السبت، يونيو 21، 2008

وجوه باقابلها ,,,وحاجات تانية

و كأنه نسي ان الله قد اوقف الوحي منذ ان بعث سيدنا محمد"صلى الله عليه و سلم"رسولا
و كانه قد قرر ان يكون من الذين لا ينطقون عن الهوى
اتكلم عن من يظن نفسه مثاليا لايخطئ
اتعجب عندما اراه ينظر بإعجاب شديد لنفسه و هو يفعل اي شئ
انه لا ينصح احدا كيف يتصرف
بل يقوم بأشياء امام اعين مرؤوسيه و هو متأكد كل التأكد انه في مدرسة الحياة قد اصبح عالما و بروفيسير
مجرد ان تكون معه فأنت في نعيم علم الحياة
مجرد ان تكون بجواره فهو شرف قد منحك الله اياه و يجب ان تظل شاكرا الله على هذه النعمة
و كيف لا يفعل هذا
و نظرات الانبهار الزائف و الاندهاش المستمر الكاذب من مرؤوسيه تلاحقه اينما غدا او جاء
انا لن استغرب لو وجدتهم واقفين على باب الحمام ينتظرون انتهاء سيادته من قضاء حاجته
و كانهم يريدون ان يروا مهارته في عمل البي بي
و كانه سوف يخرج جواهر و احجار كريمة بدلا من الكاكا
مقرف انا؟؟؟
معلش اصلي هاطرشق
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بدون مقدمات
الم رهيب في كل جسمي
بقع حمراء منتشرة
أكلان و كانى بقيت جربان
و المضحك انى كنت بايت عند واحد صاحبي
سخونية ترتفع و تنخفض بدون مبرر
تليفون امى في الصباح
احكيلها ما امر به
لم هدومك و تعالى يا على
دي اعراض حصبة
انزل بورسعيد ليؤكد دكتور الحميات ما قالته امى
اجازة و عزل بالمنزل 15 يوم
تليفون من مديري
انت معندكش رصيد مرضي يكفيك
انت موظف مؤقت و اللي هاتغيبه هايتخصم من مرتبك
كل هذا يتراص في ذهنى و انا اعد حقيبتي منتظرا سفري خلال يومين
كان نفسي اتفسح في بورسعيد
ما عرفتش
ما بين المرض
و بين انشغال اصدقائي باعمالهم
ما عرفتش اعمل اى حاجة
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
نفسي اغنى قوي
وحشتني الحفلات
ووحشني شكل الناس و هم بيبصولى و منتظرين هاقول ايه
وحشني صوتى قوي

هناك 11 تعليقًا:

maha يقول...

سلام عليك يا علي
الف سلامة عليك ان شاء الله تبقي احسن و ترجع تغني من تاني ..
هو ليه في ناس بتحس انها فوق البشر و ليه فيه ناس تانية بتحس انها اتخلقت لخدمه الانسان ده ؟؟؟؟
نوعيات ناس بنقابلها و للاسف منها كتير موجود دلوقتي ..مشكلة لو كان النوعية دي مفروضة علينا في شغلنا لكن ..المهم منتحولش في يوم لاحد النوعين
...
الف سلامة عليك مرة تانية و طمن عليك قريب و مستنيين اغنية جديدة والحفلة الجاية :)
سلام
مها

فوكيره يقول...

حــمد لله على السلامه يا علي ...

ان شــاء الله الاجازه الجـايه تكون احسن من دي شويتين تلاته

:) ويا سيدى غني :))

ba7re يقول...

ازيك يا على
عامل ايه يا ولدى
وحشتنى ياض

mero-moory يقول...

السلام عليكم ورحمة الله وبركاته

مالك ياعلي في ايه

ألف سلامه عليك ربنا يشفيك ويعافيك يارب

في حاجه عايزة أطلبها منك بس لما تقوم بالسلامة ان شاء الله

ربنا يكرمك يارب :)

mero-moory يقول...

السلام عليكم ورحمة الله وبركاته
علي ممكن لما ربنا يشفيك وتقوم بالسلامة يارب ويعافيك تدخل بس على مدونتي وتعرفني ميعاد وجودك او سيب رد هنا لاني عايزة اخد رأيك بموضوع واتمنى يعجبك

في رعاية الله

mero-moory يقول...

السلام عليكم ورحمة الله وبركاته
لا كده انا هتحول عموما كده كده التعليق بينزل باشرافك كنت عايزة اخد رايك في حاجه بتتكلم عن أصحاب بجد وتقولي تنفع تتلحن ولا لاء وعايزة استاذنك انزل اغانيك في موقعنا لو موش يضايقك وفي مواقع تانيه

لو موش راضي عادي والله موش هزعل المهم حضرتك ربنا يوفقك وبس

والف سلامة عليك مرة تانيه

في رعاية الله

عايش ولكن يقول...

الف سلامه يا على
معليش بقا اول زياره لمدونتك لقيتك تعبان
فى نوعيات بشر بتبقى الكبر والتفاخر والعزه بالنفس ذياده عندهم شويتين
وشايفين ان كل البشر مبيفهموش وهما بس الى دماغهم شغاله
اهم حاجه تعرف تتعامل مع كل النوعيات

بجد البلوج بتاعك عجبنى

تحياتى
علاء

ربع ضارب يقول...

اولا انا بيعجبنى اوى ذوقك فى اختيار الاغانى الموجودة فى المدونة وخصوصا اغنية انغام
ثانيااللى انت وصفته ده هو النفاق بعينه وللاسف منتشر اوى اليومين دول
ثالثا الف سلامة عليك وعايزين ديمن نسمعك وعلى صوتك بالغونه

وينكى يقول...

الف سلامه عليك يا لول
وبما انك خفيت خلاص فاهاقول الف حمد لله ع السلامه
حصبه تفوف ولا حد يموت
انا عرفت دلوقتى هى جتلك منين
P:
احنا كمان وحشنا صوتك ونفسي نحضرلك حفله قريبه ان شاء الله
وبالنسبة للشخص الحليوه اللى اتكلمت عليه فى الاول
عادى.. واحد منفوخ ع الفاضى
فضيه بشكة دبوس

أحمد عيسي يقول...

مبروك ياعلوة
http://l7zat.blogspot.com/2008/07/blog-post_27.html

maryooom يقول...

هو مين ده بقي اللي انت بتتكلم عنه
المهم
انا كان عندي نفس الاعراض وكتبت عن الموضوع بس جدري بقي الف سلامه عليك ويارب تكون بخير