الأحد، ديسمبر ١٧، ٢٠٠٦

والله دا انا جامد قوي

تعرفوا؟
حسيت ان رد اعتباري الحقيقي حصل لما بدا البرايم الاولاني لبرنامج ستار اكاديمي
ما كنتش فاهم ليه ما قبلونيش و لا خلوني اكمل الختبار
و كنت حاسس ان فيه حاجة غلط
و الحمد لله فهمت و عرفت و اتاكدت
انا صوتي مش نشاز عشان كدة ما اخدونيش
يومها ماكونتش فاتح القميص لحد بنطلوني و لا كنت ماشي عامل فيها نجم و لا كنت باتتنك ع الناس
و لا كنت بادخل اعمل افلام ع اللجنة
عشان كدو ما طلعتش
قشطة
طظظظظظظظظ
انا جامد غصب عنكم
و الله ما غرور ولا تنطيط
بس عرفت بجد ان انا مطرب كويس لما شفت الحفلة
بس بردو هافضل اتفرج و اتسلي بالهزار و الكلام و المشاكل المفتعلة و الهيصة
نعمل ايه فاضي بقى
و طبعا حد هايقول عشان ما اخدوهوش الواد هايطق و منفسن ع البرنامج
لا والله
بجد
يابني انا لو كنت رحت و انطبقت عليا الشروط دي كان ممكن يجرالي
و لسة قدامنا كلام
........
...
..
بس تعالوا هنا
شفتوا الحفلة كانت الابهار فيها عالي ازاي
طب شفتوا شيرين كانت جامدة ازاي

هناك ٧ تعليقات:

بعدك على بالى يقول...

لو مؤمن بموهبتك لازم قى يوم حتوصل وحتملأ الدنيا غنا، وسيبك من البرامج الهبلة دى لانها متباعه ومعروف انها سيئة السمعه

أجدع واحد في الشارع يقول...

يا على انت فنان
وكفاية ان ناس كتير اوى
سنعتك وعرفة انك فنان
يا انت صوتك بيخلى الواحد قاعد متنح
عايز اية تانى

مُزمُز يقول...

بغض النظر

كان في فعلا مواهب كويسة جدا في ستار أكاديمي وأنا شايف إن هو مستوى المتقدمين فيه زاد من الناحية الفنية

قد يكونوا ما زالوا هواة غير محترفين
وقد يكون الوقوف على المسرح أمام عدد كبير من النجوم والمتخصصين ويشاهده الملايين هو الذي سبب لهم ارتباكا كبيرا في الأداء
لا أنكر وجود عبثية في اختيار المشاركين إلى حد كبير
ولكن هناك مواهب رائعة خرجت من ستار أكاديمي
مثل جوزيف عطية وأحمد الشريف
عموما خيرها ف غيرها يا باشا

Love & Friendship,this is my life يقول...

بصراحة انا اصلا مابعترفش بان اللى فى برنامج ستار اكاديمى دول فنانين اصلا
انا ماسمعتش صوتك قبل كده بس عرفت من اللى سمعوه انه جميل جدا ما شاء الله
يبقى نصيحة من اختك لو عايز تقدم فى برنامج من دول يبقى سوبر ستار البرنامج المحترم الوحيد من وجهه نظرى

ربنا يوفقك ان شاء الله

غير معرف يقول...

بص يا ابني انت نجم وهاتفضل نجم بستار اكاديمي او من غير

غير معرف يقول...

من غير مانتهمك بالنفسنة ولا حاجة البرنامج واضح جدا انه تمثيل فى تمثيل وفى كوسة كتير وحاجات غريبة كتير وعبط كتير واللى فيه فعلا مش فنانين ولا حاجة يمكن المرة الوحيدة اللى طلعوا فيها حد عدل السنة اللى فاتت جوزيف

لكن قولى هو محمد عطية اصلا كان بيعرف يغنى ؟؟
البرنامج دة فعلا ماينفعكش لان هدف حاجة تانية خالص

ياريت تجرب سوبر ستار واتمنى لك التوفيق بجد انت فنان حلو اوى

علي الالفي يقول...

ربنا يخليكم بجد بس على فكرة مفيش فرق في الاختبارات الاولى بين سوبر ستار و ستار اكاديمي و اللي عايز يعرف اكتر يقرا الهرس الاول و التاني