صباح القشطة على كل الناس اللي حبونا ووقفوا جنبنا
انا طبعا عايز اقول لكم بجد ماتزعلوش مني لاني نكدت عليكم الفترة اللي فاتت
اشي اكتئاب و اشي مشاكل و حاجات تانية
و زي ما انتو استحملتوني في كل اللي فات
عايكم تشاركوني فرحتي
انا الحمد لله اشتغلت هنا في مصنع ملابس جاهزة في بورسعيد
و انشاء الله اكون بدات اول خطوة في حياتي المستقلة عمليا
طبعا الخطوة دي هاتأثر على الغنا في حياتي بس مش عارف اذا كان سلبيا او ايجابيا بس كالعادة باطلب منكم الكلب ده
بجد ادعووووووووووووووووولي
اااااااااااااااااااااااااااه نسيت اقوللكم انا نزلت هنا ع البلوج كل ايميلاتي والحاجات اللي نقدر نتواصل بيها ع النت
هاتلاقوا ايميلي ع الياهو و الهوت ميل و كمان سكاي بي
ياللا بيننا موبايلات بقى
هناك ١٦ تعليقًا:
مبروك ياباشا ع الشغل الجديد وربنا يوفقك فيه وتثبت نفسك كدة دايما
الف مبروك يا باش وربنا يكرمك كمان وكمان انشا ءالله...ربنا كبير وزى ما فى كأبه فى فرحه ويارب تكون اوقات الفلارح اكتر من الزعل عندك ..غير ان متقلقش على موضوع الغنا ده فالأول بس بعد كده انشاء الله هتلااقيك اتعودت على نظام الحياه وعرفت تخرج وقت لكل حاجه
مبروك ياعلى
يارب تقدر تعمل حياة كويسة ان شاء الله
وبعدين انت تفرح معانا وتحزن معانا
أمال ايه بيتك ومطرحك
تحياتى
ربنا يوفقك ياعلي يارب اكيد بندعيلك وحندعيلك
علي فكره انا معرفش بورسعيد ابدا مع اني مصريه بس مغتربه لكن حبيت البلد دي بسببك ربنا وفقك ويكتبلك النجاح سلامي
على
ربنا يوفقك فى شغلك
بس ياريت دة مايعطلكش عن حلمك انت يئست والا ايه
اوعى تيأس استمر ان شاء الله توصل
وربنا يوفقك ومبروك
و الله يا اميرة و يلز انا مش عارف حاجة و لا فاهم حاجة
بس انا خايف فعلا لاحسن موضوع الغنا يحصل له حاجة
هانشوف
و اللي ربنا كاتبه هو اللي هايحصل
مبروك يا علوة
اى كان هى خطوة جميلة ومهمة وهتستفيد منها انشاء الله , وبعدين انت شوف امورك وشوية شوية هتعرف تظبط وتوازن بين كل حاجة , الأمسية ع الأبواب يا معلم حضر الينسون بقه
))
ya3am ya3am,,, 2500 mabrook
ربنا يوفقك يا على
و مبروك ع الشغل الجديد
و ان شاء الله يكون فاتحة خير عليك يارب
its ur first step dont worry u will do it:)))&tht wont affect on ur other side i mean songs&so on u can be good in every thing u wanna just wanna it congratulation i know u 4om my sister nour btoshkor fek gdn:)))&ur songs keep going &the most imp. thing is trust ur self so
الف الف مبروك يا على
وربنا يوفقك لما فيه الخير ان شاء الله :)
ألف مبروك يا علي على الشغل الجديد
ربنا يوفقك في حياتك إن شاء الله
شوف ياعلى قول بس انت هتغي امتي و فين و قولنا
واحنا هنيجي لو في بلاد تركب الافيال
تحياتشي
حمد لله ع السلامة يا فنان
اكيد احنا اللي كسبنا برجوعك دا
تحياتي
ألف مبروك يا على..وأتمنالك كل توفيق إن شاء الله
إرسال تعليق