الاثنين، أبريل ١٦، ٢٠٠٧

هوامش من بقية الاسبوع

هوامش من بقية الاسبوع

استغلال وسخ جدا جدا لحادث مؤلم وجدته في شوارح بورسعيد من جهات مختلفة
كل ما امشي الاقي يافطة سودة لنعى ضحايا حادث الاوتوبيس
لكن القذر ان مطعم يحط اللوجو بتاعه او محل موبايلات او حزب سياسي و اهى تبقى عصفورين بحجر اعلان و دعاية و جنبهم كلمتين نستغل بيهم الناس و هم سخنين على عيالهم اللي راحوا
و بقى سهل انكوا تلاقوا مطاعم فلان و اللوجو منور و جنبها تنعي ابناء كلية...الخ
شركة....تعزى اهالى ....الخ
حاجة تقرف

الجمعة اللي فاتت
كان فيه معرض سوق الفن التاني اللي بينظمه موقع و منتدى
بورسعيد اونلاين وهناك اتقابلنا انا و ناس كتير قريبين من نفسي
و خصوصا مدوني بورسعيد
قابلت هناك
روزاليا و جودة و جوسي و زحل و دكتور زيفاجو و رودى و احمد عيسى
و كنا في اليوم ده بنتكلم عن حاجات كتير
لكنهم كلهم كان عندهم نفس التعليق و نفس السؤال ليا
علي انت ليه اخر كل بوست بتقول ادعولي؟؟؟!!
و حسيت ان الموضوع ده لافت قوي لنظرهم
لدرجة انا نفسي خدت بالي
بس انا باحس ان حاجات كتر في حياتي مش هايحلها غير ربنا
حاجات كتير ايه............دي كل حاجة في حياتى مش هايحلها غير ربنا
عشان كدة باحب انى اطلب من كل اللي بيحبوني انهم يدعولى و خصوصا لما باكون باعمل خطوة صعبة حبتين في حياتي
و عشان كدة....ادعووووووووووووووووووووووووووووولي

الجمعة اللي فاتت بردو
قابلت واحد صاحبي و هو مش مدون ولا حاجة بس دخل عندى و قرا اجاباتي ع التاج الشخصي
و لفت نظره ردى في السؤال عن الحاجات اللي انا اخدتها من والدى و انا يومها جاوبت ان فيه حاجات استفدتها من بابا بان فيه غلطات كتير عملها في اسلوب ادارته لحياتنا و انا مش ناوى اكررها
لاقيته فهمني غلط و جاي يقوللى انت شايل من ابوك و للا ايه
يا نهار اسود
دانا رجعت اقرا
و اكتشفت ان كلامى ممكن يمكون اتفسر بشكل غلط في دماغ أي حد بس فعلا المعنى مش كدة ابدا
انا بس كل اللي اختلفت فيه مع ابويا نقط في التعامل مع الناس
انا ابويا انسان كريم جدا و معطاء لكل اللى حواليه
بس كان مبالغ في عطاءه لناس كتير
و لما ابويا تعب مالقيناش حد منهم حوالينا و ده سبب لي عقدة وقت طويل من حياتى و خلاني عدواني مع الناس و فاقد الثقة فيهم
بس الحمد لله واحدة واحدة الموضوع اتصلح و انا كبرت و بدات احدد مين اللي يستاهل و مين لا
اتمنى ان كدة تكون الصورة وضحت

بس في الاخر عايز اقوللكم حاجة
انا الايام دى داخل على خطوة مهمة قوي و خطيرة في حياتى
و هاطلب منكم طلب جديد جدا جدا جدا
ادعووووووووووووووووووووووووووووووووووووووووووووووووووووووووووووولىىىىى

هناك ١٧ تعليقًا:

عمرو غريب يقول...

الموضوع رائع والمدونة اروع اتمني كتابة الكثير من الموضوعات

rosealia29 يقول...

هههههههه البوست بقى أساسه .. بجد ادعووووووووووولي .. و بعد كام كام كلمة من فووق كده علشان الجو ..


حاضر يا علي .. إحنا لينا بركة إلا إنت .. ربنا يوفقك و يرزقك و يكرمك من ووووووووسع .. و ما يحرمكش مننا .. قول آآآآمين ..

محمد عبد الغفار يقول...

سدد الله على طريق الحق خطاك

قلم جاف يقول...

أتمنى لك بإذن الله كل توفيق..

أرد وأعقب على الجزء الهام جداً في تدوينتك .. الأول..

أنا كملايين من المصريين شاهدت ما حدث وحزنت لثلاثة أشياء ..

الأول هو حجم الكارثة نفسه..

والثاني هو كون الإهمال مفعولاً منه فيه لا أحد يعرف فاعليه ، صدقني سيتم الصراخ في الميديا من هنا للصبح على الإهمال وسنين الإهمال دون أن تتم محاسبة أي فاعل ، ويتضح في نهاية المطاف لـ"تقفيل القصة" -مع الاعتذار لزملائي المحاسبين - أن يتم تلفيق كل كارثة للشمس والزلزال وبن لادن والعرعريت الأنتيخلي..

3-وثالثاً الاستغلال الدعائي السمج للكارثة ، وإن كنت أتوقعه ، فكل شلة في مصر أيا كان نوعها ترى أنها أهم من البشر أنفسهم ..

هذا الاستغلال حدث في حادث العبارة قبل كارثة الأتوبيس ، وعرضة لأن يحدث مرات ومرات.. وتحيا الشلة واحنا مش مهم!

خالص تقديري..

كراكيب نـهـى مـحمود يقول...

ربنا معاك يا علي انت طيب وتستاهل كل خير
بس اعقلها وتوكل

حسام مراد يقول...

ربنا معاك يا على ويوفقك

Ahmed EIssa يقول...

هو الكلمة دي متقالتش يوم الجمعة اتقالت يوم الاربعاء يوم مروحنا المستشفي بس شكلك نسيت..وعامة ياسيدي ربنا يوفقك يارب ويسددلك الخطوة اللي انت عايزها
وبالنسبة لاستغلال الحادثة فده شئ مقزز فعلا بس للاسف..ناس معندهاش دم

~ Bato0ot ~ يقول...

rabna m3ak

smraa alnil يقول...

يا ابني احنا علي طول بندعيلك

روح يا شيخ الهي ما يحرمك مني


بجد هدعيلك بظهر الغيب

انت حد طيب اوي وتستاهل كل خير

micheal يقول...

أكيد حندعيلك كلنا
أما بالنسبه لموضوع استغلال هذا الحادث المؤسف فلن أقول سوي ربنا موجود و أكيد فيه جزاء لكل واحد و كفايه كده عشان ضغط الواحد
تحياتي لك

غير معرف يقول...

يابختكوا بالتجمع الفظيع بتاعكوا
واحنا بندعيلك على طول من غير حاجه يا على
ربنا يوفقك ويكرمك يااااااااارب
وانا معاك وكل الناس
آآآآآآآآآمين

sara يقول...

ملاحظه انت فعلا ممكن تكون مش بتثق فى حد بسهوله او تجامل او تدى لحد اكتر من حقه ودى ميزه مش عيب وبالنسبه للدعوه يارب يخليك لينا ويوفقك وينجحك ويحميك ويسترك . روووووح ياشيخ اله يفتحها فى وشك ولا يحرجنى منك ابدا.

Reemo يقول...

ربنا يوفقك يارب
اعقلها وتوكل
وربنا معالك باذن الله

علي الالفي يقول...

عمرو

شكرا يا معلم انا كان نفسي اني اشارك في مدونتك بس للاسف انا بطيخة في الرياضة عموما و الكورة خصوصا
ـــــــــــــــــــــــــــــــ
اختى روزا

اهى تلاكيك و خلاص بس بذمتك ما دعيتيش؟؟
ـــــــــــــــــــــــــ
محمد عبد الغفار

و لك مثلها و زيادة
جزاك الله كل خير

علي الالفي يقول...

قلم جاف
نورت المنطقة كلها و انا فرحت قوي لما دخلت فرجة و انتظرنى دايما فيها

ــــــــــــــــــــــــــــــــــ
نهى
مش هارد عليكي
بكلمة غير مبرووووووووووووووووووووووووووك

ــــــــــــــــــــــــــــــــــ
حسام مراد
نورت يا صاحبي و شغال
ــــــــــــــــــــــــــــــــــــــ
بطوط

ربنا معانا كلنا

ـــــــــــــــــــــــــ
سمراء النيل
و الله ليكي وحشة

ـــــــــــــــــــــــــــــــــ

علي الالفي يقول...

مايكل
شكرا ع المرور يا صاحبييييييييييي

ـــــــــــــــــــــــــ
وينكي
طب مانا عملتلك تجمع مدونين اكبر و اهم
كفايةة ان انا كنت فيييييه

ــــــــــــــــــــــــــــــــ

ريمو
شكرا يا جميييييييييييييييلة

علي الالفي يقول...

احمد عيسى
انا رديت عليك في الاخر
يخرب بيت غتاتة العلاقة بيننا و اللي بتعتمد على المرازية اولا و اخيرا
ما اتاحرمش من تقل دمك يا صديقي