الاثنين، ديسمبر 04، 2006

مالحقتش ارجع..............مسافر تاني

كان دايما بيبقى اليوم اللي باروح فيه القاهرة زي ما يكون العيد
ما بيجيش نوم
و افضل اخطط هاعمل ايه
مش عارف في ايه المرة دي مش حاسس بأي حاجة اهو مسافر و خلاص
يمكن عشان لسة راجع ماكملتش اسبوعين و للا يمكن عشان السفرية اللي فاتت تعبت فيها شوية و القاهرة كانت مغلسة معايا
مش عارف
يا رب خير
المهم عايز منكم شوية حاجات عايز يافطة كبيييييييييييرة جدا مكتوب عليها مصر بترحب بيك يا علوة
و عايز fire works
و عايز بالون شووووووو و احتفالات في كل حتة
و عايز مترو انفاق رايق و مش زحمة و مفيهوش روايح من اللي انتو عارفينها
و عايز ميكروباسات مكيفة و سواقينها زوق
و عايز اتوفق في الشغل اللي رايح اعمله
و عايز ارجع منها مبسووط
بصراحة مش عايز ارجع اكتب الهرس التالت
طبعا عارف اني هاوحشكم
لي طلب اخير لاول مرة اطلبه
ادعولي

هناك 5 تعليقات:

rosealia29 يقول...

تروح و ترجع بالسلاامة .. و ربنا يوفقك يارب ترجع مبسوط و سعيد بإنجازاتك ...

في انتظار عودتك ..

shaimaa يقول...

اول ما توفروا الكلام ده عندكم
هنوفر عندنا
والله ضحكتنى لما قلت مترو فاضى و ميكروباصات مكيفة

هتنور القاهرة و ترجع بالسلامة
من غير اى هرس

ساعه الغروب يقول...

ربنا يوفقك لما فيه الخير دايما

ويا رب ترجع لنا بالسلامه من غير اى
هرس

منتظرين رجوعك وهتوحشنا

أجدع واحد في الشارع يقول...

اللى فى ايدى انى اعمله انى ادعيلك
واقولك ربنا معاك ويوفقك
بجد يا على انت فنان جامد
وبجد صوتك حلو اوى اوى
ربنا معاك يا فنان

Geronimo يقول...

بالون شو
ويافطة جلد
طب خللي بالك عشان بيقولوا .....
انه هيكون في ضريبة على كل واحد معدى من على كوبري قصر النيل
هيدفع 10 جنيه وياخد على قفاه
والنبي ياعلي وانت ف القاهرة
خد صلاح سلام ومتقربش من اسدين قصر النيل لاحسن مستحلفينلك من اخر مرة يهرسوك
اختك المطحونة في غياهب مترو الانفاااااااااق