الخميس، مارس ٠١، ٢٠٠٧

شكرا












في لحظات الوحدة و لحظات الياس يجمع الواحد مننا اي حاجة حلوة حصلت في حياتي و يقعد معاها


يعني يجيب البوم صور قديم او يروح مكان عزيز عليه او حتى يسترجع ذكريات قديمة ممكن تفرحه


و هو ده اللي انا عامله دلوقت


انا دلوقت باجمع كل الكلام اللي اتكتب عني ع النت و باحتفظ بيه لاني فعلا باكون محتاج قوي لكلمات الدعم الانساني


و اتفرجوا معايا




ده كان كاتبه الصديق باسم واحد بيدور على نفسه لما سمع اني عندي حفلة لانه كان بيحب يسمع واحشاني كتير دوس هنا
و ده اللي كتبه احمد عيسى صديقي اللدود و حاطط فيه صورة قديمة لينا واحنا عيال و شكلنا فيها كان عجيب حبتين دوس هنا


و ده اللي كتبته جوسي بومب فوكيرة بعد الحفلة بتاعتي دوس هنا


و ده اللي كتبته شيماء الصراحة خنقة برضو عن الحفلة دوس هنا


و ده اللي كتبته الصديقة وينكي نجمة في السما عن الحفلة و فرحتها بتجميعة المدونين في الحفلة دوس هنا


و ده اللي كتبه صديقي واخويا احمد شلبي دكتور زيفاجو عن يوم ما عملنا اغنية اللي انكسر يتطوح دوس هنا


و ده اللي كتبه موقع عشرينات عن اغنية اللي انكسر يتطوح و بجد كانت مفاجاة كبيرة قو ي ليا و اكتشفت ان اللي كاتبه الموضوع الصحفية الصديقة منى سليم و اللي عرفت منها قد ايه بتحب بورسعيد يوم ما جت تسجل معانا يوم احتفالات عيد النصر و اتفاجئت انها كاتبة عن الاغنية دوس هنا


و ده اللي كتبته الصديييييييييقة انجي سمراء النيل عننا كلنا و عن علاقتها بينا ك مدونين و ك بني ادمين دوس هنا




طبعا الشكر ممكن يبوظ جمال العمل


لكن انا باشكركم جدا و باشكر كمان اخواتي نهى كراكيب و اخوها طارق روكا و اختى روزاليا وأختي رودي و التوام فلاور و ريمي و الصديقة يارا وصديقي زحل الفلكي و ابراهيم و احمد الاماراتي و غيرهم على دعمكم ليا


و كالعادة باطلب نفس الطلب


بجد ادعووووووولييييييييييييييييييي

هناك ١٢ تعليقًا:

Ahmed EIssa يقول...

يعني وسط هوجة الشكر انيات دي مفتكرتش اخوك..صاحبك اللدود؟يااااه ده مكنش شيبسي بالنعناع يا اخي اللي طفحناه مع بعض

Ahmed EIssa يقول...

تحديث للتعليق الاخير:لا والله تمر فيك العشرة ومستجير الساعة1 بالليل..شد حيلك يابطل وربنا معاك

علي الالفي يقول...

طبعا واضح للكل اني قمت بتعديل البوست لان هناك الكثير ممن يستحق الشكر بالهبل
و ان شاء الله ليكو بوستات قريبة تانية ان شاء الله

غير معرف يقول...

احلى حاجه فى الدنيا ان الواحد يبقى محاط دايما بناس صادقين فى حبه
خصوصا لو كان يستاهل الحب ده
انت انسان جمييييييييييل جدا ياعلى
عشان كده كل الناس دى بتحبك بجد
هو الواحد كده بتيجى عليه لحظات الدنيا بتبقى غامقه فى عينه وبيحس انه وحيد
لكن دا مش صحيح
ربنا يكرمك ويوفقك ويكتر حبايبك كمان وكمان
انت كمان ادعيلى اخلص بقى على خير
سلاموز

rosealia29 يقول...

ربنا يكرمك يا علي ويوفقك إنت بجد تستاهل كل الخير ..

Mido يقول...

إزيك ياعلى؟ أنا محمد السيد..على فكرة المدونة بتاعتك حلوة مع إن أنا مش من طبعى أقول على حاجة حلوة زى مانتا عارف ... بس إنت عندك حاجات بضطرنى آسفا إنى أخالف عادتى و أقول إنها حلوة ...زى صوتك ياعلى اللى أنا مضطر أقوللك إنه رائع لانه فعلا كده و عشان مابقاش مابفهمش فى الأصوات....المهم إنى كنت بامسى عليك...وربنا يوفقك

vision يقول...

على ربى شعرك تانى انا معرفتكش ...وبالمره هات لينسز...ولا اقوللك كبر من الينسز دى النضاره القديمه اجمد ......جميل الموضوع انا بحب الحاجات دى اوى ...صباح الخير

smraa alnil يقول...

علي
انت بجد انسان رااااااااااااااااائع
اولا مش في دعي انك تشكركل الناس دي
لان الناس دي حبياك بجد ولو وقفت جنبك يبقي وقفت جنبك بجد عشان هي بتحبك
واللي بيحب بجد مش محتاج شكر من حد
هههههه فهمت حاجة
ربنا يوفقك بجد ويسعدك ويرزقك من اوسع ابوبه
هيييييييييه
انا اسمي مكتوب

ام مليكة يقول...

مممممممممممم
انا اول مرة اجي هنا بس حسيت اني باعمل نفس اللي بتعمله بالظبط لما باحس اني متضايقة باجري ادور على البوم صوري القديمة واروح اتمشى ع النيل وامشي شارع طويل افكر لوحدي في كل الناس اللي ساعدوني في حياتي ويبقى نفسي اروح اسكندرية قوي
انا عرفتك من المدونة وسمعت الاغنية وعجبتني قوي لما نزلت في ولاد البلد يلا شد حيلك

علي الالفي يقول...

يا جمعة انتو وقفتوا معايا و اسعدتوني في وقت من الاوقات و لو قعدنا نشكر من هنا للسنة الجاية مش هانوفيكم
و بالنسبة لموضوعه شعري فانا كان عندي شوية اكتئاب لوز كدة هو اللي خلاني اعمل كدة

Love & Friendship,this is my life يقول...

ربنا يوفقك يا على
انت طيب وتستاهل كل خير

محض روح يقول...

انته فعلا طيوب اوى واحساسك عالى جدا فى كل كلمه بتغنيها
وبجد ربنا يوفقك