الأحد، مارس 25، 2007

اعذرونى

لاننى قررت ان اكون انا و لن اكون غيري
و لانى قررت اما ان اقل الحق او اصمت
اذن فلأصمت
و لهذا اتخذت قراري بتجميد المدونة الى ان يحدث ما يجعل هناك مبرر لوجودها ووجودى
و لانى تعودت الا اكتب إلا عندما يكون هناك ما اريد ان اقوله
و لانى فقدت الرغبة في النطق
و الكلام
و الكتابة
اطلب منكم طلبين
ادعولى لانى امر بفترة صعبة صحيا
و ادعولى ان يصلح الله حالى
و نلتقي ان شاء الله عما قريب

هناك 13 تعليقًا:

smraa alnil يقول...

علي
استحاله تكون فقدت القدرة علي الكلام
في مليون حاجة وحاجة بتخلينانتكلم ونصرخ
مش قادر تتكلم اصرخ في مدونتك
لكن بلاش تبعد كدة
ومش في حد طلب منك انك تكون غيرك
انت وبس علي الالفي بمشاعره وقوته ومواقفه
انا مش بثبتك
انا بقول كدة من واقع معرفتي بيك
اكتب عن اي شئ
عن مشاعرك عن السياسة
عن اصحابك
عن رايك ان شالله حتي رد فعلك ناحية دبانة
لكن المدونة ليها الف مبرر ومبرر
كفاية انها عرفتنا بيك
الاول ربنا يشفيك يارب
ويديك الصحة
والف سلامة عليك
ثانيا
ربنا يصلح لك الحال يارب

mohammed يقول...

:) إيه يا عم علي الكلام ده ؟
يعني أنا بقيت من متابعين مدونتك ، فجأة ألاقي قرارك بعدم الكتابة !!!!!!!
:) الكتابة زي المية والهواء ، في حد ميقدرش يعيش من غير ما يتنفس ؟

:) أنا عارف إن القرار ده جه بسرعة أوي ، وزي ما جه بسرعة ، هيروح برضه بسرعة ، لإن مفيش حد يقدر يستغنى عن أشقائه هنا ، وأتمنى تعتبرني واحد منهم

:) في انتظار البوست الجديد ، وكل يوم هعدي أشوف إيه جديدك ، فمبتبطلش يا ريت

محمد عادل \ أوسكار
http://oscarization.wordpress.com/

Mohamed A. Ghaffar يقول...

يجدع انت انا لحقت اتابعك عشان تجمد نشاط المدونة

ربنا يلهمك ويشفيك ويسدك ويفرج همك يا رب

david santos يقول...

Hello!
Thank,s for you work and have a good weekend

karakib يقول...

be what you want
but always ... be yourself
أحترم رغبتك في أحترام كلماتك
لكن ما تتطولش

hesterua يقول...

اجمد يا عم انت

هقولك حاجة تخليك تقوم وتيجى تجرى ورايا بسكينة

انا سجلت مكتةب عليك بصوتى
عشان مننساش اللحن الجميل اللى انت عملته

ها
مستنيك

عين ضيقة يقول...

على أى حال

ربنا يرجعك بالسلامة وبحالة نفسية أحسن

وربنا معاك

maha يقول...

سلام عليك يا علي
لانك فنان حساس لازم انك تتكلم وتقول انت متضايق من ايه ...متسبش نفسك لصمت او حزن يقضي عليك
ارجع و اتكلم و قول اللي تعبك ....اجمل حاجة في التدوين انه بيخليك انسان مرتاح لانك بتتكلم عن اللي شاغلك و اللي جواك
متستسلمش للصمت ...يلا اتكلم و قول اي حاجة ان شا الله حتي ...ااااااه كبيرة و عالية
المهم انك تقول اللي جواك و لا تهتم ان كان اللي هتقوله مهم و لا لا
المهم انك تتكلم
..........
ارجع يا علي و ان شاء الله هترجع كويس

الف سلامةعليك ربا يعافيك و يعفو عنك يا رب
ربنا يوفقك و يثبتك علي الحق من دينك
سلام
مها

hamasat يقول...

عزيزي علي
ايه الحكايه انت نضح عليك صاحبك روكااا انت كتبت له قبل كدا اعقل يا طارق وانا دلوقت باقول لك اعقل كلنا بيمر علينا وعكات نفسيه وصحيه النفسي منها حاول تخرجه من مجرد دايرتك واستمع للراي الاخر وما خاب من استشار والصحي منه فحمد الله سبحانه علي كل ما قد يصيب الانسان المرض ليس بيد احد مناوانظر له من الناحيه الايجابيه امتحان من الله او تكفير بعض الذنوب واللي يخلص في الدنيا احسن من حساب الاخرهوفي النهايه يا صديقي انت شايف الدنيا مازال فيها زهوه وبريق للحزن عليها؟لكننا مادمنا عايشين فيها لازم نحاول نستمتع بها علي عيوبها ونقاتل لاصلاح ما بها من خلل واتمني انك تهزم اي محن تمر بها وتعود اقوي

زحل الفلكي يقول...

على
انت جامد
تفتكر ان ممكن حاجه تكسر قوة ايمانك بنفسك وبقدراتك

ربنا ادالنا عقل
ورزقنا التفكير

مفيش شيطان انسي
او جني

يقدر علينا لو احنا صح

شد حيلك يا علي

يا مراكبي يقول...

إجمد كده وخلي نفسك طويل .. إحنا عايزين نزيد مش نقل

ربنا يديك الصحة ويعفو عنك ويعافيك إن شاء الله

تسـنيم يقول...

للأسف أنا مش عارفة الملابسات.. لكن اعرف انك كده هتخسر في المعركة بتاعتك مادام قررت إنك تجمد خطواتك يا علي ما اهو يا تطلع لقدام يا هترجع لورا مفيش تجميد يا علي.

مايسترو السويس يقول...

حبيبي على :
بجد انا فرحان قوي انك ربنا بيكرمك ويارب دايما للامام وانت عارف انى دايما
بحب لك الخير وانى دايما كنت متفائل انك هاتبقى حاجه كبيره

بس حاسب على نفسك وحاول دايما ماتنساش علاقتك بربنا وتحافظ على اهلك واصحابك اللى بيحبوك
كلمنى لما تقرا رسالتى
محمد سعيد بتاع السويس