الجمعة، مارس 30، 2007


و رجعنا بالتفاصييييييييييييييييييل

وسع وسع وسسسسسسسسياااااااااااااااااااااااااااااااااااااااااااع يا جدع
على الالفي رجع بالسلامة لمدونته و ناسه
بعد السلام على كل من سولت له نفسه دخول منطقتى الخاصة الخاصة و بقى من اهلى و اصحابي اولا اتفضلوا شيكولاتة من اللي فوق دي
لكن قبل الشيكولاتة و الكلام ده هاشكر ربنا سبحانه و تعالى اللي اعطانى ناس بالجمال ده يكونوا ضهر قوى ليا و ناس يشدونى وقت وقوعى في ظلام الاكتئاب و مش هقدر اقوللكم بسبب ايه و للا ايه
المهم
انا الحمد لله بقيت احسن و هاقدر اتكلم و اكمل مشواري و تفاصيلي
و مش هاعرف اوصف انا كنت بافرح قد ايه بكلمة كل واحد قدر يساعدنى
و ملحوظة لاصحاب النوايا السيئة
انا ماكنتش باعمل حركة قرعة و مستنى من وراها كلمة لا تتنحى
بس كان الالم في ضهرى وصل بيا لدرجة ان انا مش طايقه ولا طايق اتكلم وكمان كان فيه الم تانى جوايا افضل انى ما اتكلمش عنه
و اهى كانت تجربة
بس تجربة وقوفى عن التدوين كان ليها بردو خصوصيتها
انك تقعد تراقب كل حاجة حواليك و تسجل كل حاجة و تفكر فيها اكيد ليها فوايدها
.........................
عشان كدة هاتلاقوا تفاصيل كتيرة جاية في حياتي
و هاتلاقوا اخبار حلوة ان شاء الله
و هانعمل نيو لوك للمدونة و هاتلاقو الدنيا ربيع و الجو فظيع
قفل قفل قفل
و سمعونى سلام حمد الله ع السلامة لاخويا و حبيبي وابن بلدي عمرو ابن دياااااااااااااب
..............
..................
...................................
و عشان ما ارجعش ليكو بايدي فاضية
انا رجعت ليكو بهدية
اغنية مصرية
و اللى حضر الحفلة هايفتكرها
اسمها وسط البلد و الحدق فيكو يقول انا مين فيهم
الاغنية كلمات احمد حداد حفيد العظيمين فؤاد حداد و صلاح جاهين
و ألحان و توزيع احمد عاصم
و غناء اعضاء فرقة
Step by step
محمد عصمت
أريج مروان
وليد غانم
علي الالفي
على فكرة هاتلاقوا فيه مشكلة و خطا في هندسة صوت الاغنية و كلام المطربين مش كله واضح
بس اهو هدية و بصلة المحب خروف بقى
اسيبكو و يا رب تنبسطوا بالخروف...قصدي الغنوة
دوس هنا عشان تحملها

هناك 9 تعليقات:

أحمد عيسي يقول...

حمد الله ع السلامة يابن الالفي..ياربي مش لاقي حد اغلس عليهه في التعليقات من يوم مسبت المدونة بس الحمد لله رجعت
ليك عندي حفلة رجوع انما ايه بس يوم كدة اكون اجازة عشان اقعد بقي واجيب التورتة والجاتوه وكدة
ليك عندي كمان تعليق لما احمل الاغنية واسمعها يلا سلام دلوفت

metcy يقول...

al o3'nia to7fa ya 3li ,,we al far2a gamda we kolooh tamam mosh na2s 3'ir anokooh ta2ololna 3ala yoom al 7afla 3ashan nagii ba2a ,,,we 7amdellah 3ala salamtak

Mohamed A. Ghaffar يقول...

الحمد لله على السلامه

Rania يقول...

معلش معرفش كان عندك ايه
بس حمدلله على السلامة
دى اول مرة ادخل المدونه
و بعدين انا اخدت من الشيكولاته
فى مشاكل؟؟؟؟؟؟؟؟

mohammed يقول...

:) حمد الله ع السلامة يا جميل

محمد عادل \ أوسكار
http://oscarization.wordpress.com/

علي الألفي يقول...

اشكركم كلكم
و لكن بصراحة
انا غير راضي تماما عما كتبه واحد
من المدونين هنا و دعايته لروايته المخجلة عندى
و لقد مسحت رده هنا

Memo يقول...

الف حمدااله على السلامه يا على

18goosebumps يقول...

حمد لله على السلامه
هلا هلا

الغنوه دي
جامده يا على ...

ربنا يسهل وتحمل

حصان بري يقول...

بجد يا علي انا ماكنتش متوقع صوتك جامد.
بس طلع تحفه
كده من غير هندسه صوت
يابني والله احسن من 3/4 الموجودين دلوقتي
صحيح بلد حظوظ.
اعتقد اني كسبت صديق جديد
وبجد مستني لك شريط يكسر السوق .