل وقتى مش بحس برغبة ابقى معاهم هما التلاتة لما يفكروا يقولوا لى

عادى يعنى كله بيعدى
روق يا عم كد ه
ها الحفلة الجاية امتى
وعلشان خاطرى بدرى بقى
علشان اكمل الحفلة

غير معرف يقول...

ezayek ya fannan ?!
eih malak bas
7awel te5rog men el mode da
rabna ma3ak bgad walahy ana kol ma ad5ol 3andak ad3olak
ana 3aref enk mat3rfnish bas ana shoftak marrah fi maktbet mobarak youm gom3a wi salmt 3alik bgad enta fanna aktar men ra2e3
wi 7awel mat5lish ay 7aga te2sar 3alik
rabna ma3ak ya 3aly
wi 5aly balak men nafsak ya basha
salaaaaaaaaaaaaaaaaam

الكلام نوعان :كلام فارغ وكلام مليان كلام فارغ يقول...

شوف يسا على مش شعور انك تكون منببوذ بس زي ما تفكر انك ممكن تكون منبوذ من اشخاص معينه فكر ان فيه ناس كتير بتحبك
ومش شرط ممكن يكونونا مش عارفين يتعاملوا معاك
اصل ده توافق ودي حاجه متزعلش
تحياتى يا على وحاول تيجي الفرح

الكلام نوعان :كلام فارغ وكلام مليان كلام فارغ يقول...

على فكره سامعه ان الحفله كانت هايله ياريتنى كنت معاكم بس انت عارف بقى
عايزه اقترح عليك اقتراح لو حد مصورها فيديو ياريت تعملها ابلود على البلوج وخلى الناس كلها تشاركك
تحياتى

غير معرف يقول...

سلام عليك يا علي
انا توقعت انك تكون فرحان بالحفلة اكتر من كده
و توقعت انك تنزل الصور بتاعتها
الحفلة كانت فعلا حلوة اوي بس انا حاسة انك مش فرحان بيها
متخليش حاجة تزعلك و تسرق فرحتك منك
لو فيه حد انت حاسس انه مش مقدرك ممكن يكون له اسباب بس مش معني ده انها اخر الدنيا
اكيد فيه ناس كتير بتكون مبسوطة و انت معاها و اظن ده كان واضح يوم الحفلة لاننا كلنا كنا فرحانين بيك و بغناك
متضايقش من حاجة
البوست ده ميتحسبش
عايزين واحد تاني فيه اغاني الحفلة و الصور كمان
و فرحة كبيرة علي قد فرحة يوم الحفلة و اللي كانت ظاهرة و انت في المسرح بتغني

ربنا يوفقك يا علي
سلام
مها

Ahmed EIssa يقول...

ايه يابني انت متعرفش تفرح؟؟؟
لا اله الا الله
بعد الحفلة الجامدة والتجمع الهايل اللي كان فيها وبرغم كدة زعلان من موضوع تافه
منبوذ ايه وبتاع ايه انت كل اصحابك اللي حضرولك الحفلة وكانو طايرين بيك مش مكفيينك؟
الموضوع مش مستاهل اساسا علي فكرة
شلة تعرف بعض من اد ايه وانت داخل جديد وسطيهم وبيخرجو من غير ميقولولك و..و..و...يبقي ميستاهلوش اساسا انك تبكي عليهم
يبقي جت منهم
كل ده وحاسس انك منبوذ؟
بص انا حسكت بقي عشان مقولش كلام ملوش لزمة
والموضوع ده اتقفل خلاص متتكلمش فيه تاني
بعيد بقي عن حرق الدم ده..شوفلنا ياعم الصور ولو فيه فيديو للحفلة عشان ننزلها الحفلة كانت جامدة بجد
وعايز اغنية هو انت جيت لو سمحت عشان حبتها جدا

فوكيره يقول...

على مبرررووووك على الحفله

ومبروك عليك فرحتك بيها

والحفله الجايه نكون معاك

--
انا لو مكانك حراجعهم مره
علشان ضميري لو مقتنعتش بكلامهم

يبقا خلاص ميلزمنيش

بين الأمل و اليأس يقول...

ياراجل انا بلف عليك بقالي يومين عشان اجيب اللنك بتاعك
ياراجل
سيبك انت المهم انت عارفني ةولا لا
انا كلمتك مرتين بس انا عزرك هاتاخد بالك من اللي فوق ولا الي تحت
انا حازم اللي كنت قاعد على الطرف خالص مع اودي المهم
بقلك ايه
انت انسان جميل ورائع وخلي عندك ثقه في ذاتك اذا مكنوش همه عايزينك في المكان ده يبقه همه اللي خسرانين
بس الاهم انك تكون عارف نفسك وعارف ذاتك كويس
لاننا عرفناك كويس وعرفنا انك انسان بجد جميل
والله انا عجبتني الحفله مووت اوي اوي
وانت كنت رائع وعجبني اكترتنقلك بين طبقات الصوت وبالذات العاليه منها
ويارب تكمل على الف خير وتكون كل اللي تتمناه
وربنا يسترها

غير معرف يقول...

متهيألى انى اتكلمت معاك فى الموضوع ده قبل كده ياعلي
انا مش هاعيد اللى قلته لكن هاقولك حاجه بسيطه
اللى يرميك ارميه
واللى يبيعك بيعه
واللى مش عايزك..اوعى تفكر فيه
يمكن تكون مستغرب انى باقول كده على ناس المفروض انهم أصحابى من زمان, لكن انا كمان مجربه الألم ده
اسأل نفسك سؤال..انت محتاج منهم ايه؟؟
ناس لذيذه وروشه ودمها خفيف.. لكن انت مش حاسس انك جزء منهم
هما بيعتبروك معرفه..زميل وسط اى حاجه
اوكى تبقى انت حارق نفسك ليه؟؟
مافيش حاجه فى الدنيا تستاهل زعلك
اللى خلقهم ماخلقش غيرهم يعنى؟؟
كفايه عليك اللى جم حفلتك وعملولك اجدع هيصه واتأخروا على بيوتهم واتبقلظوا علشانك
انت مش شايف انهم كفايه
وانهم شلتك الحقيقيه
ولا احنا اتعودنا دايما اننا نجرى ورا اللى يرمينا ونرمى اللى يجرى ورانا
انا مش قصدى انى اكون قاسيه وسامحنى لو احتديت فى كلامى
لكن صدقنى لما اقول انى عشت المأساه دى لمدة خمس سنين فقدت فيهم حاجات كتيره قوى
ويصعب عليا ان اخويا يمر بنفس الموقف
اجمد يا على وبلاش الحساسيه الجامده دى
البوست الجاى عاوزه اقرا فيه عن تفاصيل الحفله من وجهة نظرك
قال صحيح الفرقه بتاعتك كانت بتتكلم عليا؟؟
يافضيحتيييييييي
:p
اه على فكره
انا بحاول اضبط لقاء بلوجرى بمناسبة نجاحى وان شاء الله اول ما ارتب الأمور هاتكون اول واحد أبلغه

أختك ام الزغاريد

rokaaa يقول...

بص يا أخى العزيز خير الكلام ما قل ودل , وحطت الكلمتين دول فى ودانك بجد

من حبنا حبناه وصار متاعنا متاعه ومن كرهنا كرهناه يحرم علينا اجتماعه
افهم انت بقى ايه المقصود
يا ابنى الحب والحنيه دول الحاجه الوحيده اللى الواحد مستحييييييييل بجد مستحيل يطلبها من حد , هو اما حاسس نحيتك بالحب والراحه او لا , وعلى فكره كلنا بنتعرض للموقف ده بجد , بس انا رأيى تاخد موقف وتعاملهم بالمثل
المعامله بالمثل
حرام علينا نحب حد اكتر ما بيحبنا , حرام علينا نخاف على مشاعره وهو ما بيحسش

انت يا ابنى والله بجد شاب زى العسل وما تتعيبش , وهما اللى خسرانين , وكل واحد حر بقى
يلا كبر دماغك وما تزعلش

اخوك روكى

smraa alnil يقول...

الله يخربيت النكد علي حنفي علي بدر بتاع النت
يا واد دة انا قلت هخش عندك الاقيك كاتب عني اد كدة

المهم يا سيدي مبروك علي الحفلة وبجد اروع ما فيها كنت انت
بجد

يا ابني بجد انا ادمنت صوتك بجد

اللي انت قلت عليه كلنا مرينا بيه
ودة بيبقي جايز عشان الناس بتبقي حساسة اوي
انا كنت بحس بكدة ومن جوايا اوي عارفة ان دة مش صح بس الاحساس بالحساسية دي بيبقي زيادة عن اللزوم


ومع ذلك ياما ناس احنا مش عايزينهم وهما بيعشقوا ترابنا
وناس احنا بنبعد عنهم وهما بايعنا
يعني دي سنة الحياة

المهم ان في اي حالة من الحالات
لازم يكون هو
من غير ما يتغير يتعامل بطبيعته

وهو لو بص شوية هيلاقي ان الناس دي جايز تكون مش ليها لزمة
المهم مين اللي بيحبه

خدها نصيحة من اختك بقي

اللي عاوزك هو اللي هيجري وراك

اللي يشتريك تشتريه
واوعي تشتري حد بيبيع اصلا

مش يستاهلوك حتي لو روحك فيهم
وعلي فكرة انت مش لوحدك

حتي شوف صور الحفلة كدة

Nouran يقول...

يااااه ليه يا بني ما كنت بتكتب عن الحفلة انها جميلة وكده وكنت فرحان لازم تنكدنا اخر البوست :)
بس بصراحة بيبقىاحساس وحش جدا جدا انا مجرباه بس ليه كده خيير ؟؟

ساعه الغروب يقول...

على هو زى ما انت قلت بجد

انه الواحد بيبقى متعشم اوى اوى اوى

بس عموما هو الغلط بيبقى مننا احنا

من اننا بنتعشم زياده عن اللزوم

وانا برجع الغلط دا لانى اتعودت ما اصاحبش من فوق الوش

يعنى مش بعرف اصاحب حد اللى هوا ازيكو وعاملين ايه وبس

اللى اتعلمته
انى يا اتعرف و تبقى الناس دى اخواتى اوى يا بلاش منها خالص الصداقه اللى مش هتفيد حد فينا دى

على كل اللى عايزه اقولهولك خليك بس واثق اوى اوى اوى فى نفسك ومش يهمك اى حاجه وثق دايما انه ربنا هيديك اوى على اد نيتك

مش عايزه الاقى بوستات من دى تانى اوك

عايزاك افضل من كدا

ماشى

خلى بالك من نفسك وبدعيلك مش تقلق

ربنا معاك ويوفقك باذن الله
ويكتب كل خير

أحمد سلامــة يقول...

عادي بتحصل كتير يا على
المشكلة بس بتكون ان الشله دي تكون فعلا فعلا كويسة
وبالتالي الاحساسا بيكون اصعب لما الرفض بيجي من جهة كويسة
لانك بتحس انك ماستاهلتهمش
بس بردو مشمفروض الثقة بالنفس تتهز ولا تقل حتى ولو بالعند
لان الانسان ميقدرش يحكم على حد حكم الالهه
--------------------------
برة التعليق
-------------------------
اغنية وسط البلد منورة المدونة عندي
:)

3ashe2elro7 يقول...

بصراحه بيبقى موقف وحش اوى

وشعور تقدر تقول بالكسر والانكسار

بيزيده انه يحس انه معملش حاجه او زعل الناس دى فى حاجه

بس بسرعه بسرعه ترجع تقول لنفسك طالما انى متأكد انى مغلطش و معملتش حاجه تزعلهم

يبقى بيج طزززززززززززززز

انا اجى على اعصابى ليه يعنى
اللى عايز يقرب اهلا و سهلا و اللى مش عايز برده اهلا وسهلا

غير معرف يقول...

على فكره
انا عامله تجمع بلوجرى جامد جدا بمناسبة نجاحى وتخرجى على خير
التفاصيل على مدونتى الصغنونه..اللى من غير فذلكه

Rana يقول...

على الالفى
مبروووووووك انت انسان جميل وشخصيه محترمه وصوت يستاهل ان كل حد يتلفت ليه ويشجعو
ماتزعلش لانك عارف ان دايما هنكون معاك انا وريم لاننا واثقين فيك وبنحترمك
-----------

لو واحد حب ناس معينة و اكتشف انه ممكن يكون غير مرغوب فيه بينهم
و لو اكتشف انهم بيتقابلوا و يخرجوا من غير ما يكلموه
او بدا يحس بفتور في مقابلتهم ليه
بيوصل لاقصى درجات فقدان الثقة بالنفس
و بيفكر كتير و ممكن يكلم نفسه و هو بيسال
ايه اللي ممكن يكون خلاه يضايقهم
و بيبقى شعوره انه منبوذ
شعور وحش قوي
صدقونى
انا مجربه
---------
مش عارفه اقولك ايه ربنا معاك وخليك عارف انك صح وخليك واثق انك بتتعامل من قلبك ربنا معاك وانت قلبك كبير
ربنا معاك

علي الالفي يقول...

اشكركم بجد
و الله انتو بجد اهلى و اصحابي
و اللي باقيين لي
وربنا يجمعنا دايما على كل خير

غير معرف يقول...

بخصوص شريو ده لقاء ليه على اذاعة حريتنا اسمعوه كلكم