السبت، فبراير ١٧، ٢٠٠٧

اهو تاج و خلااااص

كنت انا قررت اني عمرى ما هارد على أي تاج يجيلي و اني هاعمل و لا حاسس بيه
و برغم كدة صديقي اللدود و اخته و ناس تانية بعتوا التاج ليا و انا كنت مطنش
بس دلوقتي حاسس اني قادر اتكلم و احكي
اقروا و اعرفوني و حاولوا تتتعاطفوا معاياااااااااااااااااااااااااااااا

س:ايه اللي هايحصل لايميلك لما تموت؟؟؟؟؟؟

ايه السؤال الغلس ده؟؟؟؟؟
اكيد هايموت معايا
اللي مسجلينني عندهم في المسنجر اما هايعيطوا كل ما يدخلوا اون لاين
او هايمسجوه و خلاص
س:اديت الباسوورد لحد قبل كدة؟؟؟؟
لا و مستحيل اني اثق في حد للدرجة دي
س:لو كانت اه طبيعة علاقتك بيه ايه؟؟؟؟؟؟؟؟
اقرا اللي فوق
س:اسمك
علي وهبة علي الالفي
س:اسم الدلع المشهور و سط اصحابك؟؟
مفيش اسم محدد بس ساعات كانوا بيقولوا كالبوظة او لولو او علوكّا زي اللمبي
و دلوقتي بيقولوا علي ابن الناس الكويسين
س:عمرك؟؟
24سنة
انا مواليد 20/5/1982
س:برجك؟؟؟
برج الثور
انا عايز اقول اني مش مصدق ان فيه حد هايقوللي ايه اللي ممكن يحصل في يومي و الكلام ده
لكن انا مصدق ان الناس المولودين في نفس الفترات من السنة ممكن تتشابه بعض مواقف منهم
س:مجال دراستك؟؟
هندسة كومبيوتر
و ربنا ما يوري حد اللي انا شوفته في التعليم ابدا
س: شخصيتك نوعها ايه؟؟
مش عارف يعني ايه السؤال ده بس هاجاوب على قد ما فهمت
انا شخص متقلب و بصراحة احيانا سلبي و سريع الاحباط
بس كمان انا شخص صريح جدا و جاد مع اصحابي لدرجة اني ممكن اكن معاهم لطخ لو خايف عليهم
س:مودك؟؟؟
غالبا كئيب لغاية ما يحصل حاجة تغيره
س:وقت فراغك بتعمل فيه ايه؟؟؟؟
انا كائن تليفيزيوني و باعشق الفرجة
لدرجة اني باحس اني محتاج اعدل ع المخرجين غلطاتهم اللي انا شايفها من وجهة نظري
كومبيوتر كومبيوتر كومبيوتر
طبعا مش برمجة و للا حاجة من اللي ليها لزمة
لا لعب و شغل جرافيك و لعب في برامج صوت
و طبعا لما بيكون فيه اصحاب باخرج معاهم
س:الاكلة المفضلة؟؟؟؟؟؟؟؟؟
يوووووووووووووه كتير جدا
بس الاهم البيتزا و المحشي و الكباب
س:الصفات اللي اخدتها من بابا؟؟؟
العصبية الشديدة و سرعة القفش
لكن انا و بابا مختلفين تماما في حاجات كتير منها اسلوبنا في معالجة الامور و انا استفدت جدا من غلطات كتير بابا عملها و ناوي ان شاء الله ما اكررهاش
لكن كمان ابويا انسان متفاني في انه يسعد اللي حواليه و انا لما باقدر اعمل كدة باعمله
س:الصفات اللي اخدتها من ماما؟؟؟؟؟
الحنية المفرطة و الاحساااس العالي
و يمكن انا كل اللي بيسمعني اغني بيسال فيه حد في عيلتي بيغني
و للاسف مفيش
لكن اقدر اقول ان الاحساس اللي انا اخدنه في الغنا واخده كله من امي
كمان امي انسانة راقية جدا في تصرفاتها و نهمة للثقافة
س:اكتر6حاجات بتكرهها؟؟
اللي يكون بجح و يغلط و يكابر
السجاير و اللي بيشربوها
الظلم
قهر الرجال
الكدب و البجاحة في الكدب
اللي مايكونش عنده استعداد للتحاور و ينهي أي مناقشة بقرار من طرفه
الزحمة و الدوشة و الصوت العالي
و القذارة اللي بتبقى جو نفوس الناس و الغدر
المصارعة و افلام الرعب
س:اكتر6حاجات بتحبها؟؟؟؟
الغناااااااااااااااااء
الاكل و للاسف اني مش باكل عشان اعيش........لا انا باكل عشان باحب الاكل في حد ذاته
الصداقة اللي بجد لاني مش بلاقيها كتير
التقدير و مراعاة الشعور
الهدوم لاني مابلاقيش مقاسي اساسا و بيبقى يوم الشوبينج يوم نكد عليا و ع اللي
جابوني
النجاح لانه برضو مش كتير في حياتي
المزيكا بمعظم انواعها
س:الشغل بالنسبة لك؟؟؟؟؟؟؟؟؟
هو تحقيق الذات و تحقيق الاستقلال عن كل قيودك القديمة و استبدالها بقيود جديدة بس ليها قيمة
س:السفر؟؟؟
كان بيبقى احلى حلم ليا
لكن لما اتكرر بقى بيضايقني و خصوصا لما باسافر لوحدي باحس اني قلبي مقبوض
و بقى فيه شعور جديد عندي
اني هاموت على طريق السفر و ده بيرعبني جدا و انا مسافر
س: هل لديك اقوال اخرى؟؟؟؟؟؟؟
انا مارضيتش اني اقول في سؤال اكتر حاجات باحبهم
قد ايه انا باحب ربنا
و الله بجد انا مفتاحي في العبادة هو اني باحب ربنا جدا و لما باعصاه باكل نفسي مش عشان حاجة غير اني باغضبه و انا و الله باحبه جدا
حاجات تانية نفسي اقولها
انا بجد باخاف قوي من بكرة و من الناس و من الدنيا و من الفيران

يا جماعة في بوستين مهمين جدا عندي تحت

اقروهم


هناك ٩ تعليقات:

Ahmed EIssa يقول...

انا عارف غلاوتي عندك يابني..عيب ابعاتلك تاج ومتردش..

ان شاء الله ربنا يوفقك بشغل وساعتها بقي يبقي لي الحلاوة

عايز بقي اقكرك بنقطة انت كاتبها
انا شخص صريح جدا و جاد مع اصحابي لدرجة اني ممكن اكن معاهم لطخ لو خايف عليهم
مش بيفكرك بحد الكلمة ده ياعلي

vision يقول...

احلى حاجه فالموضوع انك البلوج بتاعك مدلع الىبيدخلوه وبتسمعهم اغانى جامده عجبتنى المدونه بتاعتك بعض الحاجات لأنى بصراحه مشوفتهاش كامله...اجابتك صريحه وكويسه ربنا يحميللك صوتك احلى حاجه فالدنيا انك تتعرف تعبر عن الى جواك بالغنا ومتقولش عليا فقيعه ولا بمثل بس انا ههديللك اغنيه بعشقها اغنية منير على صوتك بالغنا اهديللك كلماتها لو مبتحبش منير تمام يلاا سلاام

زحل الفلكي يقول...

ايه يا واد يا علوة الحلاوة دي

تاج جميل واديك اخيراً بقيت من اصحاب السلطانية

اجاباتك كلها مباشرة وصريحة

على فكره كنت عايز اقولك اني حملت الكليب المجمع بتاع ستيب باي ستيب

جامد يابني والله

مصر هى أمى يقول...

على اول مرة ازورك
مدونة حلوة اوى واجاباتك جميلة
هجيلك تانى ان شاء الله

علي الالفي يقول...

تنور جدا و شكرا يا نوفا
و للكاميرا جيرل
وانت عارف يا احمد ساعات بيبقى الواحد مش متحمل ختى الكلام اللي في مصلحته

أحمد يقول...
أزال المؤلف هذا التعليق.
أحمد يقول...

عارف لما كنت بفتح المدونة بتاعتك و الاقيك حاطط أغانيك , بحط السماعة على ودنى بسرعة عشان أستمتع بصوتك أكتر .. صوتك حكاية رقيقة بتتحكى على ضفاف نهر خالد فى حديقة غناء بفطرتها .

raspoutine يقول...

خليها على الله يا على وان شاء الله كل حاجه هتتحل ربنا جعل الدنيا كلها ما بين حرفين الكاف والنون
كن فيكون
ادعى ربنا واخلص فى العباده هتلاقى الدنيا بين اديك
وربنا معاك ويوفقك ويوفق امه محمد سيد المرسلين

ايمن فاروق

الكلام نوعان :كلام فارغ وكلام مليان كلام فارغ يقول...

تاج جميل اوى يا علي بس انت هربت من
اكتر خمس حاجات محدش يعرفها عنك
وعلى فكره انا زعلانه منك جدااااااااااااااااااااااا من يوم ما عرفت ان البلوج ده بتاعي انا وانت مش بتعلق ليه....معرفش
اتمنى انى اشوفك عندي ماهو ياما انا كتاباتى مابتعجبكش ياما بقى مكبر دماغك منى