الأحد، ديسمبر 03، 2006

حفلة سلمى



ممكن نستريح شويتين من الهرس و نتكلم بقى في حاجة حلوة حصلت وانا في القاهرة الحاجة دي هي حفلة اختي و صديقتي الغالية سلمى صباحي
ايوة اللي انا كنت باكلمكم عنها قبل ما اسافر
الحفلة بجد كانت حلوة قوي و يمكن احلى من حفلتها الاولى
كل شئ كان متوضب كويس
الفرقة و الصوت و حتى الشكل و المناسبة الجامدة طبعا
عيد ميلاد فيروز
حاجتين لفتوا نظري في الحفلة
حسيت ان معظم الناس اللي كانوا موجودين كانهم بيسمعوا الاغاني دي لاول مرة رغم انها غنت الاغاني المشهورة بس
و الحاجة التانية ان كان في اوتوبيس طالع من بورسعيد عشان يحضروا الحفلة و كلهم كانوا سعدا قوي بسلمى و بالساقية اللي طبعا عقدّتهم زي ما عقدتني عشان مفيش مكان زيها ولا حتى اقل منها شوية في بورسعيد

و رغم ان سلمى ما غنيتش الغنوة اللي كنا عاملينها ليها الا ان الروعة اللي كانت فيها الحفلة و اغاني فيروز كانت كفاية عشان تخلي الواحد ينسى الاغنية و الدنيا و الهرس اللي انتم بس تعرفوه
100000000000000 مبروك يا سلمى و يا رب عقبااااااااااااااااااالي
و اسيبكم مع احلى صورتين شفتهم للحفلة
و احدة للمصور االبورسعيدي الموهوب جدا وليد منتصر
و التانية للمصور الجامد جدا جدا جدا محمد عز"ميزو"

هناك 3 تعليقات:

Geronimo يقول...

وجينا الحفلة
وعلى زعلان ... زعلان ليه ؟؟؟
اصل سلمى مش هتغنى الغنوة
ياعم فوت
يا سيدي ولا يهمك
وشفنا الحفلة
وتألقت سلمى
لانها كانت بتغنى اغاني فيروز ع الطريقة المصرية
وكانت شبهنا واحنا بنغنى ياطير الوروار واحنا بنحضر الفطار
وبندندن نسم علينا الهوا واحنا واقفين ف البلكونة
وكله انبسط بجد
انه في حد مننا قادر يحقق حلم ويقول اللى على لسانا ويحس بدقات قلوبنا اللى بتحب فيروز وبترقص على اغانيها
شكرا لانك ادتني فرصة اعبر عن انبساطي بالحفلة وشكرا لسلمى اللى خلتنا نحتفل بالسيدة العظيمة فيروز اللى امتعتنا ولونت صباحتنا وامسياتنا
وكل سنة وانتي طيبة يا فيروز

مُزمُز يقول...

تحياتي يا علي


ياريت لو حطيت أي تسجيل لسلمى عشان بجد انت شوقتنا نسمع صوتها جداجداجدا

وحمدالله عالسلامة

tafaseel يقول...

جيرو
صباح الفل يا سمسم يا حاسس بيا مانت عارفة السبب
مزمز
فيه لينك تنزلي من عليه حاجات سلمى

http://www.portsaid-online.com/xmb/index.php