السبت، نوفمبر ١٧، ٢٠٠٧

كان عندى حفلة امبارح

الحمد لله رب العالمين انا نجحت امبارح قوي و عديت مرحلة كنت حاسس انى ممكن ما ارجعش اغنى فيها تانى
و بجد
ماكنتش قادر احكي لحد اللي انا كنت فيه و ازاى مريت بمرحلة فقدان توازن و فقدان ثقة
المهم كانت الحفلة امبارح اكتر من رائعة
ما اخبيش عليكو كنت مرعوب جدا و انا باغني بين الوحوش دول
كل و احد فيهم اجمد من التاني
و قولت انا بالكتير اصحابي اللي هاييجوا هم اللي هايصفقوا و خلاص
الحمد لله ربنا اكرمنى اخر كرم و ما كنتش قادر اقف على رجليا ممن كتر الفرحة بعد الاغنية
الحمد لله
ـــــــــــــــــــــــــــــــــــــــــــــــــــــــــــــــــــــــــــــــــ
على جنب كدة
احساس رهيب بالذنب تجاه كل واحد جالى الحفلة انى ما قدرتش اقعد معاهم و ارحب بيهم صح
بمعنى
انا امبارح جالي وينكي و سراء النيل و طارق و شادي و اليانت و غيرهم من المدونين
و جالى من بورسعيد شريك الاحلام احمد شلبي و انتيمي اللدود احمد عيسى
و جالى من الفيوم صديقي المطرب الرهيب محمود
ده غير اصدقائي من القاهرة و اولهم لطفي
و غيرهم و غيرهم
و ده خلانى عشان محدش يزعل منى
افضل الف عليهم شلة شلة عشان اقعد معاهم
و في الاخر اكيد ما عرفتش اقعد مع و لا واحد منهم صح و اكيد ناس منهم اتضايقوا
بس اكيد هم هايقدروا
على فكرة عندى تفاصيل كتيييييرة محوشها للبوست الجاى
كل حفلة و انتم طيبين

هناك ١٢ تعليقًا:

شيمـــــاء يقول...

نص ساعة او ساعة بالكتير
وتعرف رأيى فى الحفلة
:)
على فكرة مفيش شكر بين الاخوات وا لصحاب ولا ايه رايك

The Alien يقول...

مبروك الحفلة ياعلي
إنت كنت متألق رغم إن التوتر كان باين عليك وإنت بتغني
بداية موفقة جدا
وأكيد اللي جاي هيكون أحلي

تحياتي

فوكيره يقول...

مبرووووووووووووك يا على يا الفي ...

كل حفله وانت طيب ...

هى الحفله متسجلتش يا على ولو حتى موبايلات ..؟

لو حصل يا ريت ترفعها علشان نحملها

بالتوفيييق

شيمـــــاء يقول...

على على على
كتبت رايى خلاص

دينا فهمي يقول...

ألف مبروك يا علي
انت تستاهل كل خير

يا رب دايما من أحسن لأحسن

غير معرف يقول...

من غير اعتذارات يا نجم
يوميها كنت معدى معدى
بجد كلنا كنا مبهورين وفرحانين وطايرين بيك
كنت خايفه عليك بس لحسن تكح على المسرح من كتر مانا وزيفاجو عمالين ننم ونتكلم عليك :P
انا عملتلك صياح وزيطه اكتر من اى حفله تانيه..زورى مات وشيماء ودنها اتسورت..ماليش دعوه.. لازم تجيبلى شيكولاته بقى:P
اكتر وقت ضحكت فيه لما سلمى كانت بتشكر البلوجرز واهل الفيس بوك على حضورهم..وانا عايشه الدور وعماله اقول ميرسي وانحنى للجماهير..واكتشف انك شايفنى وبترد عليا
ههههههههههههههههههههههههههه

ربنا يوفقك كمان وكمان..انت تستاهل كل خير, وان شاء الله تفاصيلك الجايه تبقى مليانه اخبار حلوه

غير معرف يقول...

اه على فكره
انا سجلت اللى ربنا قدرنى عليه من اغانى الحفله
ولينكاتهم عندى على البلوج على ايدك اليمين
اللى عاوز يروح وياخدهم

غير معرف يقول...

مبروك ياعلى على الحفلة

وانت تستاهل كل خير

بجد صوتك دافئ وحساس ربنا يكرمك كمان وكمان يارب

MONDAHESH يقول...

مبرووووووووووووووووووك يا علي


انت عارف بقي انا كنت عام حسابي اني جاي 100%

بس غصب عني ماعرفتش اسيب الشغل

تتعوض المرة اللي جاية ان شاء الله

الي ان تشرق الشمس يقول...

الف مبروك وفي تقدم للامام دايما ان شاء الله

الي ان تشرق الشمس يقول...

مبروك يا بطل

إبـراهيم ... يقول...

ألف مبروووووك يا علي ...، وحقيقي كان نفسي أكون معاكوووو !!! ........



وياااارب الحفلة الجاية أكون معاكو إن شاء الله

ومن تقدجم لتقدم يا علي إن شاء الله :)



تحياتي