الأربعاء، يونيو 11، 2008

شوية كدة

أولا انا عرفت خبر مهم
عرض قهوة سادة مستمر لحد ااااخر شهر يونيو
الحقوا احضروه
--------------------------------------------------------------------------
جميل جدا انك يكون عندك هدف
و انك تبذل كل مجهودك في سبيل تحقيقه
كنت في الاوبرا
و جوايا رغبة اكيدة في الحصول على ما اريده
استغليت وجود صديق ليا ساكن في الدقي و مشيت معاه لحد ميدن المساحة في يوم من اشد ايام الدنيا حرارة و في الاخرر فوجئت بنظرة التشفى في وجه البائع و هو بيقول
اسف
المكنة عطلانة
معندناش
تخيلوا
لكن انا لم ايأس
اخدت ميكروباص الجيزة
و تقدروا تتخيلوا الانجاز العبقري في اننا وقفنا بس في اشارة شارع مراد 3/4 ساعة بس
المهم
ما يئستش
ركبت مكروباص من الهرم
و لا تنتهى الحكاية
ييعطل المكروياظ في محطة المساحة بردو
لاحظوا الصدفة في مساحة الدقي و مساحة الهرم
المهم
ركبت مكروباص تانى
و لمزيد من الاثارة يكون راكب معانا احد الغلابة اللي ربنا رحمه من التفكير في هم الدنيا و فقد عقله
و ما سابش حد في المكروباص ما بربرش عليه او تفتف او انعم عليه بأي حاجة مقرفة
و اخيرا
وصلت كايرو مول
و واحدة واحدة بدأت اقرب جدا
و دخلت
و طلبت
و لاقيت
انا يا جماعة باعشق الميلك شيك بتاع ماكدونالدز
و قربت افلس لانى كل يوم تقريبا باطخ مشوار جامد بسببه
و مش عارف اشمعنى يعني
-----------------------------------------------------------------------------------
يا جماعة عايز اخد رايكم في حاجة
انا بافكر فعلا انى اعمل حفلة لوحدى
انا مستمر فعلا مع ايامنا الحلوة
بس عايز اجرب
تفتكروا ايه بقى؟

هناك 11 تعليقًا:

أحمد عيسي يقول...

اولا اعمل حفلة لوحدك انا مستنيها من شهر 11 اللي فات اصلا

ثانيا جميل ان الواحد يسعي ورا هدف ويحققه حتي لو كان ميلك شيك بس الا هو يطلع ايه اصلا الميلك شيك ده؟

وحشتني ياواد ...بقالي زمان مغلستش عليك

darsh يقول...

انا عاوز اقول لك على حاجه ..
مش معنى ان انت منتمي لكيان معين .. يبقي انت لازم تكون معاه كلياً ..
انا شايف ان فكرة انك تعمل حفلة لوحدك دي فكرة كويسه جداً .. وكمان دي خطوة لابد منها لكن لازم الأول تحسبها صح .. هل هاتكون قد الخطوة دي واللا انت لسه محتاج تستنى شوية ؟؟
هي دي النقطة الأهم ..

وربنا يوفقك يا جميل

فوكيره يقول...

نفسي اعمل ابونيه قاهره علشان احضر الحجات دي ... ربنا ينفخ في صوره الى عندى يمكن يحصل واحضره

---------------
انا بقول تتصاحب على الراجل هناك وتعرف بيتعمل ازاى اسهل يا على

---------------
انا مؤيده للفكره ... ان الاوان طالما في فرصه يا على

لكن مهم تموووت نفسك شغل علشان دى مسئوليه كبيره واكيد متوقف عليه حجات كتير


---
دعواتك ... فاضل امتحان واحد واخد الاجااااااااازه

YHYيــوســف الـمصـرى يقول...

السلام عليكم
...........
والله يا ريت يا علوة تعمل حفلة وحدك
هتبقى جاااااااامدة أن شاء الله


تحياتى :)

اهو ده عيبه يقول...

اولا ازيك يا على

وادعوك للاشتراك فى جروب مدونى بورسعيد على الفيسبوك
http://www.facebook.com/group.php?gid=16270740901&ref=s

تحياتى لك

قوس قزح يقول...

هههههههههه انا كمان بحب الميلك شيك بتاع ماكدونالدز اللى بالفانيليا و هو فعلا مختلف عن اى محل تانى


بص يا على
موضوع انك تعمل حفلة لوحدك دى مش صعبة .. بس هل انت مستعد لده دلوقتى و تقدر تشيلها لوحدك ؟ يعنى الفنانين الكبار لما بيعملوا حفلة كبيرة دايما تلاقى فى مغنين اصغر بتغنى الاول و مش بتكون حفلته لوحده
الاهم انك تعلم مع الناس .. و ده ممكن يحصل لو معاك مليون مغنى فى الحفلة
رائى لو تسمح ليا .. حسن اداءك اكتر و سع دايرة جمهورك .. كون علاقات كتيرة مع الناس المسئولة .. اعمل اغانى بتاعتك اكتر .. و بعدها تكون جاهز لحفلة لوحدك
و فى نقطة مهمة اوى لو الحفلة دى كانت اقل من توقعاتك لا قدر الله هتبقى صدمة لك

ربنا يعمل لك اللى فى الخير ان شاء الله

طارق الغنام يقول...

اخى
اول مرة ازور مدونتك
اتمنى لك التوفيق
وماشاء الله عليك اعتقد انك قادر تعمل حفلات وليست حفلة لوحدك
ربنا يكرمك
وياريت تزور مدونتى المتواضعة
تحياتى لك يابطل

قهوة بالفانيليا يقول...

نا باقول برضه .. اعمل حفلة لوحدك ..
و ادخل طريقك .. و ربنا يسهلك ..
حاجة تانية ..
بلاش ميلك شيك كتير يا علي .. بيبقى تقيل
و الكالوري فيه عالي جدا.. فخد بالك .

mostafa rayan يقول...

طبعا من حقك يبقي ليك مشروعك لوحدك
وياعم طمنا ايه اخبار مشروعك الفني
تحياتي وحبي لك

mero-moory يقول...

السلام عليكم ورحمة الله وبركاته

تعرف يا علي لو موش كان صوتك في دفا وسجن موش حصل كنت موش أيدت فكرتك لكن صدقني صوتك كافي موش يقوم بحفلة واحده لالا عدة حفلات
توكل على الله بجد بس على شرط تنزل أغانيك اللي هتغنيها في المدونة هنا عشان أسمعها
ربنا يكرمك يوفقك يارب

في رعاية الله

انصاف_العراق يقول...

هاي علي على فكره انا مش اول مره ازور مدونتك الجميله لاني من معجبه جدا بصوتك واحساسك الجميل وانا معاك بانك تعمل حفله لنفسك لانك قدها ومستنيه كل جديد منك لانك انسان موهوب بالفعل يالتوفيق.

انصاف_العراق