الاثنين، أبريل 02، 2007

و تضيع منى كل ما لقيتك








عمرى ما فكرت ازاى ألخص علاقتي بحد و لو فكرت انى احكى عن علاقتى باي حد



عمرى ما هاقر اوصف علاقتى بأحمد شلبي و لا هاقول ازاى اتقابلنا



بس هو بمنتى السهولة قدر



احمد انسان ربنا اعطاه موهبة في انه يعبر عن اي شئ
و اي شئ تحسه
من غير ماتشرحه تلاقيه جايبه في ورقة و بيقوللك اسمع كدة
عملها معايا كتير و عملها مع ناس تانية
احساس عبقري انك تلاقي حد كاتبك في غنوة
صدقونى بالاقيني باحب نفسي جدا
و بلاقيني على لسانى سؤال
هو ده انا بجد؟
و لما الاقيه بيوصف احساس جوايا حتى ما اتكلمتش عنه بمنتهى الدقة
و لو كنت انا قاعد ارغى فيه ايام ماكنتش هالاقي الكلام اللي يسعفنى انى اوصف اللي عايزه
المهم
النهاردة كان بيني و بين احمد مكالمة ماسنجرية
باقول له
احمد انا سجلت حبيتك تانسيت النوم
و قفلنا لانه كان في الشغل
بعد ساعة
لاقيته بيقوللى
لول
ادخل عندى ع المدونة كاتب حاجة جديدة
و دخلت لاقيته كاتب عنى
و كاتب كلام بيلخص فيه ازاى اتقابلنا و ازاى بنقعد سوا
و ازاى اتجمعنا على حاجات كتيرة
و كاتب عنى
كلام مش عارف اقول انه فيا
بس بجد ظبطني جدا نفسيا
انا اخدت كلامه و حطيته هنا عشان اتفشخر بيه طول عمرى



حتى اخدت منه العنوان







من الجميل أن يكون لديك صديق ذو صوت جميل , ومن الأجمل ان يكون لديك ميل لطبقة معينة من الصوت والأحساس فتجد صديقك يمتلك تلك الطبقة ونفس الأحساس , والأكثر جمالا عندما تطلب من صديقك غنوة لمطرب تحبه فيغنيها كما توقعت أن تسمعها , والأكثر والأروع عندما يكون لديك ميل للكتابة وتجد صديقك يبدأ فى تلحين وغناء ما تكتبه وتضعه فى جيبك ,, وهذا ما حدث مع صديقى المطرب الجميل على الألفى فقد تعرفت عليه عن طريق صديقة وفنانة جميلة عرفتنا على بعض ثم سابتنا لبعض فاتصحابنا على بعض فاكتشفنا بعض وعليه اشتغلنا مع بعض ولهذا فكل ما انتجناه من أغانى أو أمسيات شعرية غنائية كان نتاج تجربة ما وأحاسيس مشتركة
ومن أكثر الأغانى التى كنت أطلبها من
على الألفى فى سهراتنا الدائمة على شاطئ البحر , أو لقائتنا المتكررة مع أصدقائنا من محبى صوت على غنوة فيروز الجميلة حبيتك تانسيت النوم , وغالبا على قرر انه يستريح منى فسجلها التسجيل الجميل ده
حبيتك تانسيت النوم
بصوت على الألفى



احمد يا شلبي
ربنا ما يحرمناش من بعض
و على فكرة استنوا قريب خبر حلو عني
و على ماتسمعوا الخبر الحلو
اسمعوا حبيتك تانسيت النوم

هناك 19 تعليقًا:

rosealia29 يقول...

بجد ربنا ما يحرمكووش من بعض .. و تفضلوا مزيج الإبداع الحصري - إللي مش هايتكرر تاني - ..


دمتم ..

hamasat يقول...

العزيز علي
ما كنتش اعرف انك بتغني بس الحقيقه استمتعت جدا بحلاوة صوتك وجميل جدا ومن النادر انك تلاقي انسان يفهمك ويقرآك من غير ما تتكلمربنا يسعدكم ببعض دايما ويديم محبتكم وتطربونا بكلمات جميله مع الصوت الجميل دا

hesterua يقول...

يا عم على مش عارف اقولك ايه بجد

ربنا يقدرنى واكون قد الكلام اللى بقلهولك

وهقولك زى ما بقولك دايما انا واحد هاوى وبحب التجريب لكن انت محترف بجد ما شاء الله وتستحق تتحط فى مكانة جميلة جدا

مش عارف اقولك ايه يا صاحبى

بس اهم حاجة ربنا يكرمك وتشتغل فى المجال اللى بتحبه واللى انت متميز فيه

وشكرا بجد يا فنان يا جميل

Rania يقول...

ربنا يخليكوا لبعض صوتك فعلا حلو

Memo يقول...

اللهم صلي علنبي
خير اللهم اجعله خير انا فتحت لقيت صوره احمد قلت هوا فتح المدونه بتعتو على المدونه بتاعتك على اساس توسعو على نفسكو وبتاع

هيا صراحه مشاعر جميله والصوره بتاعت احمد برضه تحفه

ماشاء الله
الله اكبر يعني

Tamer Nabil يقول...

الصديق

والصداقة كنز يجب على الانسان ان يحافظ علية

ربنا يهنيكم ببعض

تحياتى

Memo يقول...

مبدئيا كدا انا اول حاجه بعملها لما بافتح المدونه عندك ادور على الاغاني الجديده و انزلها
ثانيا برضو احنا متفقين ان صوتك طحن ما شاء الله وبتجيب المقامات مظبوطه جدا ثالنل ربنا يوفقك ويسعدك وينولك اللي في بالك ادينا بندعيلك اهو بس على الله يجي بفايده
تحياتشي

أميره..من غير قصر و لا بستان و لا الشاطر حسن كمان يقول...

ربنا يخليكو لبعض
الصديق الاخ مش بيتعوض ابدا

mohammed يقول...

صوتك يا علي مش عارف أقول عليه إيه .. سمعتك في أغنية قبل كده هنا في المدونة ..
بجد انت بتغني إزاي ؟ ..
إزاااااااااااي ؟ ..

:) متشكر لكلامك الحلو عني في المدونة ، ويا ريت تشوف مدونتي الجديدة عشان يهمني رأيك
http://oscar2008.jeeran.com/

تحياتي
محمد عادل \ أوسكار

صاحب البوابــة يقول...

تحياتي لصوتك المبدع

وحب صديقك المخلص

اشكرك على زيارة مدونتي

~ Bato0ot ~ يقول...

rabna yekhlilko el sadaqa el 7elwa de
ana b3sha2 el song de awy bgd

david santos يقول...

This work is very good. thank you
have a good day

دينا فهمي يقول...

الله يا علي
صوتك جميل اوي ما شاء الله

ربنا ما يحرمكو من بعض ابدا

micheal يقول...

بجد ربنا يخليكوا لبعض و يدديم نعمه الصداقه بينكم
تحياتي لك

REEMOO يقول...

ازيك يا على
عندى ليك تاج فى اخر بوست ابقى شوفه:)

islam yousef يقول...

ربنا يخليكوا لبعض
احمد ابن حلال

كلام لوجيك يقول...

احلى حاجه لما تلاقى اللى يفهمك ويقدر يقراك
ثنائى هايل وربنا يديم عليكم المحبة
تحياتى يا فنان
واسف عالتأخير
انت عارف بقى ظروف سفري وشغلى

maha يقول...

سلام عليك يا علي
جميلة اوي صداقتكوا ربنا ميحرمكمش من بعض في زمن ندرت فيه الصداقةالحقيقية
بصراحة انا عايزة اعمل كومنت اكتر علي الاغنية مش البوست
بجد ما شاء الله
انا اول مرةاسمعك بس فعلا صوتك جميل اوي يا علي
بجد اول ما تكون فيه فرصةوهتروح تغني في ساقية الصاوي قول في بوست و انشاء الله هكون اول الحاضرين
سلام
و ربنا يوفقك
مها

توتة توتة يقول...

صوتك حلو اوي
و على فكره فعلا لايق تكونو اصحاب