الخميس، ديسمبر 21، 2006

كلاكيت تاني مرة انت تخين ماينفعش تغني

لاول مرة باكرر موضوع ع المدونة بس يمكن عشان الموضوع ده شاغلني
زي ماباحب اقولكم عن حاجات كتير جوايا باحبها و ناس مهمين في حياتي اسمحولي النهاردة اتكلم عن حاجة تانيةانا
كنت حكيت لكم قبل كدة اني فتحت عينيا ع الدنيا مالقيتش نفسي باعرف حاجة غير اني اغنيو طبعا الغلس بتاع كل تدوينة بيقول دلوقت :دانت صدعتنا و قرفتنا كل شوية بتغني بتغنيو ارد عليه و اقوله ربنا يخليك ابعد عني الساعة ديالمهم طبعا لان كتير منكم ماشافنيش فاماتعرفوش الحقيقة العجيبة اللي في حياتي و هي اني تخينمش مفشول قوي بس تخينو ده اللي باصتدم بيه جدا و باتفاجئ بيه كل ماباروح اشتري هدومتقولش الدنيا ما فيهاش ابدا غير مانيكانات و موديلز ولو لاقيت البياع يطلع عيني في السعر و هو بيقول الكلمة الخالدة:معلهش يا بيه مقاسات خاصة و مش هاتلاقي في السوقكل ده مش مهم لكن اللي باصطدم بيه بجد الكلمة اللي قرتوها في العنوانانت تخين يابني ماينفعش واحد زيك يغنيروح خس الاول قبل ماتفكر تيجي هناباحس ان عماد حمدي طلع من فيلم الخطايا و غير الكلام بدل ما يقول انت لقييط بدا يقول انت تخيين اخرج من بيتيهم اللي ماسكين صناعة المزيكا في مصر مايعرفوش ان في كل بيت و عيلة في الدنيا في واحد و اتنين و عائلات كاملة كلهم تخانوللا خايفين يجرحوا نظر الناس بواحد تخين اللهم احفظنا زي ماكون جربان وللا عندي اعاقة او من المشوهينو للا هو مافيش تخان بيمشوا في الشارع و بيروحوا الجامعة و بيحبوا و بياكلوا و بيدخلوا الحمام زيهم زي أي كائن حقيقي ماشي على رجليه سواء كانت اتنين و للا اربعةو الغلس عايز يقول حاجة ّ!!!!عارف يا سيدي ان اللي عندهم اربع رجلين مابيروحوش الجامعة بس انت بتوقف الكلام عند ملحوظات رزلة زيك!!وللا هو المفروض ان التخان يتلموا في مراكز لاصحاب الاحتياجات الخاصة و يتعمل ليهم اعادة تاهيلانتو عارفين ان ده خلاني احب تخني و شكلي جدا و عامل اليوزر نيم بتاعي في كل حاجة كلبوزو ازاي في الخليج يقيموا الناس على اساس انهم مطربين جامدين و موهبتهم عالية و اللي في ايديهم صناعة المزيكا في مصر بيدوروا بس ع المزز الجامدة و الشباب اللي طالع طازة من الجيم و فاتح زراير القميص للاخريعني لو حسين الجسمي دا كان بيدور على فرصة هنا في مصر كان زماننا اتحرمنا من مطرب عبقري بقى!!!! وللا ايه؟على فكرة انا كمان مش بتاع اامان يا لالاللي و للا الاغاني اللي بتتقاس التايمرلا .....انا واحد باحب اغني الاغاني اللي كل اللي في جيلي و سني بيحبوها و على فكرة اللي فوق دي صورتي انا من غير فوتو شوب والله

هناك 6 تعليقات:

غير معرف يقول...

عايز كل الناس تعرف مدونتك
ضيف نفسك في ارشيف المدونات العربية
http://arabblogs.blogspot.com/
ارسل لنا اسم مدونتك و عنوناها و اسمك

في كومنت على

http://arabblogs.blogspot.com/2006/12/blog-post.html

ابعت نفس الرسالة دي لكل اللي تعرفهم

Geronimo يقول...

مش عارفة
بس صدقني الحل شوية إرادة
عشان تخس
و مش بقولك تخس عشان تغني
انت مطرب كويس وصوتك جميل
واحساسك عالي
وانا واثقة انك هتنجح بصورتك الحالية
ومنتاش محتاج لنيو لوك
لكن بقولك لازم تخس عشان صحتك تبقة أحسن
وسرعتك وقدرتك على الحركة
ومقاومتك للامراض تكون اعلى
وثقتك في نفسك تزيد
عارف يا علي والله
انت مش تخين قوي
يعنى مش الفظييع يعنى
انت قدامك حبة صغيرة يمكن شهرين او تلاتة تعب وتبقة مثالي
بس الإرادة
شوف ديانا كرازون بقت عاملة ازاى ؟؟
في اغنية اه بمزاجي
شوف كانت ايه وبقت ايه ؟
الاول كان شكلها ست كبيرة ومتجوزة ومخلفة وهي عندها 19 سنة
ومع ذلك نجحت انها تكون سوبر استار العرب
مع انها كانت تخينة جدا
ودلوقتي خست
ومفرقتش بالنسبة لي او لجمهورها كمطربة
بس فرقت لنفسها
لانها هتعيش سنها الحقيقي
وتلبس براحتها
وهتكون خفيفة
فاهم وجهة نظري
انت لازم تخس عشان علي
مش عشان الغنا

أجدع واحد في الشارع يقول...

يا على انت جسمك كويس
انا شفتك مرتين على الشاشة
وجسمك جميل بجد
مش تخين اوى
زى ما انت شايف نفسك
فى ايه يا عم
فك بقا
هو انت بتعمل كده
عشان تقول مش
هغنى ولا ايه ؟

وينكى يقول...

بص يابنى
اللى يقول عليك تخين وماتنفعش فى الغنا م الاخر دا بياع بطاطا مش فنان
واحد عاوز يكبش فلوس ويملا جيبه من اجسام الراقصات وميوعه شباب اليومين دول اللى فاكرينهم بيغنوا
والله انا بقيت باتفرج على الكليب من دول وانا ف نص هدومى واقول.. طب هما ليه ساكتين على نفسهم كده.. بروحوا يحللوا ويتأكدوا من نوعهم. ولا ايه؟
ليه الاعلام شايف اننا تافهين لدرجه انهم يهينونا بالحاجات اللى هما بيجيبوها دى
والله انت لو شفت .. هاتلاقى شريحه كبيره جدا من الشباب بيدوروا على الكلمه الصادقه واللحن المتميز والصوت الحلو
الشكل مطلوب اى نعم
لكن مش هو كل حاجه
انت لو نفسك تخس..يبقى تعملها عشان انت عاوز تخس..ربنا معاك وان شاء الله تلاقى فرصتك اللى بتتمناها
زى مانا باتمناها بالضبط

sama_nour يقول...

3ala fekra ba2a enta msh mehtag t5ess wala haga ana batkalem bgadd enta keda 3assool awy 3ashan enta aslan msh t5een enta shaklak mashy ma3 ba3do we law 3ayez t5ess yeb2a zay ma2alet geronimo 3ashan nafsak msh 3ashan elghona

HebA يقول...

سيبك من موضوع التخن ده
انت لو عندك موهبة فعلا هتوصل
شوف
انت الاول تحدد هدفك من الغنا وطبعا لازم يكون هدف ورسالة ترضي ربنا
وبعدين تدعي وتقول لربنا انك عايز تحقق الهدف النبيل ده من خلال غناك وهو أكيد هيساعدك
عايزة اقولك حاجة كمان
ما تركزش في اغانيك على الرومانسية وبس
من الافضل انك تنوع
عندك اغاني اجتماعية ودينية ووطنية
عشان تكون متميز
انما لو هتركز علي الرومانسي اعتقد ان دى حاجة هتساعد علي زيادة التفاهة لدى الشباب
الا لو كان الرومانسي بتاعك هادف بردوا زي تجربة (أحمد بوخاطر) في اغنية (زوجتي)
ممكن تسمعها على الرابط ده
http://www.ashefaa.com/enshad/sounds.php?mqtaa=45

وربنا يوفقك
ويعز بيك الاسلام