يعني ايه طبيب نفسي؟؟
السؤال غبي شوية؟؟شويتين؟؟طب بلاش شتيمة و استنوا معايا و اصبروا شوية و حاولوا تفكروا معايا
يعني ايه طبيب نفسي؟
و ايه اللي يخليك تروح له اساسا؟
هل هو زي مانا باتخيله حلال العقد اللي بمجرد ما هاروح له هلاقي حل لكل القرف اللي باشوفه و يكون السبب في اني هاتخلص من الحالة اللي بتيجي ساعات و تخليني اسيب دقني و ماخرجش من البيت و بابقى نفسي اتكلم مع أي حد وافضفض له وفي نفس الوقت مش طايق ابص في خلقة أي حد
و للا هو صديق بالفلوس تقعد تشكي همك قدامه و هو يعمل انه مركز معاك و في الاخر انت بتكع دم قلبك و اهو رزق الهبل؟
وللا هو راجل تروح له عشان ترمي قدامه كام كلمة و في الاخر يكتب لك شوية ادوية تدوخ و تجيب صداع و تشيل الصداع و لا بتاثر فيك
و هو فعلا فيه حد يقدر يفهم اللي جواك و يتصرف معاك بشكل ممكن يغير حاجات كتير في حياتك؟و يكون امين على سرك و يتعاطف معاك و يشد عليك و حاجات كتير من ده؟
انا مش من الجهلة اللي مش بيآمنوا بالطب النفسي لكن انا مش مصدق انه موجود في حياتنا الشخص اللي بيمارسه صح
و لو كان موجود يا ريت حد يكلمه عني و يوصيه عليا و يديني رقمه عشان نفسي اتكلم شوية معاه في حاجات تخصني و مالكوش بيها أي دعوة
هلوسة مش كدة؟؟معلهش استحملوني الايام دي
السؤال غبي شوية؟؟شويتين؟؟طب بلاش شتيمة و استنوا معايا و اصبروا شوية و حاولوا تفكروا معايا
يعني ايه طبيب نفسي؟
و ايه اللي يخليك تروح له اساسا؟
هل هو زي مانا باتخيله حلال العقد اللي بمجرد ما هاروح له هلاقي حل لكل القرف اللي باشوفه و يكون السبب في اني هاتخلص من الحالة اللي بتيجي ساعات و تخليني اسيب دقني و ماخرجش من البيت و بابقى نفسي اتكلم مع أي حد وافضفض له وفي نفس الوقت مش طايق ابص في خلقة أي حد
و للا هو صديق بالفلوس تقعد تشكي همك قدامه و هو يعمل انه مركز معاك و في الاخر انت بتكع دم قلبك و اهو رزق الهبل؟
وللا هو راجل تروح له عشان ترمي قدامه كام كلمة و في الاخر يكتب لك شوية ادوية تدوخ و تجيب صداع و تشيل الصداع و لا بتاثر فيك
و هو فعلا فيه حد يقدر يفهم اللي جواك و يتصرف معاك بشكل ممكن يغير حاجات كتير في حياتك؟و يكون امين على سرك و يتعاطف معاك و يشد عليك و حاجات كتير من ده؟
انا مش من الجهلة اللي مش بيآمنوا بالطب النفسي لكن انا مش مصدق انه موجود في حياتنا الشخص اللي بيمارسه صح
و لو كان موجود يا ريت حد يكلمه عني و يوصيه عليا و يديني رقمه عشان نفسي اتكلم شوية معاه في حاجات تخصني و مالكوش بيها أي دعوة
هلوسة مش كدة؟؟معلهش استحملوني الايام دي
هناك ٤ تعليقات:
أولا أنا إتشرفت بيك جدا، أنا شاعر عاميه و عرفت مدونتك عن طريق هيستيريا
و بما إنى طالب طب و لاسع شويه برضه أقدر أقولك إن فى مصر دلوقتى مدرستين للطب النفسى
الأول بتاعت أحمد عكاشه اللى بتعتبر المريض مجرد حاله زيه زى اللى رجله مكسوره و دول علاجهم كيميائى فقط
التانيه بتاعت الدكتور الأديب صديق نجيب محفوظ الدكتور يحى الرخاوى و تلامذته و اللى بتعتبر المريض كيان متكامل و دول بيستخدموا جلسات التحليل النفسى و العلاج الجماعى اللى هو من أنجح طرق العلاج بالإضافه إلى الأدويه فى أضيق الحدود
أما بالنسبه لفكرتك عن الطبيب النفسى فالمحترم منهم بيكون لك زى صاحب بجد و عشان عنده خبره و علم بعرف إمتى و إزاى يشد عليك و إمتى و ازاى يرخى الحبل
فى الأخر أنا بشوف إن اللى يحس إنه تعبان نفسيا و مايروحش لدكتور (تعبان بجد يعنى أكتر من شهر فى الحاله) بيكون مقصر جدا فى حق نفسه و هيتحاسب على ده
أحلى سلاااااااااام
على
أنا معاك فى إحساسك الواضح بالإكتأب و يمكن ده علشان إحنا شويه طاقه مننا بنحس بالحاجات زياده شويه و أوقات كتير بيطلع من عينينا موجات تحت الحمراء فبنشوف ورا اللى بيحصل بس يمكن أنا ماعنديش رد للكلام غير إنك تتمسك بفمك لو إنت حاسس بيه بجد و حاسس إن هو اللى بيعبر عنك بصدق إتمسك بيه قوى و على قد ماتقدر حط نفسك جواه أنا بيتهيألى هى دى الحاجه الوحيده اللى ممكن تبقى هى سلوتك
على
ده هيخلينى أقول لك خلى مدونتك مرايه لفنك زى ما هى مرايه ليك كبنى آدم فين لينكات أغانيك المفروض إنك تتعامل مع على الألفى على إعتبار إنه فنان و مهم كمان
سلام يا صحبى
والله العظيم اللي احلى و اقوى من اي علاج نفسي هو الدعم و الكلام اللي انا شايفه منكم بجد
شكرا جدا ليكو
و بالنسبة للينكات ف عندي مشكلة في النت هاتتصلح قريب جدا و يا رب بعد كل ده تعجبكم الحاجة اللي هاتنزل
هيثم كل يوم بحس اني كان لازم نتعرف و بجد انا فرحان اني عرفتك و انت يا ابو حميد اتشرفت بيك جدا و يا رب نتقابل على الف خير
إرسال تعليق