الثلاثاء، يناير ١٦، ٢٠٠٧

المدونة في خطر




يا لاااااااااااااااهوي

اكتشفت يا ناس ان فيه مدونة تانية اسمها تفاصيل
و يمكن اقدم مني
و يمكن اجدد مني
مش عارف
و مش عارف كمان اعمل ايه
ممكن تفكروا معايا
هو عامل حروف الكلمة مختلفة عني
Tafassel
وانا عامل
Tafaseel
بس لما عملت بحث بالجوجل عن كلمة تفاصيل
لاقيته بيوصل ع المدونة التانية
اه عارف ان المدونتين مختلفين جدا لأبعد حد
هو مدونة سياسية بحتة
وأنا مدونتي بتتكلم في كل حاجة تخصني و من جوايا
بس ممكن تقترحوا عليا
أغيّر اسم المدونة؟
بس انا متعلق بيه جدا
وللا ازوّد ع الاسم حاجة تانية
و للا اعمل ايه
دلوني يا عزوتي

هناك ١١ تعليقًا:

غير معرف يقول...

خليك انت زي مانت ولو عايز هوه يغير يبقى يغير وبعدين وماله يعنى ان يبقى فيه توارد خواطر
على فكره انا رديت عليك على اد مافهمت على قدي يعنى.

علي الالفي يقول...

يا برنس تنور في اي لحظة
و انت نورت البلوج و مستنيييييييييييك تنور كل المواضيع و مدونتك حلوة قوي

Memo يقول...

تخيل ان انا كنت بكلموا كل دا على انو انت

Unknown يقول...

ممكن تخليه تفاصيلى
او تفاصيل ملامحى
تفاصيل حياتى
أو جوايا
او كلامى
او من الداخل
فى حاجات كتير اوى ممكن تعبر عن روح مدونتك
وطبعا لو عاوز تسيبه زى ماهو ده اختيارك طبعا وانت حر فيه

مدونتك جميلة اوى
تحياتى

غير معرف يقول...

بص يا على
صاحبة مدونة تفاصيل التانيه هى أسماء على
واحده من الناشطين فى حركة كفايه
ولو تفتكر القلق اللى كان حاصل فى مايو اللى فات أيام محاكمة القضاه والذى منه
هى كانت واحده من المعتقلين ساعتها
أنا اعرف أسماء من مده طويله كبلوجر
وانا عرفتك اول مره لما كنت باعمل سيرتش عنها ولقيت مدونتك قدامى
بس ما وقفتش ساعتها
ممكن تسمى مدونتك تفاصيل على الألفى
لأنها هى تفاصيل سمسمه
عيش حياتك وقول رأيك النهائى على مهل

malish_da3wa يقول...

تفاصيل عبقريه
بس مين اسماء اللي عامله قلبان دي
هو في حد اسماء يعمل كده برضه

nour يقول...

متغيرش الاسم يا بنى او اعمله تفاصيل على الالفى مفيهاش مشكلة

-- يقول...

خليها تفاصيلــ لى

واحـــد مـــــن الـنـــاس يقول...

طب ايه رأيك ياباشا
اني لحد دلوقتي
لقيت خمس مدونات اسمهم واحد من الناس
انا مغيرتش حاجة
ومش شايف انها مشكلة في الاساس

سيبها زي ما هيا

Dalia Ziada يقول...

على الجميل الأول أزيك, ثانيا كان نفسي موت أحضر الحفلة بتاعتك بس للأسف أنا عرفتك بعد و عرفت مونتك بعد ميعادها

شوف يا سيدي, أنا بصراحة ما كانش عاجبني اسم تفاصيل ده خالص و بعيد جدا عن موود المدونة كمان

فأيه رأيك - و ده مجرد أقتراح - أنك تسميها "أحلام فنان" بالمناسبة ده عنوان سيناريو من تأليفي لسه ما شافش النور بس على الأقل أنا بعتز بيه جدا وأفتكر لو خليت ده عنوان مدونتك هتكون أقرب كتير للمحتوى اللي انت عاوز توصله

تحياتي مرة تانية و ربنا يوفقك و بجد كان نفسي أحضر :( الحفلة

Mahmoud يقول...

أنا كنت معدي.. قلت أحمل الملف واسمعك وأقول رأيي..
رأيي تغير لتفاصيل على الألفي..

تحياتي