دا قلبي انا
Happy Valentine Day
.......................................................................
موضوع تاني
هدية الفلانتاين ليا
.......................
كنت حطيت بوست بمناسبة الفلانتاين و حطيت فيه صورة القلب المتقطع و خلاص
لكن حصلت مفاجاة النهاردة خليتني ادعله و احط بوست جديد
انتو عارفين ان كل المحبين بيجيبوا هدايا لبعض عشان الفلانتاين
بس انا الفلانتاين جاب ليا هدية و حسبي الله و نعم الوكيل
امبارح كنت باتكلم انا و امي و نصحتني ان احاول اشتغل أي حاجة كوضع مؤقت لغاية ما الاقي الشغل اللي انا نفسي فيه و اتفقنا على كدة
النهاردة صحيت على مكالمة من رقم غريب على موبايلي و اكتشفت انها من التوكيل الملاحي اللي كنت عملت فيه مقابلة شغل من شهرين و كانوا اختاروا حد غيري و فضلت انا في قايمة الانتظار
لاقيتهم بيقولوا ان فيه شركة تابعة لنفس التوكيل محتاجة موظف حسابات و تعالى حالا عشان تشوف
قمت و اتقمّعت و ضربت البدلة كل ده في10دقايق و نزلت
رحت لاقيت مدير الشركة فاكرني كويس و بيرحب بيا
و بيكلمني عن الشركة التانية اللي انا هاشتغل فيها و قعد يكلمني عن ان كل الحسابات و السيستم هناك ماشي بالكومبيوتر و ان شاء الله اشرفه واطول رقبته هناك و قعد يقول احنا اهم حاجة عندنا الاخلاق و الالتزام في الشغل
و قاللي اتفضل روح اسال عن الاستاذ فلان عشان تعرف منه طبيعة الشغل و المواعيد و عشان تستلم الشغل بكرة الصبح ان شاء الله
رحت يا اخواننا الشركة التانية الراجل استقبلني و اخد السي في و سابني حوالي ربع ساعة
قعدت في الربع ساعة فكرت في حاجات كتير قوي
قعدت افكر اول مرتب هاعمل بيه ايه و امتى هاروح لدكتور الريجيم و
و فكرت في اول حاجة هاجيبها باول قبض ليا
و فكرت في البوست اللي هاكتبهولكوا بمناسبة الشغل عشان انا عارف ان انا نكدت عليكم جدا
و فجاة رجع تاني و قطع افكاري الوردية
رجع مكفهر و سالني
حضرتك جاي و عارف الشغل هنا حسابات؟؟
فقلتله اني عارف
قاللي
و حضرتك محاسب؟؟؟
قلتله انا خريج هندسة جديد
قاللي
و خريج هندسة بيشتغل محاسب؟؟
و سابني تاني حوالي عشر دقايق
و لاقيته راجع بالسي في بيقوللي
احنا اسفين يا باشمهندس الادارة مش موافقة
و خلاص
كانت دي هدية يوم الفلانتاين ليا
عارفين الشفايف لما تتمط و الوش يتقلب ساعة لما الواحد بيبدا يعيط؟
من ساعتها و انا كدة
بس مش قادر اعيط
و لا عايز اعيط
و لا عايز اعمل حاجة
و لا كنت عايز انكد عليكو
بس كنت هاطرشق
لاقيت غنوة عجيبة قديمة عندي ع الكومبيوتر بصوت انغام
بتقول
في قلبي جرح
من الدنيا و عمايلها
و ايامي اللي ظالماني و باحايلها
كتير حاولوا يهدوني
يذلوني
يبكوني
يشوفوا الدمع في عيوني
و باضحك للي ظالمني
و تضحك ضحكتني مني
و ابات و الجرح متخبي
و لا مرة شاورت عليه
............................
....................
.............
......
...
.
للمرة الالف باطلب نفس الطلب
ادعووووولييييييييييييييييييييييييييييييييييييي
لكن حصلت مفاجاة النهاردة خليتني ادعله و احط بوست جديد
انتو عارفين ان كل المحبين بيجيبوا هدايا لبعض عشان الفلانتاين
بس انا الفلانتاين جاب ليا هدية و حسبي الله و نعم الوكيل
امبارح كنت باتكلم انا و امي و نصحتني ان احاول اشتغل أي حاجة كوضع مؤقت لغاية ما الاقي الشغل اللي انا نفسي فيه و اتفقنا على كدة
النهاردة صحيت على مكالمة من رقم غريب على موبايلي و اكتشفت انها من التوكيل الملاحي اللي كنت عملت فيه مقابلة شغل من شهرين و كانوا اختاروا حد غيري و فضلت انا في قايمة الانتظار
لاقيتهم بيقولوا ان فيه شركة تابعة لنفس التوكيل محتاجة موظف حسابات و تعالى حالا عشان تشوف
قمت و اتقمّعت و ضربت البدلة كل ده في10دقايق و نزلت
رحت لاقيت مدير الشركة فاكرني كويس و بيرحب بيا
و بيكلمني عن الشركة التانية اللي انا هاشتغل فيها و قعد يكلمني عن ان كل الحسابات و السيستم هناك ماشي بالكومبيوتر و ان شاء الله اشرفه واطول رقبته هناك و قعد يقول احنا اهم حاجة عندنا الاخلاق و الالتزام في الشغل
و قاللي اتفضل روح اسال عن الاستاذ فلان عشان تعرف منه طبيعة الشغل و المواعيد و عشان تستلم الشغل بكرة الصبح ان شاء الله
رحت يا اخواننا الشركة التانية الراجل استقبلني و اخد السي في و سابني حوالي ربع ساعة
قعدت في الربع ساعة فكرت في حاجات كتير قوي
قعدت افكر اول مرتب هاعمل بيه ايه و امتى هاروح لدكتور الريجيم و
و فكرت في اول حاجة هاجيبها باول قبض ليا
و فكرت في البوست اللي هاكتبهولكوا بمناسبة الشغل عشان انا عارف ان انا نكدت عليكم جدا
و فجاة رجع تاني و قطع افكاري الوردية
رجع مكفهر و سالني
حضرتك جاي و عارف الشغل هنا حسابات؟؟
فقلتله اني عارف
قاللي
و حضرتك محاسب؟؟؟
قلتله انا خريج هندسة جديد
قاللي
و خريج هندسة بيشتغل محاسب؟؟
و سابني تاني حوالي عشر دقايق
و لاقيته راجع بالسي في بيقوللي
احنا اسفين يا باشمهندس الادارة مش موافقة
و خلاص
كانت دي هدية يوم الفلانتاين ليا
عارفين الشفايف لما تتمط و الوش يتقلب ساعة لما الواحد بيبدا يعيط؟
من ساعتها و انا كدة
بس مش قادر اعيط
و لا عايز اعيط
و لا عايز اعمل حاجة
و لا كنت عايز انكد عليكو
بس كنت هاطرشق
لاقيت غنوة عجيبة قديمة عندي ع الكومبيوتر بصوت انغام
بتقول
في قلبي جرح
من الدنيا و عمايلها
و ايامي اللي ظالماني و باحايلها
كتير حاولوا يهدوني
يذلوني
يبكوني
يشوفوا الدمع في عيوني
و باضحك للي ظالمني
و تضحك ضحكتني مني
و ابات و الجرح متخبي
و لا مرة شاورت عليه
............................
....................
.............
......
...
.
للمرة الالف باطلب نفس الطلب
ادعووووولييييييييييييييييييييييييييييييييييييي
هناك ٩ تعليقات:
سلامة قلبك
كل لحظه وانت طيب وانشاء الله حياتك كلها تبقى حب وسعادة وخير وهنا
خالص تحياتى
دمت بالف خير
عارف يا على قلبك شبه قلبى بالظبط
كل سنه وانت طيب يا حبيبى
انا جايلك يوم الخميس
اخوك روكااااااا
أيييييييييي
دا محفور بإيه ده؟
وجعنى قوى أول ما شفته
هاتلى حاجه واحده فى الدنيا تستاهل انها تعلم كده فى الواحد
والله ماهاتلاقى
عموما كل سنه وانت طيب يا قمر
وماتنساش الحفله بتاعتى بكره الساعه12 صباحا على المدونه بتاعتى
عيد ميلاد روكا وشادى هناك
ولو سمحت
ماتدخلش وايدك فاضيه
كل سنة و إنت طيب يا علي ..
على باشا
استر عليا يسترك ربنا , اصل انا كنت بلعب فى البلوج بتاع نهى اختى ونسيت نفسى وبعتلك التعليق من عندها
انت عارف بقى الحمد لله اى حاجه ليها باسورد بحب يبقى معايا
هههههههه
روكااااااااا
علي ..انا لفيت بلاد الله خلق الله في كل محافظة اعمل مقابلات ومحدش عبرني..ميت مرة اقولك الشغل مش حيجيلك وانت قاعد وممكن تعمل 100 مقابلة ومتشتغلش..شد حيلك ومتياسش ولف ودور تاني
تؤخذ الدنيا غلابا ياعم علي بس احنا نعمل اللي علينا..ومش من اول وقعة كدة تنهار ولا ايه
على
ولا يهمك من كل اللى بيحصل ده
بكره ان شاء الله تلاقى شغل وتبقى مطرب فظيع
وتفتكر الايام دى وتقرا البلوج وتضحك قوى على الايام دى
ارجوك اوعى تنكد على نفسك او تزعل
مافيش اى حاجه تستاهل
اه على فكره
انا قلت ان الحفله هاتبقى يوم 15 فبراير الساعه12 صباحا
لقيتك داخل وبتقول الحفله فين
بجد انا اسفه جدا جدا على اللبس ده
وارجو انك تشرفنى ..النهارده..انا موجوده من بدرى
ومش هاقولك هات حاجه معاك..كفايه انت بس تيجى
اوكى
سلام عليك يا علي
اولا القلب المكسور ..ليه بس كده ؟؟؟
ثانيا الشغل
ان شاء الله ربنا يرزقك شغل احسن من كده بمراحل و هدعيلك جامد ان شاء الله ربنا يوفقك
علي فكرة مدونتك جميلة جدا و ان شاء الله احاول اروح الحفلة اللي جاية في الساقية بس يا ريت قبلها بفترة تبقي تقول علي معادها عشان اضبط اموري و اروحها ان شاء الله
سلام يا فنان
مها
و لا يهمك يا معلم شغلانه تروح يجى الف غيرها و هما اللى خسرانين انا اللى حزننى بجد ان خريج همدسة يرضى انه يشتغل محاسب حتى و هما اللى ميرضوش حسبى الله ونعم الوكيل
متقدمش فى حاجة الا التخصص بتاعك يا معلم
و اللى عاجبه عاجبه بقى
و بعدين خليك عارف انك فنااان و هتبقى فناااان كبير فى مصر
انت ليه مش بترووح شركات انتاج يا على؟؟؟؟
إرسال تعليق