الخميس، فبراير 15، 2007

طارق جه يا رجالة

طارق جه يا رجالة
النهاردة زي ما كلكم عارفين كان فيه حفلة في مدونة وينكي بمناسبة عيد ميلاد الواد روكا
و كت معزوم انا فيها و الناس مستنيين
بس انا مارحتش
عارفين ليه
اصل اللي احنا كنا هانحتفل بيه كان في الطريق ليا
و روكا جه بورسعيييد يا رجاااااااااااااااالة
الدنيا النهاردة كانت بتشتي و الشوارع غرقانة و ده فعلا لحسن حظ الواد
انتو عارفين اصل بورسعيد بتبقى زي العسل في المطر
بحس انها بتتشاقى و بتبقى زي العسل
طب عايزين جنان اكتر
انا اخدت الواد و طلعنا نتمشى ع البحر
اه والله ع البحر جنب المية عدل
و فرجت الواد الشوارع و الناس و نزلت بيه قلب البلد و وديته التجاري
بس عارفين الاحلى
القلب اللي انا اكتشفته في الواد طارق
إيه البراءة و الطفولة و الرجولة و الجدعنة اللي مجتمعين في قلب الواد ده
كان نفسي جدا اليوم يكمل و نروح بورفؤاد و اوريه احلى اماكن في الدنيا بس الباشا كان عنده مواعيد في القاهرة و اطضر يسافر
انا بجد فوحان جدا
و اليوم ما كانش ناقصه غير اننا نتصور أي حاجة للذكرى
و ده للأسف ماحصلش
بس انا شخصيا مبسوط جدا انه جالي
و مستني جدا ان كلكم كلكم كلكم تنوروا بورسعيد

هناك 10 تعليقات:

karakib يقول...

الشعور بتاع أنك تتمشي بلا وجهه مع حد بتحبه
لا يستبدل بأي شعور أخر

وينكى يقول...

هااااااااااى على
كل سنه وانت طيب
معلش بقى...ان شاء الله تتعوض فى حفله تانيه
وان كنت بجد عاوزه اشوفكوا يوميها
يابختكوا...انا باعشق المطر والبحر
شكله كان يوم تحفه
عموما ملحوقه...مين عارف..ممكن ربنا يوفقنى كده وازوغ يوم اقضيه معاكو فى بورسعيد
دعواتك انت بس

الوردة السوداء يقول...

مممممممممممممم
عال عال

على فكرة انا متغاظة
مش عارفة ليه

ماعلينا
المهم
انا كنت عايزة اقولك ان صورة القلب اللى انت حاتطها بجد وحشة جدا
وتقبض
وتخوف

nour يقول...

كل سنه و طارق طيييييب
ويا ريت حضرتك تيجى القاهرة بقى انت يا بنى حظك معايا عجيب مش عارف ايه اللى طلعلى يوم التلات اللى كانت فيه حفلتك و خلانى مجيش
المهم الحفلة اللى جايه امتى و يارب تكون فى الدراسه علشان اعرف اكون متواجده

nour يقول...

على انا نسيت اقولك
انا هحط اغنيتك وحشانى كتير على البلوج بتاعى بعد اذنك و مش هقبل رفض
انا بحب الاغنية دى اوىىىى
لما بسمعها بحس انى عايزة اعيط
انت مرتبط يا على؟؟؟:))))))))))))))))))))))))))

nour يقول...

معلش يا على انا زهقتك:))))
يا معلم انا عايزة الايميل بتاعك انت مش كاتبه فى البروفيل ليه
المهم ده ايميلى انا بقى
ضيفنى
banoota_3abita@hotmail.com
no_one_in_life@yahoo.com

raspoutine يقول...

اوعدك اول ما انوى اروح بورسعيد هبقى اقولك انا فعلا بحب بورسعيد

انا هضيفك عندى فى المدونه
ده بعد اذنك يا باشا

علي الألفي يقول...

يا جماعة اوعوا تستاذنوا تاني
انتو خلاص بقيتوا اصحابي القريبين
و ده معناه مفيش استئذان
و بالنسبة لسؤال الارتبااااط
انا مش مرتبط و مش ناوي

علي الألفي يقول...

يا جماعة اوعوا تستاذنوا تاني
انتو خلاص بقيتوا اصحابي القريبين
و ده معناه مفيش استئذان
و بالنسبة لسؤال الارتبااااط
انا مش مرتبط و مش ناوي

علي الألفي يقول...

وانا اسف للوردة السودة لو كانت الصورة ضايقتها
بس هي اللي عبرت عني احسن تعبير